Læknablaðið - 15.06.1997, Síða 38

398
LÆKNABLAÐIÐ 1997; 83
Hjónin Guðrún Jónsdóttir og Páll Sigurðsson sóttu málþingið. Ljósm.: Lbl.
grein fyrir stöðu mála á því sviði á árlegum
rannsóknarfundi lyfjadeildar. Reglubundnar
ráðstefnur eru haldnar þar sem niðurstöður
rannsókna eru birtar. Á tveggja ára fresti er
lyflæknaþing og þess á milli, einnig annað
hvert ár, er ráðstefna um rannsóknir í lækna-
deild. Erindum hefur fjölgað og þáttur grunn-
rannsókna aukist ár frá ári.
Á undanförnum árum hefur læknadeild,
ásamt raunvísindadeild, hlotið stærstan skerf
af úthlutunum úr Rannsóknasjóði HÍ. Komið
hefur verið á framhaldsnámi fyrir heimilis-
lækna hér á landi í samráði við framhalds-
menntunarráð læknadeildar, um fullkomið
skipulagt framhaldsnám í öðrum sérgreinum er
ekki að ræða.
Viðhaldsnámi, símenntun lækna, er sinnt
með greinakynningum, fræðslufundum og
rannsóknarstarfsemi af ýmsu tagi eins og hér
hefur verið nefnt að framan. Vikulegt nám-
skeið haldið í lok janúar ár hvert á vegum
framhaldsmenntunarráðs og Læknafélags Is-
lands er einnig ætlað sérfræðingum til viðhalds-
menntunar.
Framtíðarsýn
Grunnnám: Nefndin var sammála um að
brýnasta verkefnið til úrbóta í grunnnámi
læknanema væri að innleiða stjórnunarnám til
að tryggja haldgóða þekkingu lækna á þessu
sviði, sem mun einnig viðhalda því forystuhlut-
verki sem læknar eiga að hafa í heilbrigðismál-
um. Það má hugsa sér að stjórnunarnám komi
inn á námsefni síðari ára læknanámsins sem
námskeið er gefi ákveðin réttindi. Mikilvægt er
að gefa einnig unglæknum og sérfræðingum
kost á þátttöku í slíku námi. Mikilvægt er að LÍ
taki frumkvæði í þessu máli með ákveðnu fjár-
framlagi og hugsanlega ráðningu sérmenntaðs
aðila til ákveðins tíma til að hleypa þessu úr vör
og sinna verkefninu í byrjun. Þessi aðili gæti
síðan nýst á annan hátt sem ráðunautur fyrir LI
í tengslum við kjarasamninga og önnur mál.
Hann gæti líka séð um framhaldsnámskeið í
stjórnun og fleiru á vegum LÍ.
Hin hefðbundna læknisfræði skarast við fjöl-
mörg önnur fræða- og starfssvið, læknisfræðin
mun þurfa að hasla sér völl á slíkum landamær-
um. Læknar munu í ríkara mæli koma að
stjórnun og rekstri heilbrigðisstofnana og fyrir-
tækja í þjónustu og framleiðslu fyrir heilbrigð-
isstofnanir. Þannig er æskilegt að auka val-
möguleika í læknanámi, þannig að sérhæfing
geti byrjað fyrr og kynnt verði ný svið sem
tengjast læknisfræðinni, þannig að það opnist
leiðir fyrir unglækna í aðrar áttir en til „hefð-
bundinnar“ læknisfræði. Heilsuverkfræði,
tækniþróun, líftækni, tölvunarfræði eru allt
svið sem munu í auknum mæli tengjast og sam-
vefjast læknisfræði framtíðarinnar. Því telur
nefndin að opna beri fyrir valkosti í grunn-
námi, sem gefi læknanemum færi á að kynnast
nýjungum og framþróun á þessum sviðum.
Framhalds-, viðhaldsnám: Nefndin vill