Morgunblaðið - 01.06.2013, Blaðsíða 33

FRÉTTIR 33Viðskipti | Atvinnulíf
MORGUNBLAÐIÐ LAUGARDAGUR 1. JÚNÍ 2013
BAKSVIÐ
Helgi Vífill Júlíusson
helgivifill@mbl.is
Fjárfestum og verðbréfamiðlurum sem
Morgunblaðið hefur rætt við þykir afar
óheppilegt að Framtakssjóður Íslands hafi
selt 19,4% hlut í Vodafone þann 2. apríl sl.,
fyrsta viðskiptadag eftir að fyrsta ársfjórð-
ungi lauk. Á fimmtudaginn birti Vodafone
ársfjórðungsuppgjör sem var undir vænt-
ingum og lækkuðu bréfin um 7,6%. Bréfin
lækkuðu um 4,3% í gær.
Þór Hauksson, starfsmaður Framtaks-
sjóðsins var stjórnarformaður Vodafone,
þegar salan fór fram. Þetta vekur spurn-
ingar um hve mikið sjóðurinn vissi um
rekstur Vodafone, segja viðmælendur blaðs-
ins. Eftir söluna átti sjóðurinn ekkert í fjar-
skiptafélaginu og vék Þór úr stjórn á aðal-
fundi sem var 11. apríl.
Hafliði Helgason, upplýsingafulltrúi
Framtakssjóðsins, segir að salan á bréf-
unum hafi ekki verið borin undir Þór og því
hafi sjóðurinn ekki búið yfir betri upplýs-
ingum en markaðurinn. Aðspurður hvers
vegna hugmyndir um sölu á bréfunum séu
ekki viðraðar við þá starfsmenn sjóðsins
sem best þekkja fyrirtækið, í þessu tilviki
stjórnarformann Vodafone, segir hann að
það sé vegna þess að Þór hafi verið flokk-
aður sem fruminnherji.
Af þessum sökum sé til að mynda fram-
kvæmdastjóri sjóðsins, Brynjólfur Bjarna-
son, ekki í stjórnum fyrirtækja í eigu Fram-
takssjóðsins. Þess vegna geti hann tekið
ákvörðun um sölu á bréfum án þess að hags-
munaárekstrar sem þessir komi upp.
Hafliði leggur ríka áherslu á að sjóðurinn
hafi ekki verið skilgreindur sem fruminn-
herji en að bréfin hafi engu að síður verið
seld á þeim tíma sem fruminnherjar megi
selja bréf. „Við erum því með belti og axla-
bönd,“ segir hann.
Innherjar eru þeir sem hafa aðgang að
upplýsingum sem ekki hafa verið gerðar op-
inberar en væru líklegar til að hafa áhrif á
markaðsverð ef svo væri. Þeir mega ekki
reyna að hagnast á þeim trúnaðarupplýs-
ingum sem þeir búa yfir, til dæmis með því
að kaupa verðbréf sem telja má líklegt í
ljósi upplýsinganna að muni hækka í verði.
Fruminnherjar eru þeir sem stöðu sinnar
vegna teljast alltaf innherjar, t.d. forstjóri
eða í þessu tilviki stjórnarformaður.
Færa fjármuni úr einum vasa í annan
Samkvæmt heimildum Morgunblaðsins
hafði Framtakssjóðurinn ekki frumkvæðið
að því að selja bréfin heldur var leitað til
sjóðsins. Athyglisvert er að í kaupendahópn-
um eru lífeyrissjóðir sem eiga í Framtaks-
sjóðnum. „Þar er verið að færa fjármuni úr
einum vasa í annan,“ segir fjárfestir.
IFS ráðgjöf birti uppfært virðismat á
Vodafone á fimmtudaginn og mælti með sölu
á bréfunum. Viðskiptablaðið segir að virð-
ismatsgengið sé 24,2 krónur á hlut, sem er
16% lægra en gengi fyrirtækisins var við lok
markaðar í gær. Gengi Vodafone er nú
lægra en útboðsgengið, sem var 31,5, en
markaðsgengið er 28,8.
Sala Framtakssjóðsins á hlutnum í Voda-
fone kom verðbréfamiðlurum og fjárfestum í
opna skjöldu. Sumir höfðu annars vegar les-
ið það úr orðum stjórnenda sjóðsins að þeir
vildu fylgja félaginu í gegnum frekari tiltekt
í rekstrinum og hins vegar var horft til þess
að Framtakssjóðurinn á enn í Icelandair.
Hafliði segir að sjóðurinn megi ekki haga
sér með þeim hætti að markaðurinn geti les-
ið á spilin hjá honum, og nýtt sér það til að
hagnast á kostnað sjóðsins.
Sala Vodafone vekur spurningar
Morgunblaðið/Golli
Lækkun Gengi Vodafone er lægra en útboðsgengið, sem var 31,5, en markaðsgengið er 28,8.
 Framtakssjóðurinn seldi 19,4% hlut í Vodafone skömmu áður en uppgjör sem var undir væntingum
var kunngert  Salan var ekki borin undir þáverandi stjórnarformann Vodafone og starfsmann sjóðsins
Sjóðurinn hafði ekki frumkvæðið
» Það vekur spurningar að Framtaks-
sjóðurinn skuli hafa selt stóran hlut í
Vodafone skömmu áður en markaðurinn
var upplýstur um uppgjör sem var undir
væntingum. Stjórnarformaður Vodafone
var starfsmaður Framtakssjóðsins.
» Upplýsingafulltrúi Framtakssjóðsins
segir að salan hafi ekki verið borin undir
starfsmann sjóðsins sem á sama tíma
var stjórnarformaður Vodafone.
» Heimildir herma að sjóðurinn hafi ekki
haft frumkvæðið að sölunni.
Opnunarhátíð
Lín Design Laugavegi 176 & Glerártorgi Akureyri Sími 533 2220 www.lindesign.is
Glerártorgi Akureyri
Laugardag & sunnudag
30% afsláttur af öllum vörum
Börnin fá
rúmföt fyrir
dúkkuna eða
bangsann
Fullorðna
fólkið fær
ilmpoka til
að taka heim