Frjáls verslun - 01.04.2013, Page 133

FRJÁLS VERSLUN 4. 2013 133
konur verða að gefa kost á sér
hvað hefur verið efst á baugi
innan þíns félags að undan-
förnu?
„Efst á baugi á vordögum
var skipun nýrrar stjórnar sem
nú leggur af stað með nýjar og
öðruvísi áherslur. Stjórn VR
hefur m.a. tekið þá ákvörðun
að efst á blaði næstu misserin
verði starfsmenntamálin sem
eru mikið í umræðunni þessa
dagana og er framundan að
móta stefnu um þau mál. Þá
eru kjaramálin mál málanna
því gerð kjarasamninga er jú
framundan. Starfsmenntamálin
eru gríðarlega spennandi
við fangsefni en það hefur
sýnt sig að brottfall úr íslensk­
um framhaldsskólum er
gífur lega hátt. Einnig sýna
nýkomnar niðurstöður úr
fyrir tækjakönnun ársins að
þjónustu­og verslunarstörf
fá yfirleitt lægstu einkunn.
Mikil vægt er að hefja störf í
verzlun­og þjónustu til virð ­
inga. En þaað á að vera eitt
af lykil hlutverkum verka ­
lýðshreyfingarinnar, að taka
þátt í að styrkja stöðu ákveð ­
inna launahópa.“
hvernig metur þú væntingarnar
í atvinnulífinu eftir kosningar?
„Ég er mjög ánægð með
ráðningu Þorgerðar Katrín­
ar, fyrrverandi mennta mála­
ráðherra, sem forstöðu manns
nýs mennta­og nýsköpunar­
sviðs hjá Samtökum atvinnu­
lífsins. Sem ráðherra var hún
ötul við að hefja iðnmenntun
til virðingar og mér sýnist því
sem Samtök atvinnulífsins ætli
að leggja sitt af mörkum hvað
varðar starfsmenntunarmálin
og að menn ætli almennt að
leggjast á árarnar og gera
þetta vel. Ég tel að við getum
tengt verkvit og verkmenntun
miklu meira, en það getum við
gert með atvinnulífi og námi.
Jafnmikilvægt er að menntað
fólk komist út í atvinnulífið
og að fólk úr atvinnulífinu
fái símenntun. Sjálf hætti ég
í skóla mjög ung, aflaði mér
verkmenntunar og fór síðan
í nám á seinni stigum. Það er
ekki verra þótt ég mæli ekkert
endilega með því heldur.“
hvernig er staðan í þínu félagi
varðandi lögin um kynja hlut-
föll í stjórninni sem taka gildi
1. september nk.?
„Nú er kona formaður
félagsins í fyrsta sinn í 122 ár
og í stjórn þess eru 60% konur
og 50% karlar. Kosningaúrslit
síðustu ára sýna að konurnar
fá töluvert fleiri atkvæði en
karlarnir og í raun væru ein ­
göngu konur í stjórn ef ekki
væri fyrir fléttulisti varðandi
stjórnarkjör. Hann tryggir
ákveðið jafnrétti, sem auðvitað
verður að ganga í báðar áttir.
Skipting félagsmanna hjá VR er
hins vegar 60% karlar og 40%
konur.”
Er félagið þitt með sérstaka
formlega jafnlaunastefnu?
„Á síðustu árum og áratugum
hefur VR lagt mikla áherslu
á að berjast gegn launamun
kynjanna. Glerveggir eru sýni ­
legri í dag af þeirri einföldu
ástæðu að allir, bæði konur
og karlar, eru meðvitaðir um
þá mismunun sem konur búa
við á íslenskum vinnumarkaði
og verður enginn afsláttur
gefinn hjá okkur í þeirri baráttu
næstu árin. Við megum aldrei
sofna á verðinum en sem betur
fer er upplýst umræða um
jafnrétti í samfélaginu í dag.
Ég veit t.d. að innan Flóru,
félags mannauðsstjóra, er mikil
fræðiþekking sem getur breiðst
út til fyrirtækja og t.d. með slíku
náum við sífellt skrefi lengra.
Nú erum við líka komin með
kynslóð þar sem báðir aðilar
nálgast að verða jafnvígir í
að ala upp einstaklingin, en
það gerist meðal annars með
til komu feðraorlofs. Þegar það
næst að fullu verður það einn
mesti áfangi sem hugsast getur
í þessari baráttu.“
Ólafía bætir við að mikilvægt
sé að ná til unga fólksins á
því tungumáli sem það skil ­
ur en upp til hópa sé það
alls ekki nógu meðvitað um
það sem stéttarfélagið geri
fyrir það. Þá megi ekki taka
þá réttindabaráttu sem sé í
höfn sem sjálfsagðan hlut því
ekki séu ýkja mörg ár síðan
helstu réttindamál eins og t.d.
fæðingarorlof og veikindaréttur
barna hafi náð fram að ganga.
„Hingað til er ég einna
ánægð ust með að hafa ákveðið
að taka þeirri áskorun að stíga
fram og bjóða mig fram sem
formaður hjá VR. Við kon ur
viljum jú jafnrétti en þá verð ­
um við líka að stíga fram og
gefa kost á okkur. Öðruvísi
næst ekki fram jafnrétti,“ segir
Ólafía, sem tók við starfi for­
manns í byrjun maí.
texti maría ólafsdóttir / mynd: geir ólafsson
Nafn: ólafía b. Rafnsdóttir
aldur: 52
menntun: Verkefnastjórnun og
leiðtogaþjálfun EhÍ, mannauðs-
stjórnun EhÍ, mba frá hÍ
hjúskaparstaða: Í sambúð
tómstundir: golf, brids og þau
verkefni sem ég er að vinna að
hverju sinni
Sumarfríið 2013: óákveðið
Ólafía B. Rafnsdóttir er fyrsta konan sem tekur við stjórn VR í 122 ára sögu
félagsins.Hún segir starfsmennta- og kjaramál verða í brennidepli næstu misserin
en félagið vinnur einnig hörðum höndum að því að fá dregið úr launamun kynjanna.
Ólafía hefur starfað á sviði jafnréttismála og segir enn þó nokkuð langt í land.
„Efst á baugi á
vordögum var
skip un nýrrar
stjórnar sem nú
leggur af stað með
nýjar og öðruvísi
áherslur.“