Nýtt Helgafell - 01.12.1958, Síða 16

ARCHIBALD MacLEISH:
Þú, Andrew Marvell
Og undir sól í eyktarstað
hér efst á jarðar hádagsnúp
að finna að stöðugt fellur að
nieð flóðsins þunga nóttin djúp
að finna að hríslast húmið svalt
upp hvelað austrið jafnt og þétt
unz skuggans nepja nístir allt
hið neðra sérhvern jarðarblett
að kringum lauf af laufi á trjám
í lundum Indlands blánar kvöld
og Irans liáfjöll uppað knjám
í ólgumyrkri standa en köld
og kynleg dimma krýpur leynt
hjá Kermansja á auðri jörð
um ferðalanga á ferli seint
í fölva dags um vestur-skörð
og myrkurs bylgja um Bagdað fer
og brúna þegar kvöldsins rönd
um þögult fljótið þokar sér
og þvert um Arabíu lönd
svo hjólför dýpka um hrunið grjót
úr höllum Palmíru og brátt
af Líbanon er máð allt mót
og myrkvuð Krít við skýrof liátt
og síðan liorfin Sikiley
þó sindri á hvítan væng um stund
og hilli á sjónum segl og fley
er sveiþast skugga í næsta mund
og yfir Spán leggst auðnarnótt
og Afríku með gullinn sand
er kvöldið slokknar hægt og hljótt
unz hvergi skímu slær á land
né framar löngu Ijósi á sjó —
að líta sól í hádagsstað
og finna hversu hröð og þó
svo hyldjúp fellur nóttin að ...
Helgi Háljdanarson þjjddi
Archibald MucLeisli, Ijóðskáld og leikritahöfundur, er talinn meðal höfuðskálda
Bandaríkjanna. Sem stendur er verið að leika eftir hann nýtt leikrit, J. B., á Broad-
way, byggt á Jobsbók. Heiti þessa kvæðis, sem hér birtist í þýðingu, þarfnast e. t. v.
skýringar. Andrew Marvell, liið nafntogaða 17. aldar skáld, orti kvæði, sem heitir
To His Coy Mistress, og talar þar um hinn vængjaða vagn tíinans, er hann lieyri
sífellt nálgasl að baki sér. I minningu þeirra hendinga ávarpar MacLeish Marvell
í heiti kvæðis sins um snúning jarðkringlunnar og rás daganna.