Einkaneysla 1957-1987 - 01.12.1989, Side 31

fjölda einkasímatækja. Fastaverð fyrir hvern lið símakostnaðar, þ.e. afnotagjöld, stofngjöld, og
umframskref, er reiknað með upplýsingum úr vísitölu framfærslukostnaðar.
Póstur er áætlaður 11-16 innanlandsbréf á mann árin 1975-1980. Fjölgun er skv. upplýsingum úr
neyslukönnun 1978-1979. Þessi fjölgun er tekin inn jafnt öll árin þ.e.a.s. eitt bréf á ári. Einingarverð er í
vísitölu framfærslukostnaðar og er það notað bæði við útreikning heildarútgjalda á verðlagi hvers árs
og föstu verði.
Upplýsingar um skeytafjölda er að finna í ársskýrslum Pósts og síma. Til einkaneyslu eru hér talin
öll heillaskeyti en einungis 10% annarra skeyta innanlands og til útlanda. Ekki liggja fyrir upplýsingar
um tekjur Pósts og síma af skeytum í því formi sem hér þyrfti á að halda. Þess vegna er orðafjöldi í
skeytum til útlanda verðlagður með skeytaverði til Danmerkur. Fastaverðsútreikningar eru gerðir með
vísitölum sem byggjast á töxtum úr ársskýrslum Pósts og síma.
7. Tómstundaiðja, skemmtanir, menntun og menningarmál.
Þessi kafli skiptist í nokkra undirflokka og er hver um sig reiknaður sérstaklega.
7.1-7.2 Tómstundaiðja og skemmtanir.
Hér er um að ræða ýmis útgjöld sem landsmenn verja til tómstunda og skemmtana svo og útgjöld
sem varið er til viðhalds á tómstundavörum. Má hér nefna viðgerðir á útvarps- og sjónvarpstækjum,
útgjöld sem varið er til leikhúsa- og kvikmyndahúsaferða, til dansleikjahalds, árshátíða o.þ.h., til
hljómleika, íþróttamóta, útisamkoma, veiðiferða o.fl. Hér eru einnig meðtalin afnotagjöld útvarps og
sjónvarps, kaup á happdrættismiðum, getraunaseðlum og lottói, kaup á blómum o.fl.
7.1 Tómstundavörur.
Við gerð áætlana um viðgerðakostnað útvarps-og sjónvarpstækja er farið eftir upplýsingum um
fjölda útvarps- og sjónvarpsnotenda í landinu og eftir upplýsingum úr framfærsluvísitölunni um
viðgerðakostnað á hvert útvarps- og sjónvarpstæki. Fastaverðsútreikningar eru gerðir með sama hætti.
Stærsti hluti tómstundavara eru innfluttar vörur, svo sem útvörp, sjónvörp, hljómtæki, leikföng o.fl.,
og er smásöluvirðið áætlað eins og smásöluvirði annarra innfluttra vara og áður hefur verið lýst.
Útreikningur á smásöluvirði innfluttra tómstundavara á föstu verðlagi byggist á samsvarandi vísitölum
samkvæmt framfærsluvísitölunni.
7.2 Skemmtanir.
Afnotagjöld útvarps og sjónvarps eru talin hér og upplýsingar um þau er að finna í ársskýrslum
Ríkisútvarpsins og Stöðvar 2. Þjónusta ljósmyndara er áætluð sem hluti af veltu í atv.gr. 867,
ljósmyndastofur. Greidd afnotagjöld, framköllun ljósmynda o.fl. á föstu verðlagi er reiknað með
vísitöluaðferð. Byggt er á verðvísitölu afnotagjalda og vísitölu fyrir þjónustu ljósmyndara samkvæmt
vísitölu framfærslukostnaðar.
Áætlun um kaup á innlendum blómum byggir á áætlaðri innanlandsframleiðslu sem verðlögð er
með framleiðsluverði að viðbættri álagningu og söluskatti. Blómakaup á föstu verðlagi eru reiknuð
með einingarverðsaðferð þar sem breytilegt magn er margfaldað með verði innlendra blóma á
staðvirðingarárinu.
Útgjöld til happdrætta eru færð nettó, þ.e. keyptir miðar að frádregnum vinningum. Stóru
happdrættin gefa upplýsingar um sölu miða og greidda vinninga. Virði seldra miða að frádregnum
útborguðum vinningum eru færð sem útgjöld í einkaneyslunni. Upplýsingar um smærri happdrætti,
miðaverð, fjölda útgefinna miða og vinningshlutfall einstakra happdrætta fær Þjóðhagsstofnun úr
gögnum frá Dómsmálaráðuneyti sem veitir happdrættisleyfin. í áætlunum stofnunarinnar er að jafnaði
gert ráð fyrir að um 50% miða þessara happdrætta seljist. Fjárhæðir eru færðar nettó eins og önnur
happdrættisútgjöld. Fastaverðið byggir á vísitölu miðaverðs sem reiknuð er eftir meðalverði ársmiða
hjá þremur stærstu happdrættunum.
íslenskar getraunir hf. og íslensk getspá hf. veita upplýsingar um sölu getraunaseðla og lottómiða