Einkaneysla 1957-1987 - 01.12.1989, Síða 32

og jafnframt um greidda vinninga. Greiddir vinningar eru að jafnaði 40-50% af veltu fyrirtækjanna.
Fastaverðið er reiknað með vísitölu sem byggir á verði hverrar raðar í getraununum.
Kaup á veiðileyfum eru nú áætluð með upplýsingum um úgjöld í vísitölu framfærslukostnaðar og
tölum um mannfjölda hverju sinni. Fastaverðið reiknast á sama hátt með vísitölu sem byggir á
útgjöldunum samkvæmt framfærsluvísitölunni.
Upplýsingar um sölu aðgöngumiða og sýningarskráa í Þjóðleikhúsi og Iðnó eru fengnar beint frá
fyrirtækjunum sjálfum. Sala sælgætis og gosdrykkja er hins vegar ekki meðtalin í þessum lið.
Fastaverðsútreikningar eru gerðir með vísitölu miðaverðs úr vísitölu framfærslukostnaðar.
Seldar vörur og þjónusta Sinfóníuhljómsveitar íslands eru meðtalin í einkaneyslu. Upplýsingar er
að finna í Ríkisreikningum og ársskýrslum Ríkisútvarpsins. Verðvísitala, sem notuð er við fastaverðs-
reikning, er áætluð sú sama og miðaverðsvísitala í Þjóðleikhúsinu.
Önnur leikhússtarfsemi og aðrir tónleikar, svo sem tónleikar tónlistarfélaga og tónleikar utan
Reykjavíkur, eru áætluð sem afgangsstærð veltu í grein 852, Leiklistarstarfsemi, hljómsveitir o.fl.,
þegar búið er að draga frá veltu Þjóðleikhúss, Iðnó og Sinfóníuhljómsveitar íslands. Niðurstaðan er sú
að útgjöld til leikhússtarfsemi og tónleika eru talin 85% veltunnar í greininni. Er þá gert ráð fyrir að
styrkir og greiðslur fyrirtækja og stofnana nemi um 15% tekna í greininni. Fastaverðið er fundið með
vísitölu leikhúsmiðaverðs samkvæmt framfærsluvísitölunni.
Kvikmyndasýningar eru ífyrstu áætlaðar með tekjum í atv.grein 851, Kvikmyndahús, kvikmynda-
upptaka, án tekna einstaklingsfyrirtækja. Árin 1975-1980 eru notaðar upplýsingar úr Hagtíðindum um
fjölda sýningargesta í kvikmyndahúsum og meðalverð miða til að finna áætluð útgjöld á verðlagi hvers
árs og á föstu verðlagi. Útleiga á myndböndum bætist einnig við þennan lið en fer ekki að gæta fyrr en
eftir 1980.
Frá og með 1981 er tekin upp sú aðferð að byggja á atvinnuvegauppgjöri Þjóðhagsstofnunar.
Kvikmyndasýningar eru nú áætlaðar 80% af sölu með söluskatti í atvinnugrein nr. 851 með þeim
rökum að 20% veltunnar séu tekjur kvikmyndagerðarfyrirtækja og sælgætissala kvikmyndahúsa, sem
talin er annars staðar. Hér eru aftur á móti ekki meðtaldar leigutekjur í atvinnugreininni þar sem hér er
væntanlega um að ræða tekjur af leigu sýningasala o.fl. til fyrirtækja eða félagasamtaka ýmiss konar.
Kostnaður vegna leigu á myndböndum og myndbandstækjum er áætlaður á grundvelli fjárhæða í
síðustu neyslukönnun Hagstofu íslands sem gerð var árin 1985-1986. Fjölskylduútgjöldin í könnuninni
eru færð upp með fjölda fjölskyldna miðað við 3.48 manna fjölskyldustærð. Til að áætla útgjöld fyrri ára
eru fjölskylduútgjöld 1985-1986 bakreiknuð með verðvísitölu og síðan margfölduð með fjölskyldu-
fjöldanum ár hvert. Til að reikna útgjöld vegna kvikmyndahúsaferða á föstu verði og sömuleiðis leigu á
myndböndum er notuð vísitala aðgöngumiðaverðs samkvæmt framfærsluvísitölu.
Útgjöld á dansleiki og aðrar skemmtanir eru áætluð samkvæmt veltu í atv.grein 859, skemmtanir
ót.a. Öll sala með söluskatti er talin til einkaneyslu en leigutekjur, umboðslaun og aðrar tekjur
greinarinnar eru ekki meðtaldar. Fastaverðið er reiknað með vísitölu sem fengin er með verðbreyting-
um samsvarandi útgjalda í vísitölu framfærslukostnaðar.
7.3 Lestrarefni.
Útgjöld til kaupa á innfluttum bókum og tímaritum eru fundin með því að reikna innflutninginn til
smásöluverðs. Innlendi hlutinn er fundinn með því að reikna upplag bóka samkvæmt upplýsingum
útgefenda til smásöluverðs með verði hverju sinni. Upplagi nýrra bóka er skipt þannig á sölutímabil að
helmingur bókanna er talinn seljast á útgáfuári ogfjórði hlutinn á næsta ári. Að endingu er gert ráð fyrir
því að það sem eftir er seljist á öðru ári eftir útgáfu. Þegar ekki liggja fyrir nákvæmar upplýsingar frá
bókaútgefendum um útgáfur bóka og söluverð þeirra, er áætlun byggð á framreikningi. Er í þeim
tilfellum stuðst við tölur Landbókasafns um heildarupplag bóka hverju sinni og verð innlendra bóka í
vísitölu framfærslukostnaðar. Jafnframt er höfð hliðsjón af veltubreytingum í bóka-og ritfangaverslun-
um samkvæmt söluskattsframtölum.
Upplýsingar um kaup á innlendum tímaritum hafa verið af skornum skammti. Útgjöldin eru nú
áætluð með upplýsingum úr framfærsluvísitölunni. Fjárhæð til tímaritakaupa í vísitölunni eru
margfölduð með fjölskyldufjölda í landinu og fást þannig áætluð heildarútgjöld einstaklinga. Frá þeirri
30