Vera - 01.02.2002, Qupperneq 12
Mér finnst
Mér finnst... ..ótrúlega erfitt að skrifa
stutta blaðagrein. Frá því vinkona mín skoraði á
mig hef ég beðið eftir að eitthvað „kveikti í mér"
og ég fengi löngun til aö tjá mig um sérstakt
málefni. Hvort sem það er árstíminn, að íþrótta-
efni sjónvarpsins hefur verið óvenju gott eða
eitthvað annað sem gerir það að verkum, hefur
verið bið á því að andinn kæmi yfir mig. í dag
var þó ekki undan því vikist að skrifa þennan
pistil. Þegar ég kom heim úr vinnunni, jafn hug-
myndasnauð og vanalega, tók hundurinn minn á
móti mér, þetta dýr sem er alltaf kátt þegar ég
kem heim hvernig svo sem aðrir vindar blása.
Vegna hinna vanalegu móttakna hundsins fór ég
að hugsa um rétt og/eða getu fólks til þess að
eiga heimilisdýr. I mínu starfi fæ ég oft spurn-
ingar um hvar sé hægt að leigja íbúð þar sem
gæludýrahald er leyfilegt, mestmegnis frá fólki
sem er illa statt félagslega. Því miður er ekki um
auðugan garð að gresja í þeim efnum. Víða í fjöl-
býlishúsum er hunda- og kattahald bannað og á
þaö oftast við um félagslegt leiguhúsnæði, þjón-
ustuíbúðir aldraðra og fatlaðra svo einhverjir
staðir séu nefndir. Þaö hafa ekki allir val um
hvar þeir búa, t.d. vegna heilsufars eða fátæktar.
Þessi hópur fólks hefur oft ekki sama val og aðr-
Að fá að eiga
gæludýr
Þórdís Linda Guðmundsdóttir,
félagsráðgjafi
ir um hvort það haldi gæludýr. Ofnæmi og óþrif
sem geta fylgt gæludýrum er ókostur sem þarf
að taka tillit til, og það er fjarri mér aö halda því
fram að það eigi allsstaðar að vera leyfilegt að
halda gæludýr en á sama hátt þarf það heldur
ekki endilega að vera bannað allsstaðar. Rann-
sóknir styðja að gæludýrahald geti haft jákvæð
áhrif á ýmsa þætti, s.s. lífslíkur, samskipti og lífs-
gleði einstaklingsins. Mikil vakning er um þýð-
ingu þess að fólk hafi tækifæri til að umgangast
dýr. Svokölluð „pet therapy" er þekkt meðferðar-
form víða erlendis og hefur verið að ryðja sér til
rúms hér á landi. Sem dæmi má nefna rannsókn
Ingibjargar Hjaltadóttur hjúkrunarfræðings um
áhrif heimsókna dýra á deildum fyrir minnis-
sjúka. Það hafa ekki allir ánægju af dýrum og
mér finnst sjálfsagt að virða það. Á sama hátt tel
ég mikilvægt að virða vilja þeirra sem hafa
ánægju af dýrum og rétt þeirra til að eiga gælu-
dýr. Til eru margar sorgarsögur um lélega hirð-
ingu gæludýra og samskiptaerfiðleika nágranna
vegna dýrahalds. Á móti hverri sorgarsögu tel ég
að til séu a.m.k. tvær til þrjár sólskinssögur. Mér
finnst að allir eigi að hafa jöfn tækifæri til þess
að eiga gæludýr óháð félagslegum aðstæðum.
Ég skora á Steinhildi Sigurðardóttur félagsfræð-
ing að segja meiningu sína í nœsta blaði.
Eitt af meistaraverkum heimsbókmenntanna í rómaðri
leikgerð, saga um ástríður og grimm örlög
i
I
Anna Kareninia
eftir Lev Toí|toj
Miðasölusími: 551 1200
Netfang: midasala@leikhusid.is
Veffang: www.leikhusid.is
Leikendur: Margrét Vilhjálmsdóttir, Stefán Jónsson,
Baldur Trausti Hreinsson, Jóhann Sigurðarson, Brynhildur
Guðjónsdóttir, Kjartan Guðjónsson, Kristbjörg Kjeld,-
Ragnheiður Steindórsdóttir, Þórunn Lárusdóttir, Þröstúi
Leó Gunnarsson. Leikstjórn: Kjartan Ragnarsson
ÞJOÐLEIKHUSIÐ