Þjóðlíf - 01.10.1988, Blaðsíða 25
ERLENT
.Maginn heimtar líka sitt utan öls og hvers kyns kringlur heyra til...
tæki hrista upp í innyflum þeirra sem ekki
vilja sitja á sínum rassi. Jafnframt geta gest-
irnir kitlað taugarnar í draugahúsum og
gamnað sér við afskræmdar sjálfsmyndir í
speglasölum.
Þetta árlega húllumhæ hefst um miðjan
september og stendur í rúmar tvær vikur.
Það er sjálfur borgarstjórinn í Múnchen sem
hefur leikinn með því að berja gat á fyrstu
bjórámuna og hafa yfir einkunnarorð hátíð-
arinnar „o“zapft is“, sem er bæverska og
merkir að nú sé mjöðurinn farinn að renna.
Og hann rennur ósleitilega um kverkar gesta
meðan á þessari „orgíu“ stendur.
Ef menn vilja fá sér sopa á hátíðinni dugir
ekki minna en að kneyfa ölið úr líterskrús-
um. Gengilbeinur eru á sífelldu flökti milli
gestanna til að enginn verði þurrbrjósta.
Þessar vösku madonnur láta sig ekki muna
um að tvíhenda 10-12 líterskrúsir í senn. Þær
allra kræfustu eru jafnvel sagðar bera fram
heilar 18 krúsir í einu, sem verður að teljast
vel af sér vikið. Þrátt fyrir snerpu og burðar-
þol mega gengilbeinurnar hafa sig allar við
að sinna þörfum gestanna.
Það þarf ekki bara að bera í þá öl, heldur
verður líka að sjá til þess að maginn fái sitt.
Til að fullnægja kviðarþörfum gestanna
standa löðursveittir kokkar yfir steikingar-
hellum frá morgni til kvölds og brasa hænur,
svínapylsur, nautasteikur og annað kraft-
mikið fóður. Þeir sem ekki vilja kjöt geta
kitlað gómana með bæverskum brauðhring-
jum, svokölluðum „Brezen", en það eru sér-
deilis ljúffengir risahringir úr eðaldeigi, mat-
armiklir og seðjandi. Flestir hátíðargesta
láta sér þó nægja að kætast yfir ölkollu og
sveifla sér í takt við dillandi tónlist bæverskra
hljómsveita, sem glymur án afláts í eyrum.
Aðalskemmtunin er í risavöxnum tjöld-
um, sem hvert um sig rúma liðlega 10 þúsund
manns í sæti. Bjórtjöldin eru rekin af eigend-
um brugghúsa í Múnchen, sem á þessum
tveimur vikum losna við um 5-6 ntilljónir
lítra af bjór. Það lætur nærri, að hver gestur
torgi að jafnaði einum lítra, því alls sóttu um
5 milljónir hátíðina að þessu sinni. Bjórtjöld-
in eru að vonum fagurlega skreytt, jafnt utan
sem innan. Fyrir framan hátíðartjald „Paul-
aner“-brugghússins stendur t.d. reisulegur
kastalaturn og efst á turninum trónar rúm-
lega mannhæðar há ölkrús sem snýst í hringi.
Yfir dyrum „Löwenbráu“-tjaldsins getur að
líta ljón eitt mikið, sem heilsar gestum með
því að bera sér bjórkollu að munni og rymja
ógurlega eins og til að undirstrika þá vellíðan
sem mjöðurinn veitir.
Þegar inn í tjöldin kemur er hávaðinn slík-
ur að það er ekki fyrir allsgáðar hvunndags-
hetjur að þola slíkt hark. Hljómlistarmenn á
leðurbrókum þenja lúðra og önnur hljóð-
færi, samkomugestir syngja, garga og stappa
niður fótum, allt eftir því á hvaða stigi gleð-
innar þeir eru staddir. Þeir sem ekki hafa
goldið Bakkusi óhóflegan toll eru manna
friðsamastir, enda margir hverjir beinlínis úr
heimi hallir.
Þarna eru saman komnir ölkærir fulltrúar
allra þjóða eins og sæmir á alþjóðablóti.
Hörundsdökkir Afríkubúar kneyfa ölið af
engu minni móði en rauðnefjaðir bæverskir
bjórvambar.
Þegar liður á daginn magnast óróinn í
tjöldunum og þá vill brenna við að menn
verði saupsáttir. Nokkrir gestanna taka upp
á að undirstrika orð sín með því að hnippa í
næsta mann og á stundum er stemmningin
við suðumark. Friðarvinum tekst þó oftast
að bera klæði á vopnin, þannig að meiri hátt-
ar ryskingar eru fátíðar. Þó kemur fyrir að
hnefar kreppast og hendurnar eru látnar
tala. í slíkum tilvikum eru verðir laganna
fljótir á vettvang til að fjarlægja ófriðarseggi,
sem eru fluttir í sérstakar geymslur og látnir
sofa úr sér...
Arthúr Björgvin Bollason/Munchen
„Estragon: Förum.
Vladimir: Við
getum það ekki.
Estragon: Því þá
ekki?
Vladimir: Við
erum að bíða eftir
Godot.“
Sögur, leikrit, ljóð eftir
Samuel Beckett. Pýðing
og umsjón. Arni Ibsen
308 bls. Verð kr. 2.390.-
Samuel Beckett er í hópi merkustu rithöfunda
þessarar aldar og hefur ef lil vill öðruni fremur
stuðlað að róttækum brevtingum á skáld-
sagnagerð og leikritun eftir seinni heims-
styrjöld. Beckett. sem hlaut bókmenntaverðlaun
Nóbels árið 1%9. er áleitinn höfundur. einstakur
og frumlegur. en stendur jafnframt nær hinni
klassísku evrópsku bókmenntahefð en flestir
aðrir nútímahöfundar.
Hann skilgreinir hlutskipti mannsins á guð-
lausri atómöld. lýsir leitinni aö tilvist og
samastað í veröld sem er á mörkum lífs og
dauða. þar sem tungumálið hevr varnarstríð við
þögnina. Þrátt fvrir nær fullkomið getuleysi.
niðurlægingu og algera örbirgð mannskepnunnar
er henni lyst með miklum húmor og af
ómótstæðilegri Ijóðrænni fegurð.
í þessari bók eru sjö leikrit. sex sögur og
fjórtán ljóð frá fimmtíu ára ferli. þar á nteðal
þekktasta verk Becketts. leikritið Beðið eftir
Godot. í nýrri þýðingu. og eitt nýjasta snilldar-
verkið, hin stutta og magnaða skáldsaga
Félagsskapur. frá 1980. Þýðandinn er Árni Ibsen
sem hefur um árabil kannað verk þessa
alvörugefna írska húmorista og hann skrifar
jafnframt inngang og skýringar. Þetta er í fvrsta
skipti sem verk Samuels Beckett eru gefin út í
íslenskri þýðingu.
fT---------------^
^§vart á fimtu
---------------r