Frjáls verslun - 01.02.2005, Qupperneq 47

F R J Á L S V E R S L U N • 2 . T B L . 2 0 0 5 47
með jafn skipulögðum hætti og Lyfjaver boðar og ekkert hampað
neitt sérstaklega. Auk þess hefur hún ekki verið ókeypis úti um allt
land.
Eftir því sem Frjáls verslun kemst næst hefur Lyfjaval sent lyf
ókeypis til allra, sem þess hafa óskað, allt frá því að það opnaði sitt
fyrsta apótek árið 1996. Lyf og heilsa hafa sent frítt heim frá opnun
keðjunnar, en miðað er við að lágmarksverð lyfjasendingar sé ekki
undir 5 þúsund krónum. Lyfja hefur verið með heimsendingarþjón-
ustu frá því fyrsta apótek hennar var opnað árið 1996. Lyfja sendir
öllum lífeyrisþegum (elli- og örorkuþegum) frítt, en aðrir þurfa að
borga gjald fyrir heimsendinguna sem mun láta nærri að vera 450
krónur.
Bílalúguapótek Lyfjavals Bílalúguapótek Lyfjavals var opnað í
byrjun mars. Að sögn Þorvalds Árnasonar, lyfjafræðings og eig-
anda fyrirtækisins, hefur bílalúgan hlotið góðar viðtökur. Hún er í
apóteki fyrirtækisins við Hæðarsmára í Kópavogi og er þar opið til
miðnættis alla daga vikunnar. Þorvaldur segir að fleiri hafa átt við-
skipti í gegnum lúguna en í hefðbundnu afgreiðslunni síðan opnað
var. Hann bendir á að þau þægindi sem fylgja því að geta fengið
lyfin afgreidd beint í bílinn séu ómetanleg, til dæmis fyrir öryrkja.
„Við höfum fengið mjög góðar móttökur og fólk er mjög ánægt með
þessa þjónustu. Ég held að ég megi alveg fullyrða að þeir sem koma
og versla í lúgunni muni koma aftur.“
Ingi Guðjónsson, forstjóri Lyfju, segist fagna allri samkeppni,
hún hvetji þau til að gera enn betur og hann segist fylgjast með því
af kostgæfni hvernig bílalúguapóteki Lyfjavals reiðir af. „Við finnum
engan mun á markaðnum enn sem komið er, en það er áhugavert
að fylgjast með nýjungum.“
„Bílalúguapótek okkar er opið til
miðnættis alla daga vikunnar og hafa
fleiri átt viðskipti í gegnum lúguna
en í hefðbundnu afgreiðslunni síðan
opnað var. Það eru t.d. ómetanleg
þægindi fyrir öryrkja að fá lyfin
afgreidd beint í bílinn.“
- Þorvaldur Árnason,
eigandi Lyfjavals.
MARKAÐURINN 11 MILLJARÐAR
„Við finnum engan mun á
markaðnum enn sem komið er
eftir útspil Lyfjavers og bílalúgu
Lyfjavals. Við höfum boðið upp
á heimsendingarþjónustu á
lyfjum á höfuðborgarsvæðinu
frá árinu 1996.“
- Ingi Guðjónsson, forstjóri Lyfju.
HEFÐBUNDIN APÓTEK
• Lyfja rekur 21 apótek.
• Lyf og heilsa reka 29 apótek.
• Lyfjaval rekur 2 apótek
• Lyfjaver rekur 1 apótek
og vélskömmtun lyfja.
• Aðrir lyfsalar, einstaklingar,
reka 8 apótek.
HEIMSENDINGARÞJÓNUSTA
Á HÖFUÐBORGARSVÆÐINU
Það mun hafa verið Laugavegs-
apótek sem fyrir mörgum árum
auglýsti fyrst allra apóteka heim-
sendingarþjónustu – og fékk fyrir
vikið kaldar kveðjur frá keppinaut-
unum.
Lyfjaval hefur sent frítt heim frá
opnun fyrsta frjálsa apóteksins
1996. Lyfjaval sendir jafnt til allra,
ekkert lágmarksgjald.
Lyf og heilsa hefur sent frítt
heim frá opnun keðjunnar 1999.
Framan af var þjónustan þó hvorki
auglýst né skipulögð, að því er
virðist. Lyf og heilsa sendir jafnt til
allra, en miðað er við að lágmarks-
verð lyfjasendingar fari ekki undir
u.þ.b. 5.000 krónur.
Lyfja hefur verið með heimsend-
ingarþjónustu frá 1996. Lyfja
sendir öllum lífeyrisþegum (elli- og
örorkuþegar) frítt, en aðrir þurfa
að borga um 450 króna gjald fyrir
ferðina.
Lyfjaver býður skipulegt sölukerfi
á ókeypis heimsendingum hvert
á land sem er og sama verð fyrir
lyfin óháð því hvar á landinu við-
skiptavinirnir búa.
LYFSALA
SKIPTING MARKAÐARINS
Lyfja og
Lyf & heilsa 85%
Önnur
apótek
15%