Þjóðlíf - 01.10.1988, Qupperneq 14

INNLENT
Svavar Gestsson yrðu ráðherrar og þeir
höfðu auðvitað til þess stuðning en ágrein-
ingur var um þriðja ráðherrann. Toguðust á
kvennasjónarmið og landsbyggðarsjónar-
mið. Sumir vildu leysa málið með að velja
konu utan þingflokksins af landsbyggðinni
og margar slíkar hugmyndir voru reifaðar.
Fyrir valinu varð landsbyggðarsjónarmiðið
og Steingrímur Sigfússon hlaut hnossið. En
viðbrögðin urðu gífurlega harkaleg. Stuðn-
ingur við Guðrúnu Helgadóttur var mun
meiri en Alþýðubandalagsmenn virtust hafa
átt von á. Guðrún Helgadóttir fylgdi máli
sínu vel eftir í fjölmiðlum og vakti aðdáun
fyrir stillingu og sterka málafylgju. Frammi-
staða hennar í kjölfarið mun hafa átt sinn
þátt í því að margir litu til hennar þegar velja
átti forseta Sameinaðs alþi ngis. Sú er sögn að
Steingrímur Hermannsson forsætisráðherra
hafi átt ákveðið frumkvæði í því máli.
Þori ég, get ég, vil ég ...
Þegar ríkisstjórnin var að fæðast tóku
margir fjölmiðlar óblíðlega við henni, jafn-
vel reynt að klína spillingarstimpli á hana á
fyrsta degi. Þannig var t.d. dregið fram
hvernig Stefán Valgeirsson þénaði lífsviður-
væri sitt með setu í fjölda nefnda og ráða —,
og fyllilega gefið í skyn að þessi embætti
fengi hann í sinn snúð fyrir stuðning við ríkis-
stjórnina. Staðreyndin er hins vegar sú að
Stefán hefur haft alla þessa bitlinga í mörg ár
og fékk engan nýjan við myndun ríkisstjórn-
arinnar.
Ríkisstjórnin á eftir að sýna hvað í henni
býr. Hún situr við afar veikan þingmeirihluta
og leggur í samstarfið án ítarlegs stjórnar-
sáttmála. Hún hefur borið tvennt fyrir
brjósti; lækkun verðbólgu og lækkun vaxta
og fjármagnskostnaðar. Og hefur þannig
sjálf smíðað mælikvarða á getu sína. Stjórn-
málaleiðtogarnir þrír; Steingrímur Her-
mannsson, Jón Baldvin og Ólafur Ragnar
hafa allir sýnt mikla hæfni við myndun ríkis-
stjórnarinnar en þeir eiga sjálft prófið eftir.
Þær aðgerðir sem stjórnin hefur þegar
ákveðið eru til bráðabirgða og ef þetta á að
verða stjórn til frambúðar verður hún að
koma með efnahagsaðgerðir til lengri tíma
um áramótin. Ennþá hefur hún tíma til að
sýna hvað í henni býr. Svo vildi til að Olymp-
íuleikarnir stóðu á sama tíma og stjórnin var
mynduð. Þegar einn stuðningsmaður ríkis-
stjórnarmyndunarinnar var að verja það að
hún bryti samningsréttinn fram á næsta ár,
varð honum að orði: „Aðeins tvö prinsipp
hafa verið brotin þessa dagana; Kvennalist-
inn braut prinsippið þori ég, vil ég, get ég..,
Og handboltalandsliðið: „gerum okkar
besta....“
Óskar Guðmundsson.
Yfir 150 þúsund
króna mánaðarlaun
fyrir hálft starf
Mánaðarlaun skólatannlækna fyrir
hálft starf á síðasta ári námu um 153
þúsundum króna, samkvæmt upplýs-
ingum í heilbrigðisráði Reykjavíkur.
Heildarkostnaður vegna skólatann-
lækninga í Reykjavík á sl.ári nam 136.4
milljónum króna, en þar af fóru einung-
is 4 milljónir í forvarnarstarf.
Þessar upplýsingar komu fram í svör-
um Gísla Teitssonar framkvæmdastjóra
heilsugæslustöðva við fyrirspurnum
Kristínar Á. Ólafsdóttur borgarfulltrúa
í heilbrigðisráði á dögunum. Kostnaður
við skólatannlækningar skiptist þannig,
að 70.8 milljónir fóru til tannlækna á
einkastofum en 65.6 milljónir til skóla-
tannlækninga í Reykjavík. Samtals fóru
um 136.4 milljónir króna til skólatann-
lækninga en í forvarnarstarfið fóru ein-
ungis um 4 milljónir króna. Sá kostnað-
ur er mestmegnis fólginn í laununt fjög-
urra starfsmanna og flúorgjöfum.
Launagreiðslur til skólatannlækna á
síðasta ári námu 35.7 milljónum króna
og meðaltalsgreiðsla miðað við 50%
starf tannlækna nam 1.2 milljónum
króna eða 153 þúsundum króna á mán-
uði miðað við unninn dagafjölda.
ÖH 9°|tað
- sinn staq
É þaðer
okkar
fag
Múlalundur Hátúm ioc,
símar: 38450, 38401, 38405