Vera - 01.02.2002, Síða 22

þá er ég feministi
Halldór Grönvold, aðstoðarframkvæmdastjóri ASÍ
Feministar eru þær/þeir sem
aöhyllast þetta grundvallar-
sjónarmið um jafnrétti og
mannréttindi og vinna aö
framgangi þess.
u
■ I ver er feministi? Hvað er að vera feministi? Þrátt
fyrir að feminismi sé vel þekkt hugtak úr jafnréttisum-
ræðunni verð ég að viðurkenna að þegar á reyndi hafði
það ákaflega óljósa merkingu í mínum huga. Eg hef fyrst
og fremst tengt það Rauðsokkuhreyfingunni og róttæk-
um og framsæknum baráttukonum fyrir jafnrétti á 8. og
9. áratug síðustu aldar. Og sjálfum hefur mér ekki dott-
ið í hug að kalla mig feminista þótt ég telji mig jafnrétt-
issinna og baráttumann fyrir þeirri lífsskoöun. Klassísk
skilgreining á feminisma hljóðar eitthvað á þessa leið:
samfélagssýn sem gengur út frá að kynin, konur og karl-
ar, skuli njóta jafnréttis á öllum sviöum samfélagsins, í
stjórnmálum, efnahagslífinu og félagsgerðinni allri.
Feministar eru þær/þeir sem aðhyllast þetta grundvallar-
sjónarmið um jafnrétti og mannréttindi og vinna aö
framgangi þess. Feministar benda á að konur og karlar
njóta ekki sama réttar og möguleika í samfélaginu og að
konur hafa meðvitað og kerfisbundið verið beittar mis-
rétti og þeim verið mismunað í samfélagi sem hefur ver-
ið gegnsýrt af hugmyndum gamla feðraveldisins. Og
birtingarmyndirnar eru margar og ólikar úti í þjóöfélag-
inu og inni á heimilunum. Á vinnumarkaðinum sést þetta
gleggst á kerfislægum launamun kynjanna og afstöðu
samfélagsins til hefðbundinna „kvennastarfa". Verkefni
feminista er að uppræta þetta misrétti. Það verður ein-
ungis gert með því að setja spurningamerki viö allt sem
er, leita að viðmiðum og framkvæmd sem byggja á jöfn-
um rétti og jöfnum möguleikum kynjanna og vinna að
framgangi þeirra. Ef feministi er hversá sem aðhyllist
þá lífsskoöun sem hér hefur verið lýst og hagar sér
í samræmi við hana, þá væri mér mikill heiður
af því aö vera kallaður feministi. Um leið er
mikilvægt aö viðurkenna að það hljóta, eðli
málsins samkvæmt, að vera konurnar
sjálfar sem hér eftir sem hingað til verða
í forystu fyrir réttindabaráttu kvenna.
Þótt margt hafi áunnist í jafnréttis-
málum síðustu áratugi eru fjölmörg
verkefni enn óunnin.