Frjáls verslun - 01.01.2012, Síða 48

48 FRJÁLS VERSLUN 1. TBL. 2012
Össur er vinsælasta fyrirtækið þriðja árið í röð
í árlegri könnun Frjálsrar verslunar. Fyrirtækið
er með mjög sterka ímynd á Íslandi og þjóðin hefur
augljóslega samglaðst yfir velgengni þess á heims­
vísu en það er löngu vaxið út fyrir landsteinana.
TExTi: jÓn G. HaUKsson / myndir: GEir Ólafsson o.fl.
Könnun FRjáLSRAR veRSLunAR
heldur forystunni sem
vinsælasta fyrirtæki
landsins, samkvæmt
árlegri könnun Frjálsrar verslunar. Marel,
Icelandair og Bónus raða sér í næstu sæti
á eftir. Bónus hefur oftast mælst vinsælasta
fyrirtækið samkvæmt könnuninni en féll af
toppi listans fyrir þremur árum. Könnunin var
gerð um miðjan febrúar síðastliðinn.
Nokkur munur er á þessari könnun og
könnun Capacent vegna Íslensku ánægju­
vogarinnar. Þar er verið að kanna ánægju
viðskiptavina einstakra fyrirtækja á völdum
mörkuðum og þeir beðnir að svara eftir að
hafa nefnt að eiga viðskipti við fyrirtækið.
Könnun Frjálsrar verslunar mælir viðhorf
almennings til fyrirtækja og þar eru þeir
beðnir að nefna að fyrra bragði til hvaða
fyrir tækja þeir hafi jákvætt viðhorf og eru þá
öll fyrirtæki undir.
Stoðtækjamarkaðurin eða almennur iðn­
aður er ekki í könnun Íslensku ánægjuvog­
arinnar og þess vegna kemur Össur ekki
þar inn. Ánægjuvogin segir mjög vel til um
ánægju viðskiptavina viðkomandi fyrirtækis.
Þetta er þriðja árið í röð í könnun Frjálsrar
verslunar sem Össur er á toppi listans og
hefur fyrirtækið áberandi sterka ímynd á
Íslandi. Það er löngu vaxið út fyrir land­
steinana eftir að hafa yfirtekið sterk og góð
fyrirtæki um allan heim á sviði stoðtækja
síðustu tíu árin.
Össur er í fremstu röð í heiminum á sínu
sviði og hafa vörur fyrirtækisins oft verið
til umfjöllunar í heimspressunni – ekki síst
tengt íþróttamönnum. Gildi fyrirtækisins eru
heiðarleiki, hagsýni og hugrekki.
Jón Sigurðsson, forstjóri Össurar, sagði
við Frjálsa verslun í fyrra að Össur fylgdist
í mánaðarlegum könnunum með ánægju
viðskiptavinanna með þjónustu fyrirtækisins.
Hann sagði ennfremur að kannað væri
hvort hluthafar fyrirtækisins væru ánægðir
með þá upplýsingagjöf sem veitt væri og í
þriðja lagi væri gerð viðamikil starfsmanna­
könnun annað hvert ár.
Jón sigurðsson, forstjóri össurar.