Frjáls verslun - 01.04.2013, Page 28

28 FRJÁLS VERSLUN 4. 2013
Sigríður Arnardóttir, Sirrý, er höfundur bókarinnar Örugg tjáning –
betri sam skipti þar sem hún miðlar af eigin reynslu og annarra m.a. við
að koma fram. „Það er skemmtilegra að vera virkur og það er undirstaða
lýðræðis að við þorum að láta í okkur heyra.“
Lykilatriði að hafa eitthvað að segja
Bókin Örugg tjáning – betri sam skipti:
Sirrý hefur mikla reynslu af að koma fram bæði í fjölmiðlum og annars staðar og hef ur í rúman áratug
unnið m.a. við að þjálfa fólk í að
tjá sig af öryggi svo sem fólk í
ýmsum stéttarfélögum auk þess
sem hún þjálfar nemendur Há ­
skólans á Bifröst í „Framsækni
– öruggri tjáningu“.
„Ég hef mikið verið beðin um
að fylgja þessum námskeiðum
einhvern veginn eftir,“ segir
Sirrý, „og þá lá bók beinast við
en ég byggi hana upp á sama
hátt og bókina Laðaðu til þín
það góða sem ég skrifaði og
kom út hjá Veröld í fyrra – stutt ir
kaflar með reynslusögum mín­
um og annarra á milli.“
Sirrý segir að sérstaða bókar­
innar sé að sennilega sé um að
ræða eina af fáum bókum sem
hafa verið skrifaðar á Íslandi um
örugga tjáningu í nútímanum,
jafnvel þá fyrstu. „Dæmin eru öll
úr okkar daglega lífi. Fólk sem
les bókina þekkir það sem ég
skrifa um. Það er gott að lesa
það sem speglar íslenskan
veru leika og ég tek alls konar
dæmi af þekktu fólki og sumt af
því hefur verið á námskeiðum
hjá mér. Ég sleppi nöfnum á
sumum því sviðsskrekkur get ur
verið feimnismál. Ég hef þjálf ­
að flotta framkvæmdastjóra
og stjórnmálamenn – þetta er
metnaðarfullt fólk sem vill sækja
fram og passar sig á að halda
sér við. Mér finnst samlíking við
líkamsræktina góð – vöðvarnir
rýrna ef fólk notar þá ekki og
það er eins með örugga tján­
ingu. Það þarf að halda sér við,
t.d. með því að fara á námskeið
eða lesa svona bók.“
Spurning um æfingu
Sex kaflar eru í bókinni:
Taktu flugið. Ræðumennska.
Samskipta færni. Tækifæris­
ræður. Sviðsskrekkur. Hvað
ein kennir þá bestu?
Eins og þegar hefur komið
fram er bókin byggð á reynslu
Sirrýjar og annarra. Hún segir
frá eigin líðan við að koma fram
og hefur auk þess fylgst vel
með öðrum í sömu sporum og
punktað hjá sér það sem vel
hefur verið gert sem og það
sem miður hefur farið.
„Lykilatriðið er að hafa eitt­
hvað að segja og segja það
þannig að aðrir kjósi að hlusta.
Og til að geta sagt eitthvað
þannig að aðrir nenni að hlusta
þarf að losa sig við spéhræðslu.
Það þarf að taka til í eigin
ranni, rækta sjálfan sig og hafa
svolítið gaman af því að þora að
skína. Margir tala sig niður og
finnst þér ekkert hafa að segja
en þeir bestu hafa unnið í sér til
að losa sig við spéhræðslu og
þeim liggur mikið á hjarta. Þeir
hafa eldmóð og þeir þora að
láta hann í ljós. Þeir smita aðra
af því að þeir hafa gaman af að
tjá sig. Það þarf ekki að vera um
skemmtilegt efni en ef þeir hafa
virkilegan áhuga á efninu geta
þeir gert það athyglisvert. Og
þetta er spurning um æfi ngu.
Það er skemmtilegra að vera
virkur og það er undirstaða
lýðræðis að allir þori að láta í
sér heyra.“
Í belg og biðu
Sirrý segist oft skrifa hjá sér
athugasemdir þegar fólk kemur
fram í sjónvarpi auk þess að
taka myndir af skjánum til að
fylgjast með hverjir tjá sig vel
og eru til fyrirmyndar og hverjir
falla í allar gryfjurnar.
„Ég hvet fólk til að fylgjast
t.d. með umræðum á Alþingi.
Að því má margt læra. Sumir
stjórnmálamenn líta ekki upp
heldur þylja af blaðinu í belg og
biðu og hafa jafnvel ekki lesið
text ann sinn vel heima. Svo
hefur kannski einhver sagt þeim
að líta upp og þá líta þeir upp
með því að nikka höfðinu ótt og
títt en eru ekki í raun og veru
að tala við salinn. Ræðumaður
þarf að vera búinn að lesa
text ann sinn vel áður svo hann
eigi auðvelt með að horfa upp
og tala við fólk. Maður getur
smátt og smátt betrumbætt stíl
sinn með því að stúdera fólk.
Og svo þarf maður að finna sér
sem flest tækifæri til að æfa
sig. Húsfundir, félagsstarf …
Tækifærin eru víða. Og þegar
maður kemur fram er gott að
vera vakandi fyrir því hvort
SigRÍðUR aRNaRDóttiR
„Lykilatriðið er að
hafa eitthvað að segja
og segja það þann­
ig að aðrir kjósi að
hlusta. Og til að geta
sagt eitthvað þannig
að aðrir nenni að
hlusta þarf að losa
sig við spéhræðslu.
Það þarf að taka til
í eigin ranni, rækta
sjálfan sig og hafa
svolítið gaman af því
að þora að skína.“
TexTi: svava jónsdóTTir
til að vera góður ræðu-
maður þarf að hafa
eitthvað að segja. og
segja það þannig að aðrir
nenni að hlusta. aðal-
atriðin eru: Undirbúning-
ur, áhugi á efninu og að
njóta þess að miðla því.