Læknablaðið - 15.06.1997, Blaðsíða 30

390
LÆKNABLAÐIÐ 1997; 83
Stefnumótunarvinna Læknafélags
íslands 1996-1997
Aðalfundur Læknafélags íslands haldinn
20.-21. september 1996 ákvað að unnið skyldi
að stefnumótun, þar sem það væri afar brýnt
að allir læknar sameinuðust um stefnu í heil-
brigðismálum. Stofna skyldi starfshóp, sem
héldi málþing innan sex mánaða, þar sem fjall-
að yrði um skipulag og stefnu í heilbrigðismál-
um. Starfshópurinn skyldi halda áfram störf-
um, skila áfangaskýrslu á formannaráðstefnu
en stefnt skyldi að fullnaðarafgreiðslu á aðal-
fundi haustið 1997.
Með þetta í huga var stofnaður starfshópur
um stefnumótun með bréfi formanns LÍ. Eftir-
taldir aðilar völdust í hópinn: Pálmi V. Jónsson
formaður, Árni Jón Geirsson, Ásmundur Jón-
asson, Guðmundur Björnsson, Ólafur Stein-
grímsson, Páll Torfi Önundarson, Steingerður
Anna Gunnarsdóttir, Sigurður Björnsson onc,
Sigurður Ólafsson, Sverrir Bergmann, Tómas
Zoéga og Vilhjálmur Ari Arason. Páll Pórðar-
son aðstoðaði nefndina. Vegna veikinda kom
Pórir Kolbeinsson í stað Ásmundar Jónasson-
ar.
Ákveðið var að brjóta verkefnið niður í
smærri einingar og stofna undirhópa til að
vinna að einstökum þáttum. Hver hópur var
leiddur af aðila úr starfshópi um stefnumótun.
í þessu tölublaði Læknablaðsins birtist afrakst-
ur þessa hópstarfs eins og hann kom fram á
læknaþingi sem haldið var í aprflmánuði, að
undanskildri stefnumörkun LI um forgangs-
röðun sem verður birt í sérstöku Fylgiriti
Læknablaðsins nú í júnímánuði.
Eftirtaldir hópar voru skipaðir: rannsóknir
og kennsla; læknar sem stjórnendur; launaþró-
un, nýliðun og starfslok; hlutverk læknisins,
almannatengsl, læknir sem leiðtogi; rekstrar-
form og fjármögnun; þróun læknisþjónustu í
þéttbýli og dreifbýli; forgangsröðun; siðfræði
og réttindi sjúklinga; upplýsinga-, tækni- og
gæðaþróun.
Hver undirhópur greindi stefnu LÍ út frá
fyrri ályktunum samtakanna, allt frá árinu
1970. Hópurinn spurði síðan; hvað er gott af
því sem liggur fyrir? hverju mætti breyta? hvar
eru göt í stefnu Læknafélagsins?
Nú liggja greinargerðir fyrir frá öllum starfs-
hópum. Hóparnir óska eftir því að félagsmenn
hafi samband, bæði hvað varðar athugasemdir
en einnig með nýjar hugmyndir sem ekki hafa
komið fram.
Næsta verkefni hvers undirhóps er að greina
atriðaorð eða meginhugsun í viðkomandi
greinargerð. Úr þessum atriðaorðum má vinsa
þær hugmyndir sem þegar hafa verið sam-
þykktar á stjórnarfundum og ekki þarf að sam-
þykkja aftur. Því næst þarf að greina álykt-
unarhæf atriði sem yrðu borin undir aðalfund
til staðfestingar sem stefnu félagsins. Hér er átt
við atriði sem LÍ myndi vinna sjálft að því að
framkæma. Lokst yrðu greindar ábendingar til
þriðja aðila, svo sem læknadeildar HÍ, heil-
brigðisráðuneytis og tryggingastofnunar, svo
að dæmi séu tekin.
Eftir að stefna LÍ hefur verið samþykkt á
aðalfundi kemur til álita að gefa hana út sem
markmið félagsins í heilbrigðismálum. Aðal-
fundur og stjórn LI verða í beinu framhaldi að
greina leiðir til þess að hrinda markmiðum fé-
lagsins í framkvæmd. í því sambandi gæti vel
átt við að mynda sérstaka starfshópa til að
vinna að einstökum atriðum stefnunnar á
næsta starfsári. Öðrum þáttum stefnunnar gæti
stjórnin sjálf fylgt eftir. Jafnframt skammtíma-
áætlun er mikilvægt fyrir stjórn að vinna að
langtímaáætlun, þannig að vinnan falli ekki
niður milli ára.
Nú þarf að undirbúa ályktanir og ábendingar
fyrir aðalfund og greina framkvæmdaatriði á
næsta og síðari starfsárum. Ljóst er að nú þegar
hefur verið unnið mjög mikið og gott starf af
undirhópunum og lætur nærri að 70 læknar hafi
komið að vinnunni nú þegar. Læknar geta
verið bjartsýnir eftir lestur greinargerðanna.
Þekking, reynsla og hugmyndaflug er það sem
einkennir vinnu starfshópanna.
Pálmi V. Jónsson