Frjáls verslun - 01.04.2013, Síða 57

FRJÁLS VERSLUN 4. 2013 57
V
ið höfum verið í óðaönn
að framkvæma stærsta
fjár festingarverkefni sem
ráðist hefur verið í á Íslandi
á undanförnum árum.
Verk efnið er margþætt og
nokkrum hlutum þess er þegar lokið enda
höfum við þegar varið í það um 50 milljörðum
króna. Stærstu verkþættir sem standa yfir í
dag eru uppsetning á öðrum jöfnunarofni
sem er forsenda þess að skipta alfarið yfir
í nýja og verðmætari framleiðsluafurð, þ.e.
stangir í stað barra. Í öðru lagi er um að ræða
skautsmiðju sem er nauðsynleg til að við get­
um aukið álframleiðsluna um 8%. Síðast en
ekki síst má nefna eflingu meng unarvarna.“
Rannveig Rist segir að sex orða ævisagan sé:
Mikið annríki en nánast alltaf gaman.
Hún segist ekki eiga neitt „átrúnaðargoð“
þegar hún er spurð hvaða stjórnandi sé
fyrirmynd hennar. „Ef ég væri neydd til að
nefna einn væri það Hörður Guðbjartsson,
skipstjórinn minn á Guðbjarti ÍS. Hann
bar virðingu fyrir sínu fólki og kom fram
af sanngirni en var jafnframt ákveðinn og
afgerandi þegar það átti við.“
Varðandi heilræði til ungra stjórnenda segir
Rannveig að stjórnandi verði að geta tekið
af skarið en jafnframt vera opinn fyrir nýjum
hugmyndum. „Leyfið samstarfsfólki ykkar að
njóta sín og munið að auðmýkt er undanfari
virðingar.“
Hún er sammála því að þörf sé á sérstakri
jafnlaunastefnu innan fyrirtækja. „Það er enn
brýnna að fylgja slíkri stefnu eftir.“
Hver eru að mati Rannveigar brýnustu
verkefni nýrrar ríkisstjórnar? „Mörg einstök
verkefni eru brýn en mestu skiptir að sjá til
þess að umgjörð og skilyrði séu til staðar fyrir
aukna verðmætasköpun. Öðruvísi verður
ekki hægt að ná fram öllu í senn: Snúa við
taprekstri ríkissjóðs, verja velferðarkerfið og
bæta lífskjör almennings.“
rannveig er stjórnarformaður Samáls og í
stjórn SA, jarðborana og HB granda.
auðMýkt er undanFari virðingar
Rannveig Rist, forstjóri Rio tinto alcan á Íslandi hf.
Stefanía óskarsdóttir,
stjórnmálafræðingur og lektor
við HÍ og virkur álitsgjafi um
stjórnmmál.
100 ÁhRiFamEStU koNURNaR 2013