Frjáls verslun - 01.07.2010, Síða 24

24 F R J Á L S V E R S L U N • 7 . T B L . 2 0 1 0
5 milljarðar króna að nafnverði eða um 12,5 milljarðar að söluverði
miðað við gengið 2,5.
Samkvæmt ársreikningi 2009 voru brúttóskuldir Icelandair Group um
74 milljarðar króna í lok síðasta árs. Þær skuldir voru að sliga félagið.
Nauð synlegt var að lækka skuldir félagsins. Þegar Framtakssjóðurinn
keypti í félaginu sl. sumar voru nettó­vaxta berandi skuldir Icelandair um
40 milljarðar. Íslandsbanki hefur síðan tekið út úr félaginu bæði eignir og
skuldir að fjárhæð 10 milljarða. Nýtt hlutafé á síðan að nota til að lækka
skuldirnar úr 30 mill jörðum í 20 milljarða.
300 milljarða velta
Velta Icelandair Group, Icelandic Group, Vodafone, Skýrr, EJS,
Hugar­Ax, Húsasmiðjunnar og Plastprents nemur um 300 mill jörð­
um króna á ári. Þessi fyrirtæki hafa um átta þúsund starfs menn á
sínum vegum. Þar af hefur Icelandair um tvö þúsund starfs menn og
veltir um 90 milljörðum á ári.
Framtakssjóðurin telur flest þessi fyrirtæki mjög lífvænleg. Þau séu
í rekstri og með sterkan rekstrargrunn og þau hafi allar forsendur til
að spjara sig á næstu árum og verða verðmeiri.
Icelandic Group hefur ekki skilað miklum hagnaði undanfarin ár.
Fyrirtækið er með mikla veltu en litla framlegð. Hagnaður Icelandic
á þessu ári hefur þó braggast og var hagnaður af reglulegri starfsemi
fyrir skatta rúmir tveir milljarðar króna á fyrri hluta þessa árs. Um
35% af útflutningi sjávarafurða Íslendinga fer í gegnum Icelandic og
á meðan það veiðist fiskur í sjó við Ísland má ætla að þetta fyrirtæki
eigi framtíð fyrir sér. EBITDA framlegð Icelandic á þó fyrst og fremst
rætur sínar að rekja til verksmiðjustarfseminnar erlendis en í heild
veltir félagið um 150 milljörðum á ári og skuldar um 25 milljarða.
Stefnt er að því að skrá Icelandic í kauphöllina bæði hér heima og
erlendis á næstu árum. Fyrirtækið er alþjóðlegt. Það að skrá fyrir­
tækið líka erlendis eftir 18 til 24 mánuði bendir til þess að leitað
verði eftir erlendum fjárfestum inn í það á næstunni.
Það hefur lítinn tilgang að vera á erlendum hlutabréfamörkuðum
nema vera með erlenda fjárfesta í félaginu. Stoðtækjafyrirtækið Össur
hf. er gott dæmi um svona tvískráningu sem hefur gefist vel.
Teym issamstæðan er svolítið sérstök samstæða. Hún var eiginlega
bara búin til út af flæði ódýrs fjármagns á sínum tíma. Fyrirtækjum
var skellt saman bara til að skella þeim saman. Samstæðan var yfir­
skuldsett og því er haldið fram að eftir hrunið hafi skuldirnar verið
yfir 43 milljarðar og útilokað að reka fyrirtækin með þann klafa.
30 milljarða skuld breytt í hlutafé
Því er haldið fram við Frjálsa verslun að búið hafi verið að afskrifa
hátt í 30 milljarða af skuldum Teymis og breyta þeim í hlutafé áður
en það var sett inn í Vestia og selt Framtakssjóðnum og að skuldir
Teymis séu núna í kringum 12 milljarðar.
Fyrirtækin í Teymi hafa flest hver í grunninn verið í ágætum rekstri
og með þokkalega stöðu – fyrir utan auðvitað skuldirnar. En núna
er búið að laga þar til og tálga þær niður.
STOFNENDUR FRAMTAKSSJÓÐSINS
16 LÍFEYRISSJÓÐIR MEÐ UM 64% LÍFEYRISEIGN
LANDSMANNA.
Lífeyrissjóður verslunarmanna 19,9%,
Gildi lífeyrissjóður 18,8%,
Lífeyrissjóður starfsmanna ríkisins 13,3%,
Sameinaði lífeyrissjóðurinn 10,0%,
Stafir lífeyrissjóður 10,0%,
Söfnunarsjóður lífeyrisréttinda 8,0%,
Lífeyrissjóður starfsm. sveitarf. 5,0%
Festa lífeyrissjóður 3,3%
Lífeyrissjóður Vestmannaeyja 2,7%
Lífeyrissjóður Vestfirðinga 2,0%
Almenni lífeyrissjóðurinn 2,0%
Lífeyrissjóður bankamanna 1,6%
Eftirlaunasjóður FÍA 1,4%
Lífeyrissjóður verkfræðinga 1,0%
Lífeyrissjóður Rangæinga 0,7%
Íslenski lífeyrissjóðurinn 0,2%
Vestia var í raun aldrei almennilega til friðs
innan Landsbankans. Bankinn var að nálgast
lokadagsetningar varðandi eignarhald á
mörgum þessara fyrirtækja vegna sam keppnis-
sjónarmiða.
KAUPIN Á VESTIA
KAUPIN Á VESTIA
Þau félög sem fylgja Vestia til Framtakssjóðs Íslands eru eftir-
farandi sjö fyrirtæki en hjá þeim vinna um sex þúsund manns,
bæði hér á landi og í starfsstöðvum félaganna erl endis.
Framtakssjóður Íslands greiðir Landsbankanum sam kvæmt
samkomulaginu 19,5 milljarða króna fyrir Vestia. Vaxtaberandi
skuldir fyrirtækjanna sjö eru um 40 milljarðar króna.
Framtakssjóðurinn miðar í kaupunum við að EBITDA í kringum
5,0 sem er krafa um að hagnaður fyrirtækjanna sjö fyrir vexti,
skatta og afskriftir séu í kringum 12 milljarðar króna á ári.
Fyrirtækin eru.
Icelandic sem áður hét SH og er alþjóðlegt sjávarútvegs fyrir-
tæki með samtals 30 dótturfélög og starfsemi í 14 lönd um.
Teymi sem er eignarhaldsfélag á sviði fjarskipta og upp lýs-
inga tækni og á eftirfarandi félög: Vodafone, Skýrr, EJS og
HugurAx. Húsasmiðjan sem er byggingavöruverslun með 16
verslanir um allt land.
Plastprent sem er leiðandi fyrirtæki í framleiðslu
plastumbúða og plastfilma.
Hlutir Framtakssjóðins í ofangreindum félögum er 100%,
nema í Teymi en þar er hann 60%.
Samfara kaupunum á Vestia kaupir Landsbankinn 30% hlut í
Framtakssjóðnum. Hlutafé Framtakssjóðsins verður tvöfaldað
úr 30 milljörðum króna í 60 milljarða. Landsbankinn kaupa
hlut í sjóðnum fyrir allt að 18 milljarða króna og lífeyrissjóðirnir
leggja fram 42 milljarða í hlutafé.
Áhætta lífeyrissjóðanna felst í því að þessir 42 milljarðar
tapist ef allt fer á versta veg – sem er mjög ólíklegt að verði.
Það er um 3,5% af heildareignum þessara sextán lífeyrissjóða
eru um 1.200 milljarðar.
Stjórn Framtakssjóðsins hefur heimild til að hækka hlutafé
sjóðsins í allt að 90 milljarða króna.
Framtakssjóður Íslands er samlagshlutafélag; sjóður í eigu
sextán lífeyrissjóða innan vébanda Landssamtaka lífeyrissjóða
og hlutverk hans er að taka þátt í og móta endurreisn
íslensks atvinnulífs.