Læknablaðið - 15.05.2004, Qupperneq 57

UMRÆÐA & FRÉTTIR / FORMANNAFUNDUR LÍ
Hagdeild lækna á auöum sjó
Þá var röðin komin að formanni og gjaldkera að gera
hreint fyrir sínum dyrum og verður að segja að þau
sluppu ákaflega vel frá því. Hagur félagsins er afar
góður þessi misserin og allt í blóma. Gleggsta dæmið
um það er kannski að þegar rætt var um hugsanlega
stofnun Ffagdeildar lækna kom fram sú tillaga stjórn-
ar að gerð yrði tilraun með hana í þrjú ár. A þeim
tíma verður ekki þörf á að hækka árgjöld til að standa
straum af kostnaði við ráðningu hagfræðings heldur
er hægt að fjármagna hana af sparifé félagsins. Það
þarf náttúrlega ekki að taka það fram að þessi tillaga
var samþykkt einróma og án umræðu með því skil-
yrði að aðalfundur legði blessun sína yfir hana.
Formaður rakti helstu mál sem stjórnin hefur
fengist við frá aðalfundinum á Hólum en þau voru af
ýmsum toga. Umsagnir um lagafrumvörp eru á verk-
sviði stjórnar LÍ og að þessu sinni voru tvö mikilvæg
frumvörp til umræðu á Alþingi: breyting á starfs-
mannalögum, það er aukið svigrúm stjórnenda til
uppsagna, og endurskoðun á lögum um heilbrigðis-
þjónustu. Stjórnin fjallaði einnig mikið um uppsagn-
irnar á Landspítalanum og tók þátt í umræðu um
hlutverkaskipan í heilbrigðisþjónustunni.
Utanríkis- og öryggismál
Utanríkismál eru töluverður póstur í starfsemi LI og
hafa farið vaxandi á undanförnum árum. Jón G.
Snædal varaformaður hefur verið manna virkastur í
þessum samskiptum enda situr hann í stjórn Al-
þjóðafélags lækna og annast samskipti LI við Nor-
ræna læknaráðið. Stundum gerist það að þessi er-
lendu samskipti hafa bein áhrif á umræðuna hérlend-
is en dæmi um slíkt er umræðan um öryggismál sjúk-
linga sem farið hefur vaxandi.
Eftir heimsókn Jespers Poulsens formanns
dönsku læknasamtakanna á aðalfund LI á Hólum í
fyrrasumar skipaði stjórnin þriggja manna nefnd til
að móta stefnu í öryggismálum sjúklinga. I nefndinni
áttu sæti þau Elínborg Bárðardóttir og Páll H. Möll-
er, auk Jóns. Átti nefndin að skila áliti á formanna-
ráðstefnu í vor, hvað hún og gerði. Jón gerir grein
fyrir starfi nefndarinnar á öðrum stað í blaðinu en
Fjœr eru þeir Unnsteinn
Júlíusson frá Húsavík og
Óskar Einarsson for-
maður LR en hér nœr eru
það Tómas Guðbjartsson
formaður FÍLÍS og Páll
H. Möller stjórnarmaður í
Lí.
hér birtast tillögur nefndarinnar um stefnu LÍ og Fyrrverandi og núverandi
nauðsynlegar aðgerðir til að auka öryggi sjúklinga. forystumenn lœkna í kaffi-
Arnór Víkingsson greindi frá því helsta sem hefur hléi á formannafundinum.
verið að gerast á vettvangi Fræðslustofnunar lækna
en þar er meðal annars unnið að því að koma á fót
kerfi til að meta símenntun lækna. Stofnunin ætlar að
ganga frá drögum að almennu matskerfi en svo er
reiknað með því að sérgreinafélögin bæti við það
eftir þörfum greinanna. Þá kom fram í máli Arnórs
að stofnunin er að velta fyrir sér möguleikum á að
efna til sumarþinga fyrir íslenska og erlenda lækna
sem haldin yrðu hér á landi. Á þessum þingum væri
hægt að gefa yfirlit yfir ákveðna sjúkdóma og þau
yrðu höfð þannig að þau fullnægðu kröfum um sí-
menntun. Sagði Arnór að mikill markaður væri fyrir
slík þing og ef af yrði myndi stofnunin auglýsa þau
meðal evrópskra lækna.
Ýmislegt fleira bar á góma á formannafundinum
sem ekki er rúm til að gera nánari skil hér. Þó skal
bent á frétt á öðrum stað í blaðinu um kaup Orlofs-
sjóðs á húsi á Kirkjubæjarklaustri en á fundinum kom
fram að hagur sjóðsins er ekki síðri en félagsins sjálfs.
Síðast en ekki síst ber að nefna að Sigurbjörn
Sveinsson formaður skýrði frá því að Jón G. Snædal
hefði greint stjórninni frá því að hann hyggðist hætta
stjórnarstörfum á aðalfundi í haust. Einnig kom fram
að Hulda Hjartardóttir ritari hefði fallist á að gefa
kost á sér í embætti varaformanns. Um þetta geta
menn svo hugsað fram að aðalfundi sem haldinn
verður á höfuðborgarsvæðinu í haust.
Læknablaðið 2004/90 421