Þjóðlíf - 01.10.1988, Qupperneq 35

MENNING
Kristnihald filmað
undir jökli
Guðný Halldórsdóttir í rigningunni á
Snæfellsnesi. Bungalóinn í bak-
grunni.
Guðný
Halldórsdóttir
leikstýrir
kvikmynd eftir
skáldsögu föður
síns
í þessum mánuði eru liðnir réttir tveir ára-
tugir síðan Halldór Laxness gaf út bók sína
Kristnihald undir jökli. Bókin kom út haustið
1968 og er ekki laust við að í henni gæti áhrifa
frá þeim atburðum sem áttu sér stað í veröld-
inni: vexti hippahreyfingar og stríði í Víetn-
am. En lengi vel hefur menn greint á um það
um hvað þessi skáldsaga Halldórs fjallar,
þeir hafa ekki einu sinni getað komið sér
saman um það hver væri aðalpersóna bókar-
innar. Það kom þó ekki í veg fyrir að helstu
persónur bókarinnar kæmu sér fyrir í fjöl-
skyldualbúmi þjóðarinnar. við hliðina á
Sölku, Bjarti og Ljósvíkingnum.
Og nú er búið að kvikmynda Kristnihald-
ið: Jón Prímus, Umbi, Úa og allt það lið
komið á sellulósa sem verið er að klippa.
Snemma á næsta ári gefst okkur enn einu
sinni kostur á að máta persónurnar sem við
eigum á okkar eigin hvíta tjaldi við þær sem
Guðný Halldórsdóttir leiðir fram í kvik-
myndinni sem hún leikstýrir og kvikmynda-
félagið Umbi framleiðir.
Kvennafar og taóismi
Haustið 1968 var um margt tími umbrota í
íslensku samfélagi. Að vísu var endurómur-
inn frá París enn heldur daufur en um sumar-
ið höfðu farið fram sögulegar forsetakosn-
ingar og undirritaður var settur í steininn
fyrir að mótmæla innrásinni í Tékkó. Það var
kreppa í atvinnulífi, síldin farin og allt útlit
fyrir þjóðflutninga til Svíþjóðar. Og í blöð-
unum voru málsmetandi pólitíkusar og
menningarvitar spurðir álits á því hvað þeim
35