Vera - 01.02.2002, Blaðsíða 45
Rabbdagskrá, kl. 12.00-13.00, Norræna húsið:
14. mars: Dr. Sif Einarsdóttir, sálfrœöingur: Stuðla áhugakannanir að hefðbundnu
starfsvali karla og kvenna? Athugun á kynbundinni skekkju í Áhugakönnun Strong.
4. apríl: Dr. Annadis G. Rúdólfsdóttir, félagssálfrœöingur: Ungar mæður.
18. apríl: Kristin Þóra Kjartansdóttir, sagnfrœöingur: Frásögn af tveimur heimum:
(slenskur veruleiki um miðja 20. öld frá sjónarhóli þýskrar konu.
Opinber fyrirlestur, kl. 16.00 í Norræna húsinu:
7. mars: Dr. Hólmfridur Garðarsdóttir, bókmenntafrœöingur: Um sjálfsmynd og sjálfsmat
kvenna við árþúsundalok og pólitískt hlutverk samtímarithöfunda í Argentinu.
16. maí: Dr. Marjaliisa Hentila, hagsögufrœðingur: Atvinnuþátttaka kvenna í Finnlandi
um aldamótin 1900.
starfi hefur verið hægt að leggja vinnu í
að sækja um fé til rannsóknaverkefna,
en þá vinnu hef ég unnið í nánu sam-
starfi við Þorgerði Einarsdóttur, félags-
fræðing og lektor I kynjafræðum, sem
ráðin var sem slík í janúar 2001," segir
Irrna.
„Þegar ég kom til starfa, haustið
2000, var frestur til að sækja um í
innlenda sjóði liðinn. Við leituðum því
fyrst á náðir erlendra sjóða og skrif-
uðum umsókn ásamt Norðmönnum til
að fjármagna evrópskt verkefni um kyn-
bundinn launamun. Styrkur fékkst til
verkefnisins frá Jafnréttisáæltun
Evrópusambandsins og eru samstarfs-
aðilar okkar auk Norðmanna, Danir,
Englendingar og Grikkir. í þessu verkefni
eru teknar fyrir þrjár starfstéttir, en þær
eru verkfræðingar, framhaldsskóla-
kennarar og fiskvinnslufólk, og borið
saman m.a. starfsmenning og launa-
umhverfi til að varpa Ijósi á nokkra
þsetti í launamyndun og launamun karla
og kvenna innan greinanna. Verkefninu
er stýrt af Norðmönnum og við vinnum
þaö í umboði Jafnréttisráðs. Nú er unnið
að gagnasöfnun hér á landi og síðan
verða niðurstöður kynntar á loka-
ráðstefnu í Noregi í nóvember. Styrkur
til verkefnisins hlaust einnig úr rann-
sóknasjóði Háskóla íslands. Jafnréttis-
áætlun Evrópusambandsins 2001 til
2005 er metnaðarfull áætlun þar sem
miklu fé er varið til alls kyns rannsókna.
Einn áhersluflokkur áætlunarinnar er
samræming einkalífs og atvinnulífs sem
hefur verið ofarlega í umræðunni.
Ataksverkefnið um jafnara námsval
kynjanna undirbýr nú umsókn sem fellur
undir liðinn „bætt staða umönn-
unarstarfa" þar sem markmiðið er að
auka þátttöku karla í umönnunarstörf-
um. I átaksverkefninu er einmitt unnið
að því að fjölga körlum í hjúkrunarfræði
°g félagsráðgjöf og verður stofan
vísindalegt bakland verkefnis sem unnið
er i samstarfi við félög hjúkrunar-
fræðinga, félagsráðgjafa, námsráðgjöf-
ina í HÍ og Reykjavíkurborg. Við leitum
nú eftir evrópskum samstarfsaðilum og
jafnframt eftir mótframlagi frá hérlend-
um aðilum en okkur ber að útvega 20%
af heildarkostnaði við verkefnið.
Ungt fólk, kyn og ofbeldi
Annað verkefni sem er að fara af stað
undir stjórn Rannsóknastofunnar
nefnist Ungt fólk, kyn og ofbeldi. Það
hefur fengið styrki úr Vísindasjóði og
Rannsóknasjóöi HÍ og erum við nú að
undirbúa umsókn sem aðalumsækjendur
til Rannsóknasjóðs Norrænu vísinda-
akademíunnar sem er með sérstaka
áætlun til fjögurra ára um kynbundið
ofbeldi. í rannsóknahópnum eru auk
mín fjórir fræðimenn en ég er verkefnis-
stjóri. Rannsökuð verða tengsl kyns og
ofbeldis og hvernig það kemur fram í
reynsluheimi ungra kvenna og karla.
Meðal annars verður skoðuð sú kynja-
myndun sem ofbeldi leiðir af sér í
menningar- og afþreyingarefni ætluðu
ungu fólki og tekin viðtöl til að meta
hugsanleg áhrif ofbeldis á reynsluheim
ungs fólks. Okkur finnst þetta brýnt efni
nú þegar kynlífsvæðingin hefur aukist
svo mjög, ekki bara hér á landi, það er
alþjóðlegt vandamál. Við veltum t.d.
fyrir okkur hvaða áhrif allt það ofbeldi
sem fylgir klámi og klámmyndum hefur
á ungt fólk.
Kvennagagnabanki
Eitt af þeim verkefnum sem Rann-
sóknastofa í kvennafræðum hefur ýtt úr
vör á síðastliðnum mánuðum er undir-
búningur Kvennagagnabanka á netinu.
Við ákváðum að drífa þetta verkefni af
stað en umræður um nauðsyn þess hafa
víða verið í gangi. Tilgangur gagna-
bankans er að safna á einn stað nöfnum
kvenkyns sérfræöinga í hinum ýmsu
störfum samfélagsins til upplýsinga og
til að auðvelda fólki sem vill leita til
þeirra aðgang að þeim. Við byrjuðum á
að fá fé frá nokkrum aðilum og réðum
Erlu Huldu Halldórsdóttur, fyrrverandi
forstööumann Kvennasögusafnsins í
hlutastarf í tvo mánuði til að koma
þessu af stað. Hún hefur unnið að
frekari fjármögnun og undirbúningi og
vonandi tekst að koma þessu endanlega
í höfn og fá aðila til að halda utan um
þetta. Svona gagnabankar eru til víða í
nágrannalöndunum, t.d. hefur norski
gagnabankinn, kvinnebasen.no, verið
okkur fyrirmynd. Þar eru nöfnin flokkuð
eftir starfsgrein, sérfræðiþekkingu,
búsetu o.fl. og konurnar skrá sig sjálfar
og gefa þær upplýsingar sem þær vilja
koma á framfæri.
Við höfum svo fengið undirbún-
ingsstyrk úr Sókrates áætlun Evrópu-
sambandsins til verkefnis sem tengist
endurmenntun í jafnréttis- og kynja-
fræðum og ætlum að vinna það í
samvinnu við þrjú Evrópulönd. Ef við
fáum áframhaldandi styrk gæturn við
eflt starfsemi á sviði endurmenntunar
og námskeiðahalds en margar sambæri-
legar stofnanir leggja mikla áherslu á
slikt starf. Námskeiðin yrðu að öllum
líkindum unnin i samvinnu við símennt-
unarstofnanir en nú á þessu vormisseri
bjóðum við einmitt upp á tvö námskeið
í samvinnu við Endurmenntun H.í. Á
fyrra námskeiðinu sem hófst í byrjun
febrúar eru kynnt grunnatriði kynja-
fræða og mikilvægi kynjavitundar i
samfélgasumræðu og stefnumótun.
Seinna námskeiðið, sem verður haldið 4.
og 6. mars, fjallar um gerð jafnréttis-
áætlana. Fariö verður í stöðu kynja á
vinnumarkaði, hugmyndafræði að baki
samþættingu jafnréttissjónarmiða, gerð
jafnréttisáætlana og eftirfylgni.
Að lokum vil ég minna á að 4. og 5.
október i haust verður þriðja ráðstefnan
um íslenskar kvenna- og kynjafræði-
rannsóknir haldin hér við Háskólann.
Ráðstefnan verður þverfagleg og á að
endurspegla stöðu kvenna- og kynja-
fræðirannsókna árið 2002.
Stjórn Rannsóknastofu i kvenna-
fræöum skipa nú: Arnfríöur
Guðmundsdóttir formaður, skipuð af
Háskólaráði, Dagný Kristjánsdóttur úr
hugvísindadeild, Edda Benediktsdóttir
úr raunvísindadeild, Guðný
Guðbjörnsdóttir úr félagsvísindadeild,
Ólöf Ásta Ólafsdóttir af heilbrigðisvísin-
dasviði, Þorgeröur Einarsdóttir, Rósa
Erlingsdóttir og Rannveig Traustadóttir
skipaðar af Háskólaráði.
45