Frjáls verslun - 01.07.2010, Side 62

62 F R J Á L S V E R S L U N • 7 . T B L . 2 0 1 0
Metnaðarfull fyrirtæki ættu að hafa að markmiði
sínu að vinna eins og þau væru á markaði
NASDAQ OMX
Vaxtarmöguleikar smærri fyrirtækja
„Ég tel vaxtarmöguleika smærri fyrirtækja
góða því tækifærin eru fyrir hendi,“ segir
Þórður Friðjónsson, forstjóri NASDAQ
OMX Iceland, um sprota­ og nýsköp­
unar fyriræki: „Nægt fjármagn er á lausu
og fjárfesta lengir eftir nýjum kostum.
Nýsköp unarfyrirtæki njóta almenns velvilja
auk þess sem fjárfestum stendur til boða
skattaafsláttur. En þetta er spurning um
traust á rekstri og áætlunum fyrirtækisins;
hvort það ætlar á markað til dæmis.
Fá gæðastimpil á fyrirtækið
Marorka, 66°Norður, Nikita, Stjörnu­Oddi
og mörg fleiri þekkingarfyrirtæki hafa átt
velgengni að fagna og stækkað ört. Með
auknum vexti fjölgar starfsfólki og verk ­
efnin verða fjölbreyttari. Sama gildir oft
um fjárfestahópinn, hann verður stærri og
fjöl breyttari. Verkferlar og upplýsingaflæði
breytast og fyrirtæki þurfa að sanna sig fyrir
nýjum fjárfestum. Þessi fyrirtæki ættu að hafa
að markmiði sínu að starfa eins og þau væru á
markaði. Það er gæðastimpill fyrir þau.
First North er öflugur kostur fyrir
efnileg fyrirtæki
Skráning á hlutabréfamarkað greiðir fyrir
fjármögnun og viðskiptum. Fyrirtæki á
markaði njóta meira trausts gagnvart nýjum
fjár festum, lánveitendum og viðskiptavinum
og njóta meiri sýnileika. Össur og Marel
eru nærtæk dæmi um þetta. First North­
markaðurinn veitir félögum um flest sömu
kosti og Aðalmarkaðurinn en er töluvert
ódýrari og einfaldari. Ég tel að það gæti
aukið slagkraft nýsköpunarfyrirtækja ef
þau nýttu sér markaðinn í meira mæli. Um
fimmtungur félaga á First North­mark aðn ­
um er undir 500 m.kr. að markaðsvirði og
mörg þeirra mun minni. Hér á landi eru því
án nokkurs vafa fjölmörg góð fyrirtæki sem
eiga fullt erindi á markað.“
„Nægt fjármagn er á lausu
og fjárfesta lengir eftir nýjum
kostum. Nýsköpunarfyrirtæki
njóta almenns velvilja auk þess
sem fjárfestum stendur til boða
skattaafsláttur.“
Skráning á hlutabréfamarkað greiðir fyrir fjármögnun og viðskiptum.