Frjáls verslun - 01.04.2013, Blaðsíða 84

84 FRJÁLS VERSLUN 4. 2013
100 ÁhRiFamEStU koNURNaR 2013
„Síðastliðið ár hefur verið mjög viðburðaríkt
hjá VÍS. Við náðum mjög góðum árangri í
rekstri fyrirtækisins og settum okkur nýja
stefnu sem allir starfsmenn tóku þátt í að
móta. Mikil starfsánægja mælist hjá VÍS en
sam stilltur hópur starfsmanna er grund vallar ­
forsenda þess að ná góðum árangri. Við fórum
í gegnum söluferli þar sem 70% af hluta fé
félagsins voru seld til fimm þúsund nýrra
hluthafa og í kjölfar sölu var félagið skráð í
Kauphöll Íslands, en VÍS var fyrsta trygg inga ­
félagið á markað.“
Sigrún Ragna, sem finnst að öll fyrirtæki eigi
að setja sér jafnlaunastefnu og skýra tímalínu
um innleiðingu stefnunnar, segist sérstaklega
horfa til stjórnenda og leiðtoga sem hafa náð
langtímaárangri í rekstri þeirra fyrirtækja sem
þeir stjórna. „Ég hef í þessu sambandi m.a.
skoðað niðurstöður rannsókna Jims Collins
sem fjallað er um í bókunum Good to Great
og Built to last. Þessir leiðtogar eru oft og
tíðum ekki áberandi en eitt af markmiðum
þeirra er að virkja samstarfsfólk og þjálfa
leiðtoga til að taka við forystuhlutverkum í
fram tíðinni.“
Hún segir að ungir stjórnendur þurfi að
setja sér markmið til að stefna að og gefast
ekki upp þótt leiðin að þeim sé ekki alltaf
bein og greið. Hvað varðar brýnustu verkefni
nýrrar ríkisstjórnar segir Sigrún Ragna
mikilvægt að Íslendingar fái raunsanna mynd
af stöðunni og að ekki séu gefin óraunhæf
loforð. „Það er afar brýnt að sett verði fram
raunhæf áætlun til að efla fjárfestingu og
hagvöxt og draga eins og hægt er úr óvissu
í rekstrarumhverfi fyrirtækja. Það þarf að ná
tökum á ríkisfjármálum og setja fram halla ­
laus fjárlög og áætlun um lækkun skulda
ríkissjóðs, svo ekki sé minnst á afléttingu
gjaldeyrishafta.“
Sigrún ragna er í framkvæmdastjórn
viðskiptaráðs og varaformaður stjórnar SFF.
ÞarF raunsanna MYnd aF stöðunni
Sigrún Ragna Ólafsdóttir, forstjóri VÍS: