Frjáls verslun - 01.01.2012, Síða 86

86 FRJÁLS VERSLUN 1. TBL. 2012
Endalaus vinna
Ísland er komið á kortið eins og sagt er. Um 600.000 erlendir ferðamenn komu til landsins í fyrra og búist er við að þeir
verði fleiri á þessu ári. Ólöf Ýrr Atladóttir ferðamálastjóri ræðir um ráðstefnu- og ferðamannalandið Ísland. Það þarf
að halda vel á spöðunum enda mikil samkeppni í gangi.
Ólöf Ýrr Atladóttir ferðamálastjóri segir að fagleg fyrirtæki sem búi að umtalsverðri
reynslu sjái um ráðstefnuhald
hér á landi. Hún segir Íslend­
inga hafa öll tækifæri til að ná
lengra á þessu sviði; aðstæður
séu góðar en hins vegar geti
vantað fimm stjörnu gistingu
fyrir ákveðna hópa.
Hún nefnir stóran kost sem
margir erlendir ráðstefnugestir
nýta sér: „Það sem skiptir
ekki síst máli er nálægðin við
nátt úruna – að gestir geta á ör­
skömmum tíma farið í allt annað
umhverfi sem býður upp á að
hægt er að brjóta upp ferðina.
Þetta er tvímælalaust tækifæri
sem ekki allar þjóðir búa yfir.“
Ólöf Ýrr bendir á staðsetningu
landsins og að styttra sé t.d.
fyrir Bandaríkjamenn að fara til
Íslands en annarra Evrópulanda.
Það sé einmitt staðsetningin
sem fái marga til að koma hing­
að til lands á ráðstefnur. Ísland
hafi m.a. verið kynnt sem góður
kostur til ráðstefnuhalds vegna
landfræðilegrar legu sinnar mitt
á milli Evrópu og Ameríku.
„Fólk er forvitið um landið og
það má segja að við njótum
þess svolítið að Ísland er ekki
risastór þekkt stærð; það er fullt
af fólki sem veit ekki hvar Ísland
er. Landið er „exótískt“ en samt
iðnaðarríki í Evrópu þannig að
fólk býst við góðri þjónustu.
Ég held að aðdráttarafl þess
óþekkta kalli á. Ísland er nýr
áfanga staður á sviði ráðstefna
og stór samtök eru alltaf að leita
að nýjum áfangastöðum. Við
erum með góða aðstöðu, erum
samkeppnishæf hvað varðar
TExTi: svava jÓnsdÓTTir / mynd: GEir Ólafsson
Ólöf Ýrr Atladóttir ferðamálastjóri.