Frjáls verslun - 01.01.2012, Síða 97

FRJÁLS VERSLUN 1TBL. 2012 97
Margir möguleikar í Hörpu
Ef sú spá gengur eftir að um ein millj ón erlendra ferða manna komi hingað til lands eftir um áratug
vaknar sú spurning hvert
ástand vega hér á landi sé með
till iti til þess.
„Ef um ein milljón ferðamanna
kæmi öll á sumrin er það allt
önnur staða en ef þeir dreifðust
meira yfir árið – fram á haust
og jafnvel vetur,“ segir Hreinn
Haraldsson vegamálastjóri. „Ef
þeir kæmu flestir á sumrin er
spurning hvernig þeir myndu
dreifast yfir landið. Það verður
að byrja á þessum tveimur for­
sendum. Ef við gefum okkur að
þeir myndu nota hið almenna
vegakerfi og kæmu flestir utan
vetrartímans teljum við að vega­
kerfið myndi alveg þola það.
Svo væri það spurning hvort þeir væru meira og minna
á bílaleigubílum eða í rútum því
það hefur áhrif á hvernig vega­
kerfið myndi nýtast. Við eigum
þó ekki von á að það yrðu
neinar teppur eða afkastageta
veg anna myndi ekki ráða við
þetta. Uppbygging veganna
– burðarþol og annað slíkt –
myndi líka þola þetta.“
Hreinn segir að að hluta til
megi segja að vegakerfið hér á
landi sé vannýtt og að það þurfi
fleiri bíla. „Eins og kerfið er í
dag höfum við markaðar tekjur
af akstri; það er borgað af akstri
bensín­ og díselbíla beint í
vega kerfið og stór hluti af því
er hreinlega vannýttur þannig
að við vildum gjarnan fá meiri
umferð.“
Slitlag og umferðaröryggis­
atriði
Hreinn segir að gera þyrfti
um ferðaröryggisráðstafanir
ef til þess kæmi að ein milljón
ferðamanna kæmi hingað á ári.
„Ef erlendum ferðamönnum,
sem eru ekki vanir malarvegum,
myndi fjölga svona mikið væri
aðaláhyggjuefnið að slysum
myndi fjölga. Það er ekki nóg
af bundnu slitlagi, vegriðum og
öðrum slíkum þáttum hér á landi.
Það er algjörlega háð þeim
fjárveitingum sem við fáum
og ákveðnar eru af Alþingi
en það hefur dregið mjög úr
þeim eftir hrun; Vegagerðin
fær ekki nema tæpan helming
í framkvæmdir af því sem hún
fékk fyrir hrun og uppbygging
og endurgerð vegakerfisins
gengur miklu hægar en við
hefðum viljað og þá ekki síst
með tilliti til ferðaþjónustunnar.
Það þarf að efla mjög lagningu
slitlags ef erlendir ferðamenn
verða svona margir því þeir
þekkja ekki þessa malarvegi.
Enda er það áhersluatriði hjá
okkur að um leið og við fáum
aukið fjármagn verður að bæta
slitlag á vegunum og huga að
umferðaröryggisatriðum.“
malarvegir áhættsamir
Huga þarf að ýmsum þáttum ef hingað kæmi árlega um ein milljón erlendra ferðamanna. Hvað með vegakerfið?
Vegirnir myndu þola álagið en huga þyrfti að ýmsum þáttum.
„Ef við gefum okk­
ur að þeir myndu
nota hið almenna
vegakerfi og kæmu
flestir utan vetrar­
tímans teljum
við að vegakerfið
myndi alveg þola
það.“
Hreinn Haraldsson vega­
málastjóri.