Sveitarstjórnarmál - 01.02.1988, Blaðsíða 28

SAMTALIÐ
,,Fyrst vindrellur, svo dísilrafstöð, en sam-
veiturafmagn kom aldrei. “ Jón Finnbogson,
til hægri, á tali viö ritstjórann, er fyrstu drög
voru lögð að samtalinu. Ljósmyndina tók
Vigfús Sigurgeirsson 24. júní 1978.
vegurinn á árinu 1957 og fram að Múla árið
1958. Nokkru seinna var jeppavegur ruddur að
Kvígindisfirði og út á Bæjarnes. Aðrir vegir hafa
ekki verið ruddir þarna.”
— Kom rafmagn í sveitina?
„Fyrst voru settar upp vindrellur á hverjum
bæ milli 1940 og 1950. Svo kom dísilrafstöð á
fyrsta bæinn 1958 og fljótlega eftir það á hvern
bæ. Þær voru dýrar í viðhaldi og rekstri. Sam-
veiturafmagn kom aldrei.”
— Hvert var að sækja læknishjálp?
,,Það var til Flateyjar. Þar var læknir fram yfir
1960. Síðan var iæknis vitjað að Reykhólum og
loks til Patreksfjarðar.”
Næstsíðasta hreppsnefnd Múlahrepps 1978 - 1982. Á
myndinni eru, talið frá vinstri: Einar Óskarsson, Firði,
Jón Finnbogason og Skúli Kristjánsson, Skálmarnes-
múla. Ljósm. Vigfús Sigurgeirsson.
— Hvernig var barnafræðslu háttað?
,,Farkennari kenndi á bæjunum til skiptis.
Fyrst man ég eftir kennara árið 1928. Var þá
sami kennari í Gufudalshreppi og í Múlahreppi,
og svo var oftast. Eftir að farkennsla lagðist
niður, var börnum komið fyrir á bæjum í næstu
sveitum, s.s. í Gufudalssveit og á Barðaströnd.”
— Á hverju byggðist búskapurinn í Múlasveit?
„Búskapurinn byggðist fyrst og fremst á
sauðfjárrækt. í sveitinni voru allgóðar sauðfjár-
jarðir margar hverjar. Túnin voru hins vegar lítil
og undirlendi til ræktunar svo takmarkað, að
býlin báru ekki þann bústofn, að landbúnaður
gæti þróazt. Þetta gekk, meðan sjávargagnið
hélzt við. Svo voru það hlunnindin á þeim jörð-
Síðasta hreppsnefnd Múlahrepps 1982 - 1986. Á
myndinni eru Skúli Kristjánsson, Jón Finnbogason og
Kristín Þorsteinsdóttir, Firði. Ljósm. Gunnar G. Vig-
fússon.
22 SVEITARSTJÓRNARMÁL