Sveitarstjórnarmál - 01.02.1988, Blaðsíða 49

HEILBRIGÐISMÁL
Jóhannes Pálmason, formaður Landssambands sjúkrahúsa:
Landssamband
sjúkrahúsa á íslandi
25 ára
Málefni sjúkrahúsa hafa mikið verið til
umfjöllunar á undanförnum árum. Það er því full
ástæða til að fara nokkrum orðum um starfsemi
Landssambands sjúkrahúsa á þessum tímamótum og
gera grein fyrir því, sem hæst ber í starfi þess. Grein
þessi er að stofni til ræða, sem flutt var á aðalfundi
sambandsins á ísafirði sl. sumar.
Áriðl987voru 25 ár frástofnun Landssambands
sjúkrahúsa á Islandi. Stofnfundurinn var haldinn
laugardaginn 17. nóv. 1962 í Reykjavík. Fundinn sátu
fulltrúar frá Borgarspítalanum í Reykjavík og frá
sjúkrahúsunum á Akranesi, Patreksfirði, ísafirði,
Sauðárkróki, Akureyri, Húsavík, Neskaupstað,
Selfossi, í Hafnarfirði og í Keflavík.
Björgvin Sæmundsson, bæjarstjóri á Akranesi,
stjórnaði fundinum og lýsti aðdraganda að stofnun
sambandsins. Hann var sá, að á fundi
forstöðumanna sjúkrahúsa, sem haldinn hafði verið í
október sama ár, var kosin undirbúningsnefnd til
þess að vinna að stofnun Landssambands
sjúkrahúsa. í þeirri nefnd áttu sæti: Björgvin
Sæmundsson, Akranesi; Sveinn Jónsson, Keflavík,
og Teitur Eyjólfsson, Selfossi. Að lokinni
framsöguræðu Björgvins voru almennar umræður,
og tóku þar margir til máls. Voru allir sammála um
nauðsyn þess að stofna sambandið til þess að vinna
að sameiginlegum hagsmunamálum sjúkrahúsanna í
landinu.
Á þessum árum var sjúkrahúsreksturinn kominn í
mikið óefni. Daggjaldi Landspítalans hafði verið
haldið niðri um langt skeið. Hafði það þau áhrif, að
sjúkrahús ýmissa sveitarfélaga sátu uppi með allt að
4o% halla í rekstri án þess að fá hann greiddan. Til
dæmis má geta þess, að samkvæmt fjárhagsáætlun
sjúkrahússins í Keflavík fyrir árið 1963 var gert ráð
fyrir, að kostnaður á hvern legudag yrði um 3oo kr.,
en legudagagjald og ríkisstyrkur var kr. 2o5.- á dag.
Þannig var áætlaður rekstrarhalli sjúkrahússins
nálægt einni millj. kr. Á sama hátt kom fram hjá
Akureyringum, að árið 1954 hefði ríkisstyrkur
numið 29,2% af rekstrarkostnaði sjúkrahússins þar,
en árið 196o aðeins 13,8%. Þetta sýndi að mati
ræðumanns, hversu brýn nauðsyn væri á leiðréttingu
þessara mála sem allra fyrst.
Á stofnfundinum voru samþykkt lög fyrir
sambandið, og sagði þar í 3. gr. laganna, að markmið
sambandsins væri að efla samstarf sjúkrahúsanna og
standa vörð um hagsmuni þeirra.
Þetta er enn í dag markmið sambandsins, en í 2.
gr. laga þess segir svo um tilgang þess:
a. að efla samstarf sjúkrahúsanna og standa vörð
um hagsmuni þeirra,
b. að koma fram fyrir og gæta hagsmuna
sambandsaðila gagnvart heilbrigðisstjórn og
öðrum, sem þeir eiga viðskipti við,
c. að gangast fyrir upplýsingastarfsemi í þágu
stofnananna í því skyni að ná fram
hagkvæmni í rekstri og betri þjónustu.
Síðan stofnfundurinn var haldinn, hefur mikið
vatn runnið til sjávar, þótt 25 ár séu ef til vill ekki
langur tími í sögu sjúkrahúsa. Þegar ég hef gluggað í
SVEITARSTJÓRNARMÁL 43