Frjáls verslun - 01.04.2013, Blaðsíða 107

FRJÁLS VERSLUN 4. 2013 107
Góð ráð:
• Vandaðu málfar þitt og
framkomu – hvort tveggja
er hluti af fagmennsku
þinni
• Klæddu þig og komdu fram
í samræmi við þá stöðu
sem þú sækist eftir – ekki
þá stöðu sem þú gegnir
núna
• Leggðu þig fram við að
læra nöfn – það skiptir fólk
máli að þú vitir hvað það
heitir
• Styrktu sjálfstraust þitt ef á
þarf að halda – ekki afsaka
þig stöðugt eða gera lítið úr
þér – komdu fram eins og
þú eigir fullt erindi þangað
sem hugur þinn stefnir
• Reyndu að koma fyrir eins
og þeir einstaklingar sem
þú lítur upp til – fremur en
þeir sem þú verð mestum
tíma með – spilaðu í sam­
ræmi við þá deild sem þú
vilt spila í
• Viðhorf og framkoma eru
lykilatriði – leggðu þig fram
um að hafa þægilega og
yfirvegaða nærveru
Harvey segir að ímynd þín
hafi 30% vægi varðandi það
hvort þér tekst að fá stöðu­
hækk un eða ekki.
Sýnileiki
Eins miklu máli og sýnileiki
skiptir varðandi það að fá
stöðu hækkun skyldir þú forðast
að vera mjög sýnilegur fyrr
en þú hefur náð mjög góðri
frammi stöðu – sýnileiki á slæma
frammistöðu getur haft mjög
slæm áhrif á starfsframa þinn
sem getur tekið mörg ár að
vinna upp.
Með sýnileika er hér átt við
hverjir innan vinnustaðarins
vita hvað þú gerir fyrir vinnu­
staðinn. Þekkja yfirmaður
þinn, yfirmaður hans/hennar
og samstarfsfélagar þínir þig?
Hafa þau lesið eitthvað sem þú
hefur skrifað, hafa þau séð þig
halda kynningu, vita þau um
síðustu snilldarhugmynd sem
þú komst með og var komið í
framkvæmd, vita þau að hverju
þú ert að vinna núna og hvaða
árangri þú ert að vinna að fyrir
vinnustaðinn? Ert þú sýnileg/­ur?
Sýnileikinn er mjög mikilvægur
þar sem fólki líður ekki vel með
að byggja upp framtíðarárangur
með einstaklingum sem þeir
þekkja ekki. Fólk þarf að þekkja
þig og hvað þú hefur fram að
færa til að það hafi áhuga á
að kalla þig að borðinu þegar
tækifæri gefast.
Góð ráð:
• Bjóddu þig fram í þverfag­
lega verkefnahópa, sýndu
að þú hafir vilja til að nýta
þekkingu þína fyrir vinnu­
staðinn og einnig að
breikka þekkingu þína
• Bjóddu þig fram til að
kynna niðurstöður hópa­
vinnu – vertu fagleg/­ur og
skemmtileg/­ur í kynning­
um þínum
• Sæktu námskeið og fyrir­
lestra sem í boði eru á
vinnustaðnum, sýndu að
þú hafir vilja til að bæta
stöðugt við þekkingu þína
• Byggðu upp langtímasam­
bönd – ekki vera áberandi
tækifærissinni – komdu
fram við alla af virðingu
• Komdu vel fram við starfs­
fólkið í móttöku vinnu stað­
arins sem og fólkið í tölvu­
deildinni, þetta fólk getur
haft áhrif á fram göngu þína
á vinnustaðnum, ekki horfa
fram hjá fólki þótt það sé
ekki endilega í stjórnenda­
stöðum
• Taktu þátt í öllum
uppá komum á vegum
vinnustaðarins
• Skemmtanir með
vinnufélögum
eru ekki
eins og
hverjar
aðrar
skemmtanir, ekki haga
þér þannig á þeim að það
geti komið niður á faglegri
ásýnd þinni
• Nýttu matarhléin þín til að
tala við samstarfsfólk og
leggðu þig fram um að
sitja ekki alltaf hjá sama
fólkinu, reyndu að kynnast
fólki úr öðrum einingum og
myndaðu góð tengsl
• Taktu þátt í starfi faghópa
og fagfélaga, innan vinnu­
staðarins og utan
• Temdu þér jákvæð og
lausna miðuð viðhorf –
flestir sækjast eftir að vinna
með slíkum einstaklingum
• Virtu trúnað, ekki taka
þátt í slúðri og baktali, ekki
misnota fólk, vertu trúr og
traustsins verð/­ur
Harvey segir að sýnileiki þinn
hafi hvorki meira né minna en
60% vægi varðandi það hvort
þér tekst að fá stöðuhækkun
eða ekki.
Hver eru þá næstu
skref fyrir þig?
Ef þú hefur náð að skapa þér
góða ímynd og frammistaða þín
er álitin góð skaltu fara að vinna
í að ná sýnileika – þar með
eykur þú líkur þínar á góðum
framgangi á vinnustað, og
jafnvel stöðuhækkun.
Um leið og þú veist hvað þú
vilt skaltu halda áfram að læra
og þróa þig, ekki gefast upp
og meðtaktu þá staðreynd
að þú kemst ekki á toppinn
eingöngu út á eigin rammleik
– þú þarft alltaf að vinna með
öðrum og láta aðra taka eftir
þér – og það er undir þér komið
hverju fólk tekur eftir hjá þér og
hvað það man um þig.
„Leggðu þig fram við
að læra nöfn – það
skiptir fólk máli að
þú vitir hvað það
heitir.“