Læknablaðið - 15.06.1997, Blaðsíða 100

452
LÆKNABLAÐIÐ 1997; 83
Frá Félagi ungra lækna
Ályktun stjórnar FUL um stefnumótun
kennslu í læknadeild HÍ
Töluverð umræða hefur verið
innan stjórnar Félags ungra
lækna undanfarið um gæði
læknanáms við HI, styrkleika
þess og veikleika. Við unglækn-
ar höfum nýlega lokið námi við
læknadeild HI og erum nú farin
að beita þeirri þekkingu og
reynslu sem við höfum aflað
okkur þar. Við gerum okkur
ljósa grein fyrir hvar skórinn
kreppir í náminu. Þykir okkur
eðlilegt og nauðsynlegt að FUL
taki virkari þátt í stefnumótun
læknanáms á íslandi.
Framar í þessu blaði birtist
álit vinnuhóps LI um kennslu og
rannsóknir í læknadeild, en í
þeim hópi sátu helstu forystu-
menn læknadeildar HÍ. Ef um-
rætt álit er framtíðarsýn LÍ í
þessum málum er ljóst að um
algjört metnaðarleysi er að
ræða og stefnir í hnignun lækna-
náms á íslandi.
Þau atriði sem brýnast er að
skoða við mótun stefnu í
kennslumálum eru:
1. Verkleg þjálfun. Oft er því
fleygt að reynsla og verkkunn-
átta íslenskra lækna sem eru að
hefja sérnám sé góð samanborið
við erlenda kollega. Þá er aftur
á móti verið að bera saman
lækna með tveggja til þriggja
ára reynslu eftir útskrift við
nýútskrifaða erlenda nema.
Staðreyndin er hins vegar sú að
verkkunnáttu nýútskrifaðra ís-
lenskra kandídata er ábótavant
og sú reynsla sem menn hafa
aflað sér er að mestu leyti fengin
við afleysingastörf.
Verklega þjálfun læknanema
þarf því að auka og bæta. Þeir
þurfa að taka á sig meiri ábyrgð
í námi sem er forsenda þess að
þeir læri þann hugsunarhátt sem
er nauðsynlegur fyrir vinnu
lækna. Við teljum því nauðsyn-
legt að auka viðveru á deildum
og efla klínískt nám. Marklýs-
ingar fyrir störf læknanema eru
forsenda þess að nám verði
markvisst, og ætti það að vera
krafa læknanema að slíku sé
fylgt eftir með afrekaskrám.
Vel heppnað námskeið að þessu
leyti er verklegt nám í fæðinga-
og kvensjúkdómum. Auk þess
mætti setja nema á sérstakar
vaktir þar sem þeir setja upp
nálar, þvagleggi, og sondur sem
og önnur verkefni sem til falla á
vöktunum. Skoða mætti hvort
rétt væri að greiða fyrir slík
störf.
2. Uppbygging námsins.
Nauðsynlegt er að endurskoða
uppröðun námskeiða innan
deildarinnar. Rannsóknarverk-
efni fjórða árs nema er dæmi um
ánægjulega nýbreytni í námi á
síðari árum. Islenskir lækna-
nemar reika hins vegar stefnu-
laust um námið of lengi og fasta
stefnu ætti að taka fyrr.
Algjör forsenda þess er að
ljúka lyf- og handlæknisfræði á
fjórða námsári og flétta til dæm-
is kennslu í meinefnafræði og
myndgreiningu inn í verknám
lyf- og handlæknisfræða. Aðrir
áfangar og rannsóknarverkefni
yrðu á fimmta og sjötta ári.
Þá mætti auka valfrelsi nem-
enda þannig að þeim gæfist
kostur á að nýta sér námstæki-
færin betur, halda áfram rann-
sóknum á sínu áhugasviði og
kynnast vætanlegri sérgrein
fyrr.
3. Kennslufyrirkomulag.
Fyrirkomulag kennslu í deild-
inni þarfnast endurskoðunar.
Eldri og oft úreltar kennsluað-
ferðir eru í hávegum hafðar og
stór hluti kennslunnar fer fram í
fyrirlestraformi með nemendur
sem óvirka áheyrendur. Réttast
er að leggja áherslu á nýrri
kennsluhætti með virkri þátt-
töku nemenda í smærri hópum.
I nútíma upplýsingaþjóðfélagi
er stöðug samkeppni um athygli
manna. Læknadeild verður að
setja sér markmið með hvaða
hætti brugðist verður við nýrri
upplýsinga- og kennslutækni.
4. Stjórnunarnáni. Þörf er á
námi í stjórnun vegna leiðtoga-