Frjáls verslun - 01.04.2013, Page 92

92 FRJÁLS VERSLUN 4. 2013
100 ÁhRiFamEStU koNURNaR 2013
„Við erum búin að vera í miklum fram kvæmd ­
um með Pizza Hut í Finnlandi,“ segir Þórdís
Lóa Þórhallsdóttir sem er eigandi Pizza Hut
á Íslandi og í Finnlandi. „Við endurnýjuðum
„flaggskipið“ okkar í Finnlandi í fyrra auk
þess að endurbyggja stað sem við erum með í
stórri sýningarhöll í Helsinki. Við erum einnig
búin að hanna og opna Frozen Yoghurt­bari
í Finnlandi undir okkar eigin vörumerki. Þar
er lögð áhersla á hollustu og ferskleika og við
erum þegar búin að opna tvo staði.“
Þegar Þórdís Lóa er spurð hvaða stjórnandi
er fyrirmynd hennar segir hún: „Ég á mér
margar fyrirmyndir bæði lífs og liðnar og eru
sumar jafnvel bíómyndapersónur. Fyrirmyndir
mínar eru fólk sem hefur kjark og þor en er
um leið mannlegt og heilt.“
Þórdís Lóa, sem segir að jöfn laun fyrir sömu
vinnu séu grunnskilyrði, segir að heilræði
sitt til ungra stjórnenda sé: „Trúið á fólk og
fjölbreytileika, fáið fólk með ykkur og hlustið á
fólk. Viðskipti snúast um fólk. Ef við náum ekki
að klára mannlega hlutann sem tengist því
að vera stjórnandi eigum við að gera eitthvað
annað.“
Þórdís Lóa segir að brýnasta verkefni nýrrar
ríkisstjórnar sé að koma á langtímastöðugleika
í efnahagslífinu og afnema gjaldeyrishöft. „Mér
líst hins vegar ekki á hugmyndir um að hætta
viðræðum um ESB og að ætla að halda krónunni
án skoðunar á öðrum möguleikum.“
Þórdís Lóa er formaður FkA og stjórnar-
formaður Finnsk-íslenska viðskipta ráðsins
og naskar investmetns ehf.
Fólk seM heFur
kjark og Þor
Þórdís lóa Þórhallsdóttir,
framkvæmda stjóri Pizza Hut á Íslandi
og í Finnlandi:
gunnur helgadóttir,
framkvæmdastjóri Vistors.
Jónína S. Lárusdóttir,
frkvstj. lögfræðisviðs Arion banka