Frjáls verslun - 01.01.2009, Blaðsíða 42

42 F R J Á L S V E R S L U N • 1 . T B L . 2 0 0 9
G
ylfi Magnússon tók við starfi viðskiptaráðherra nú í
byrjun mánaðar og er á meðan í tímabundnu leyfi
frá störfum sínum sem dósent við viðskiptafræðideild
Háskóla Íslands. Hann þekkir málaflokkinn mjög vel
út frá afskiptum sínum af fjármálamarkaðnum og
samkeppnismálum á öðrum vettvangi, en trúir því og treystir að
gott fólk hjálpi sér í gegnum verkferla ráðuneytis og Alþingis, sem
hann kunni ekki jafngóð skil á. Hann segir starfshætti sína munu
einkennast af þeim knappa tíma sem hann hafi til að sinna starfinu
en bankamálin verði í brennidepli.
Gylfi er fæddur vestast í Vesturbænum á miðjum viðreisnarárunum,
árið 1966, og ólst upp með foreldrum sínum og tveimur eldri
systkinum í húsi sem afi hans og amma höfðu keypt á fjórða
áratugnum og bjó þar allt þar til hann fór utan til náms. Hann segir
Vesturbæinn hafa verið skemmtilegt hverfi til að alast upp í og ekki
spillti fyrir að á bak við æskuheimilið var gæslu- og fótboltavöllur
þannig að stutt var að fara út að leika og mikið af krökkum í
nágrenninu. Ekki var annað hægt en að vera KR-ingur í hverfinu en
Gylfi segist nú engin afrek hafa unnið með félaginu þó svo að hann
hafi unnið einn leik með fimmta flokki í fótbolta og hætt eftir það á
toppnum. Gylfi er enn gallharður KR-ingur en segist þó reyndar vera
líka farinn að styðja Gróttu í seinni tíð þar sem börnin sín æfi þar.
Á uppvaxtarárunum bar hann út blöð eins og flestir strákar og seldi
í smásölu bæði Vísi, Dagblaðið, Moggann og Alþýðublaðið. Þeim
störfum gegndi hann með skóla framan af en starfaði síðan nokkur
sumur sem „klinka“ hjá föður sínum, Magnúsi Gíslasyni, sem þá
var starfandi tannlæknir, og segir það hafa verið eina inngrip sitt í
heilbrigðiskerfið.
stórborgarlíf og nám
Gylfi segir áhugann á viðskipta- og hagfræði sjálfsagt hafa kviknað á
menntaskólaárunum í Menntaskólanum í Reykjavík, þó hann hafi þá
í raun ekki vitað um hvað námið snerist enda var hann á eðlisfræði-
braut í menntaskóla. Þó hafi hann ekki orðið fyrir nokkrum von-
brigðum með námið og útskrifaðist frá viðskipta- og hagfræðideild
Háskóla Íslands sem hagfræðingur árið 1990. Að því loknu hélt hann
beint í doktorsnám til Bandaríkjanna við Yale University sem alls tók
sjö ár en á þeim árum starfaði hann einnig sem aðstoðarkennari líkt
og algengt er með doktorsnema, auk þess að kenna eigið námskeið.
Gylfi segir að sér hafi ætíð liðið mjög vel í skóla sem kannski skýri
hvers vegna hann hafi átt svo erfitt með að slíta sig frá því umhverfi.
Tvímælalaust séu flestir af fremstu hagfræðiskólum heims í Banda-
ríkjunum og það hafi verið mikil forréttindi að fá að fara þangað.
Hann hafi haft gaman að námsárunum þar sem hann þjálfaðist í
kennslu, en áður en hann hélt utan hafði hann byrjað að kenna í
Menntaskólanum við Sund. Hann segir borgina sem háskólinn er í
ekki endilega skemmtilegustu borg Bandaríkjanna en staðsetningin
hafi verið góð þar sem hún er mitt á milli New York og Boston.
Þannig gat hann notað þann frítíma sem gafst til að njóta margs af
því sem stórborgirnar hafa að bjóða.
skólun í blaðamennsku hjálpaði til
Að námi loknu hóf Gylfi þegar störf hjá viðskipta- og hagfræðideild
háskólans sem stundakennari og starfaði samhliða því sem
sérfræðingur á Hagfræðistofnun á árunum 1996 til 1998. Fljótlega
eftir heimkomuna kynntist hann einnig eiginkonu sinni, Hrafnhildi
Stefánsdóttur. Gylfi hefur í gegnum árin skrifað fjölda greina og
n æ r M y n d a f G y l f a M a G n ú s s y n i v i ð s K i p T a r á ð H e r r a
Gylfi Magnússon viðskiptaráðherra í
stjórn Jóhönnu Sigurðardóttur.
yfirvegaður
og fylginn sér
Gylfi Magnússon, dósent við Háskóla Íslands,
tók tímabundið við starfi viðskiptaráðherra.
Hann er Kr-ingur í húð og hár og starfaði
um tíma sem „klínka“ hjá föður
sínum, Magnúsi Gíslasyni
tannlækni. Hann segir
að bankamálin verði í
brennidepli.
texti: maría ólafsdóttir
Mynd: geir ólafsson