Frjáls verslun - 01.01.2009, Blaðsíða 89

F R J Á L S V E R S L U N • 1 . T B L . 2 0 0 9 89
að halda Góða ræðu
Að vera maður sjálfur
helgi Guðmundsson, markaðs-
og sölufulltrúi hjá Póstinum,
hefur keppt í ræðumennsku
á vegum JCi-hreyfingarinnar á
alþjóðavettvangi auk þess að
hafa verið leiðbeinandi á um 20
ræðunámskeiðum.
hann segir að þegar halda
eigi góða ræðu sé undirbúningur
fyrsta atriðið sem þurfi að hafa í
huga en hann bendir á að margir
undirbúi sig ekki nóg.
„Ég hef lagt áherslu á að góð
ræðumennska sé það þegar
viðkomandi stendur fyrir framan
hóp af fólki og miðlar af sínum
persónuleika, sínum húmor og
sinni skoðun. Það skiptir máli að
vera maður sjálfur.“
Viðkomandi þarf að hafa í
huga hvað hann ætlar að tala um,
hvert sé tilefnið og hvar ræða
verður haldin en það skiptir máli
að kynna sér aðstæður – þarf
viðkomandi til dæmis að þenja
röddina eða er hátalarakerfi á
staðnum? tilvalið er að standa
fyrir framan stól og ímynda sér að
áheyrandi sitji í honum.
hvað ræðuna sjálfa áhrærir er
gott að setja niður á blað hvað
viðkomandi veit um efnið, hann
getur lesið sér til um efnið á
netinu eða í bókum og loks getur
hann leitað álits tveggja til þriggja
manna um gæði ræðunnar.
Þegar ræðumaðurinn stendur
fyrir framan áheyrendur segir
helgi að gott sé að gefa sér tíma
áður en ræðan hefst – koma sér
í stellingar og hafa vatnsglas við
höndina.
„Það er tilvalið að byrja á
ávarpi en ræðumaður hefur
um hálfa mínútu til að grípa
athygli áheyrenda. Það á alls
ekki að byrja á því að afsaka
sig heldur byrja á spurningu eða
vangaveltum. Þá þarf að tala
mannamál þannig að allir skilji
um hvað er verið að tala. Góð
þögn getur verið áhrifameiri en
heil málsgrein.“
helgi segir að hendur eigi ekki
að koma nálægt andlitinu.
„endir ræðunnar verður að
vera sterkur. Það er því sóun að
enda á orðunum: „takk fyrir.“ sé
það við hæfi er ágætt að miðla
slíku þakklæti í upphafi ræðu.
endirinn ætti hins vegar að vera
hvatning eða staðhæfing sem
hvetur fólk til að taka ákvörðun
eða til að gera eitthvað.“
að ýmsu er að hyggja þegar halda á fundi á ensku og
misskilningur getur verið dýrkeyptur. Þótt viðkomandi tali
ágæta ensku þýðir það ekki að hann muni tala skýra og
nákvæma ensku á fundi sem haldinn er á því tungumáli.
Boðið er upp á námskeið í enskuskólanum í hvernig
eigi að bera sig að. Þar fengust meðal annars þær
upplýsingar að sá sem skipuleggur fundinn ætti að skýra
frá markmiði fundarins á skýran hátt, að hann hafi í huga
að mestur hagur er af því ef allir taki þátt í umræðunum,
að hann biðji þá fundarmenn, sem hafa ensku sem
móðurmál, að tala einfaldari ensku en þeir eru vanir, að
hann biðji alla að tala hægt og skýrt til að allir skilji, að
þeir sem ekki skilja allt sem sagt er séu óhræddir við
að spyrja og segja í stuttu máli frá hverju atriði. aðrir
fundarmenn ættu að taka vel eftir því sem sagt er, tala
hægt og skýrt, athuga og útskýra það sem þeir skildu
ekki, vera tilbúnir að endurtaka það sem þeir sögðu og
sem aðrir skildu ekki og vera tilbúnir að segja frá með
eigin orðum og í stuttu máli það sem þeir eru spurðir
um.
í byrjun fundar má nota setningar eins og: „i’d like to
welcome everyone to the meeting.“ eða. „thank you all
for being here today.“ Þá má kynna markmið fundarins á
þennan hátt: „the objective of this meeting is to...“ eða
„the main subject of this meeting is...“ Varðandi það að
benda fundarmönnum á að tala hægt og skýrt má byrja á
setningum eins og: „i’d be very grateful if everyone would
speak slowly and clearly.“ eða: „Could i ask you to keep
your language as clear and simple as possible?“
fundi má ljúka með setningum eins og: „i think that
pretty much brings us to the end of our discussions.“
eða: „so, i’d like to run briefly through all the points
we’ve discussed.“
Julie Ingham er skólastjóri Enskuskólans.
fundir á ensku
Þegar enskan
er ekki þjál
Helgi Guðmundsson. „Ég hef lagt áherslu á að góð ræðumennska sé
það þegar viðkomandi stendur fyrir framan hóp af fólki og miðlar af
sínum persónuleika, sínum húmor og sinni skoðun. Það skiptir máli að
vera maður sjálfur.“
ráðstefnuhald
Góður aðbúnaður og umgjörð