Vera - 01.02.2002, Blaðsíða 46
Kvikmyndir
Úlfhildur Dagsdóttir
Nokkrar góðar frá í fyrra
Það er hefð fyrir því í upphafi nýs árs að líta til baka yfir farinn veg og
velta fyrir sér hvort kona hafi virkilega fengið það besta út úr árinu sem
leið. í þessum tilgangi keppast fjölmiðlar um að birta lista yfir hitt og
þetta ómissandi frá síðasta ári. Hér eru 7 myndir sem eru nauðsynleg-
ar hverri þeirri sem vill ganga ótrauð og vel upplýst inn í framtíðina.
The Gift
- Sam Raimi
Þessi er reyndar frá í hittifyrra, en hún
var hér i fyrra... Sagan gerist í smábæ
og segir frá ungri ekkju með miðils-
hæfileika og þrjá syni. Hún er einskon-
ar blanda af sálfræðingi og lækni bæj-
arbúa. Einn daginn hverfur ung kona í
bænum og faöir hennar og unnusti
biðja miðilinn að finna hana. Leikkonan
Cate Blanchett er í aðalhlutverki og er
burðarás myndarinnar. Blanchett er
þekktust fyrir hlutverk sitt sem Elísabet
drottning og þarna er hún aftur að
leika hlutverk einmana og einangraðr-
ar konu, að þessu sinni eru það hæfi-
leikar en ekki staða hennar sem ein-
angra hana."
Oh Brother Where Art Thou?
- Coen Bræður
Lauslega byggð á Ódysseifskviðu
Hómers og fjallar þarmeð um mann
sem er að reyna að komast heim til sín.
Sagan hefst í fangelsi, þaðan sem þrír
fangar sleppa. Fangelsið samsvarar
væntanlega eyju dísarinnar Kalypsó, en
þaðan losnaði Ódysseifur eftir langa
mæðu með hinni ástsjúku dís. Og síðan
tekur við hvert ævintýrið á fætur öðru,
■ með tilheyrandi samsvörun við kvið-
una. Ekki eru þó allar persónurnar álík-
ar fyrirmyndum sínum, hin góðhjart-
aða prinsessa Násíka sem bjargar
Ódysseifi undir lokin birtist þarna I líki
akfeits, en Ijóshærðs ríkisstjóra, og í
staö sonarins Telemakkusar eru komnar
sjö dætur.
Memento
- Christopher Nolan
Jújú, þessi er líka frá I hittifyrra en...
Söguþráðurinn er þessi: Leonard Shelby
er að leita að morðingja konu sinnar.
Leitin er nokkuð flókin því Leonard er
með heilaskemmd sem gerir það að
verkum að skammtímaminni hans er
horfiö. Hann getur ekki búið til nýjar
minningar. Hann man allt upp að
árásinni á konu sina, þarsem hann fékk
sjálfur höfuðhögg með fyrrgreindum
afleiðingum, en eftir þaö man hann
ekkert nema í stuttum bútum. í hvert
skipti sem hann vaknar, þá man hann
ekki hvar hann er, í hvert skipti sem
hann hittir fólk þá man hann ekki hvort
hann hefur hitt það áöur. Alveg sérlega
meiriháttar mynd, ekki síst fyrir hlut
leikkonunnar Carrie-Ann Moss (Matrix
og Chocolat) sem sýnir hér enn og
sannar að hún er svalasta leikkonan um
þessar mundir. Hún leikur eina af þess-
um skemmtilegu vondu konum,
Natalie, sem í fyrstu virðist full samúð-
ar með Leonard en reynist svo flagð
undir fögru skinni og lætur Leonard
drepa óæskilega menn fyrir sig.
Bridget Jones's Diary
- Sharon Maguire
Ólíkt Shelby er Bridget kannski óþarf-
lega minnisgóð og þá vanalega á
óþægilega atburði, enda skráir hún
þetta allt hjá sér í dagbók. Mynd sem
hafði allt til að bera til aö verða frem-
ur hefðbundin kvennamynd náði að
hrista af sér helstu klisjurnar (eða bara
hrista upp í þeim) og verða alveg stór-
skemmtileg. Samspilið við Jane Austen-
myndirnar er sérlega smart.
Mummy Returns
- Steven Sommers
Eins og titillinn gefur til kynna er
Mummy Returns framhald af The
Mummy frá I hittifyrra. Aðalpersónurn-
ar úr fyrri myndinni, klaufalega bóka-
verjan og ævintýramaðurinn, hafa nú
gifst og eignast son. Þau hjón eru að
grafa um sig á greftrunarstað Sporö-
drekakonungsins og finna þar armband
hans sem hefur þann hæfileika að vekja
hann til lifsins og skapa glundroða.
Múmíumyndir minna um margt á Indi-
ana Jones myndirnar en þær hafa verið
gagnrýndar fyrir að vera karlamyndir,
þarsem Jones er hefðbundinn karlhetja
og konurnar eru einungis aukahlutir
sem undirstrika karlmennsku hans. The
Mummy Returns gerir sitt til að koll-
varpa þessu, í fyrri myndinni var bóka-
verjan fremur máttvana kvenmaður en
nú bregður svo við að hún er orðin
jafnoki eiginmannsins, er enn sem fyr
utan við sig og prófessorsleg, en einnig
hugdjörf og hugmyndarík þegar í harð-
bakkann slær. Þessi mynd minnir svo
um margt á
Lara Croft: Tomb Raider
- Simon West
með Angelinu Jolie í hlutverki kven-
hetjunnar, sem einnig er í stöðugum
ævintýralegum fornleifaleiðöngrum.
Ginger Snaps
- John Fawcett
Og að lokum: ein góð hrylla. Fitzgerald
systurnar eru á skjön við hið bjarta
bandaríska menntaskólasamfélag. Upp-
teknar af dauða og hryllingi þá stunda
þær að sviðsetja dauða og taka myndir
af sviðsetningunni. Þær afneita kven-
leika sínum einnig og vilja ekki vera
með strákum. En svo gerist hið óhjá-
kvæmilega, önnur byrjar með blæðing-
ar. Sama kvöld eru systurnar úti að
taka myndir og verða fyrir árás ókenni-
legs dýrs. Og stúlkan tekur ógnvænleg-
um breytingum: en eru þær vegna ný-
uppgötvaðs kvenleika eða bar úlfdýrið
með sér smit?
ps svo er auðvitaö fullt af öðrum frá-
bærum sem ekki má missa af eins og
Shrek og Moulin Rouge, en um þær
ætla ég aö fjalla betur seinna...
46