Sveitarstjórnarmál - 01.02.1988, Side 51

IIEILBRIGÐISMÁL
Fjórdungssjúkrahúsið á Akureyri.
röntgendeilda og slysadeilda til endurskoðunar.
Allmikið hefur verið unnið að þessu að undanförnu,
og er þess að vænta, að innan tíðar verði gerð
grundvallarbreyting á röntgentaxta. Flokkun
röntgenrannsókna er nú komin til ára sinna og mjög
brýnt að endurskoða flokkunina. Sama er að segja
um taxta og flokkun slysastofuaðgerða. Sú flokkun,
sem gilt hefur um langt árabil, er orðin æði úrelt, og
hefur líka verið samþykkt að taka mál það til
gagngerrar endurskoðunar. Það er þó ekki komið
jafnlangt og endurskoðun á röntgenflokkun.
Föst fjárlög
Síðla árs 1985 var að því unnið í heilbrigðis- og
tryggingamálaráðuneytinu að færa sjúkrahús
sveitarfélaga á föst fjárlög. Var það gert án vitundar
landssambandsins. Það var ekki fyrr en
fjárlagafrumvarp fyrir 1986 var lagt fram, að sjá
mátti, að gert var ráð fyrir, að 15 sjúkrahús flyttust af
daggjaldakerfi yfir á fjárlagakerfi. í októbermánuði
1985 ritaði landssambandið bréf til allra sjúkrahúsa,
sem fyrirhugað var að flytja á fjárlög, þar sem vakin
var athygli á því, hvernig að málum væri staðið.
Viðbrögð þeirra, er fengu þetta bréf, voru mjög á
einn veg. Þessum vinnubrögðum var mjög harðlega
mótmælt. í nóvembermánuði 1985 bárust stjórn
landssambandsins margar formlegar ályktanir frá
sveitarstjórnum og stjórnum sjúkrahúsa, þar sem
þessu var mótmælt. Ákveðið var að boða
sambandsaðila til fundar um þessi mál í byrjun
desembermánaðar. Fundurinn var haldinn 6.
desember á Hótel Sögu. Fundurinn var mjög vel
sóttur. Auk fulltrúa frá viðkomandi sjúkrahúsum
sóttu fundinn ráðherra heilbrigðismála,
hagsýslustjóri, formaður Sambands íslenzkra
sveitarfélaga og fleiri. í framsöguerindi ræddi
formaður um aðdraganda þessa máls, um
fjármögnunarkerfi spítalanna frá upphafi og hvernig
að því væri staðið að færa spítalana á föst fjárlög.
Kom þar m.a. fram, að ekkert samráð hafði verið
haft við viðkomandi sveitarfélög eða eigendur
sjúkrahúsanna um þessa breytingu. í máli ráðherra
kom fram, að hann kvað sér vera það mjög vel ljóst,
að verkaskipting ríkis og sveitarfélaga væri ákveðið
vandamál og að sjúkrahúsin hefðu vissulega ekki
farið varhluta af því. Hins vegar kom fram í máli
hans, að hann teldi ekki verulegan grundvallarmun á
þeim tveimur fjármögnunarkerfum, sem rætt væri
um, þ.e.a.s. daggjaldakerfi og föstu fjárlagakerfi.
Síðan lýsti ráðherrann því yfir, að hann væri tilbúinn
til þess að beita sér fyrir frestun á þessari
framkvæmd, t.d. um eitt ár. Ráðherra tjáði sig
jafnframt tilbúinn til þess að setja upp viðræðuhóp
um málið til þess að vinna að því í samvinnu við
ráðuneytið.
I framhaldi af máli ráðherra og annarra var
samþykkt einróma svofelld ályktun:
„Fundur í Landssambandi sjúkrahúsa á íslandi,
haldinn á Hótel Sögu 6. desember 1985, fagnar
þeirri yfirlýsingu heilbrigðis- og
tryggingamálaráðherra, að hann muni beita sér fyrir
þvi, að frestað verði framgangi tillagna um að færa
15 sjúkrahús sveitarfélaga af daggjöldum á föst
fjárlög og að nota skuli næsta ár til þess að undirbúa
umrædda breytingu gaumgæfilega í samráði við
stjórnendur sjúkrahúsanna."
Ráðherra skipaði síðan nefnd til þess að vinna að
undirbúningi málsins. Nefndin kannaði fjölda
stöðugilda hvers sjúkrahúss og launakostnað.
Frá afmætislundi Landssambands sjúkrahúsa á ísafirði.
SVEITARSTJÓRNARMÁL 45