Frjáls verslun - 01.01.2012, Side 110

110 FRJÁLS VERSLUN 1. TBL. 2012
Óhætt er að segja að Daniel Radcliffe, sem ungur að ár ­um hóf að leika Harry Potter í kvikmyndum eftir sögum J.K. Rowling, kvikmyndum sem náð hafa metaðsókn
og gert Radcliffe einn af ríkustu leikurum
Engl ands, hafi ekki farið troðnar slóðir eftir
að Potter­ævintýrinu lauk. Hann hefði getað
valið úr góðum kvikmyndahlutverkum í stór­
mynd um sem hefðu örugglega fært honum
meiri vinsældir og um leið meiri auðæfi en
kaus þess í stað leiksviðið. Hefur hann leikið í
tveim ur þekktum en ólíkum leikritum, Equus og
How to Succeed in Business Without Really
Trying sem sýnd hafa verið í London og New
York. Hefur Radcliffe sannað sig sem leikari og
fengið góða dóma fyrir leik sinn í leikritunum.
Það hlaut þó að koma að því að hann léki
burðarhlutverk í kvikmynd og fyrir valinu
varð The Woman in Black, sem gerð er eftir
skáldsögu Susan Hill sem kom út 1983. Fimm
árum síðar var gert leikrit upp úr skáldsögunni
sem fyrst var sýnt utan London en fært í West
End 1989 þar sem það hefur gengið óslitið
síðan og hafa sjö milljón manns séð leikritið
bæði í London og annars staðar á Bret ­
lands eyjum. Aðeins Músagildran eftir Agöthu
Christie hefur verið sýnd lengur. Skáld sagan
hefur einu sinni áður verið kvik mynduð, var
það árið 1989 að gerð var sjón varps kvik mynd
sem hlaut góðar viðtökur. Þess má geta að
það var sama ár og Daniel Radcliffe fæddist.
Draugagangur í afskekktu þorpi
Í The Woman in Black leikur Daniel Radcliffe
lögfræðinginn Arthur Kipps, sem er nýorðinn
ekkill og syrgir konu sína. Þegar hann getur
ekki sinnt vinnu sinni sem skyldi vegna að ­
stæðna í London er hann sendur til af skekkts
þorps þar sem hann á að fara í gegn um erfða ­
mál nýlátinnar konu, Alice Dra blow, sem þótti
Daniel Radcliffe, sem gerði garðinn frægan sem Harry Potter, leikur aðalhlut-
verkið í spennu/hryllingsmyndinni The Woman in Black. Myndin er byggð á
frægri skáldsögu en upp úr henni var skrifað leikrit sem sýnt hefur verið óslitið
í London í tæp 23 ár og sjö milljónir manns hafa séð
Konan í svörtu
TExTi: Hilmar Karlsson