Heimilisritið - 01.09.1948, Side 24

ÞÝÐINGAR MANNANAFNA
Sp.: 1. Geturðu gert svo vel og sagt mér
hvað eftirfarandi mannanöfn þýða: Marta,
Fríða, Margrét, Ragnhildur, Guðrún,
Helgi, Eiríkur.
2. Ég er átján ára gömul og 159 sm.
há. Hvað á ég að vera þung?
Alla.
Sv.: 1. Marta — frú; Fríða — sú frið-
sama; Margrét — perla; Ragnhildur —
guði helguð; Guðrún — vernduð af guði;
Helgi — bardagamaðurinn; Eiríkur —
tryggur.
2. Þú átt að vega 54.5 kg.
ÞAU ERU HRINGTRÚLOFUÐ
Sp.: Eg er átján ára gömul og hring-
trúlofuð. Unnusti minn álítur að við get-
um óátalið farið tvö ein í ferðalag og
sofið saman í tjaldi. Hann segir, að hring-
trúlofuð hjónaefni hafi leyfi til að lifa
saman eins og hjón. Hvað er þitt álit?
Unnusta.
Sv.: Réttast er að láta sín eigin siðferði-
legu sjónannið ráða í þessu efni. Þú verð-
ur sjálf að ákveða, hvaða réttindi unnusti
þinn hefur öðlast, með því að hringtrú-
lofast þér.
Hinnsvegar finnst mér þið ættuð að fara
varlega í sakirnar, að því er varðar nána
sambúð ykkar, þangað til þið eruð gift. Að
vísu er það varla tiltökumál þótt þið tak-
ið svolítið forskot út á sæluna, ef þið gæt-
ið ýtrustu varúðar! Það er ráðlegt að ganga
úr skugga um, hvort þið eigið yfirleitt sam-
an í lífinu, áður en þið giftist. En ef þið
ætlið að fara að hegða ykkur eins og ný-
gift hjón, þá er auðvitað viðkunnanlegra
— og ekki síður öruggara fyrir þig — að þið
giftist tafarlaust.
AMBER OG BLÓM
Sp.: 1. Geturðu sagt mér hvenær fram-
haldið af „Sögunni af Aniber“ kemur út?
2. Er kvikmyndin af henni ekki bráðum
væntanleg?
3. Finnst þér að maðurinn minn ætti
ekki að kaupa blóm handa mér öðru
hverju?
4. Hvernig er skriftin?
HeimaTcær.
Sv.: 1. Sökum pappírsskorts mun hafa
dregist að gefa út síðustu heftin af þessari
bók, en nú hefur eitthvað ræzt úr i bili,
svo að ekki ætti að líða á löngu þar til
þau koma út.
2. Það er lítil eða engin .von til þess að
kvikm.vnd þessi verði sýnd hér. Eins og
kunnugt er þá skortir okkur mjög gjald-
eyri, einkum dollara, og þvi hefur alger-
lega verið tekið fjTÍr innflutning kvik-
mynda frá Bandaríkjunum.
3. Jú, en ekki sízt þegar hann hefur
slæma samvizku.
4. í meðallagi — og vel það.
'Eva Adams
22
HEIMILISRITIÐ