Ægir - 01.07.2002, Page 24

22
F Y R I R T Æ K J A K Y N N I N G
Vélaland ehf.
Vagnhöfða 21
Sími:577 4500
Fax: 567 2806
Veffang: www.velaland.is
Hjalti Ö. Sigfússon, deildarstjóri skipadeildar Vélalands ehf.
Gæðamálin ofarlega á baugi
Fyrir u.þ.b. ári síðan sameinuðust
fyrirtækin MD Vélar hf. og Vélaland
ehf. undir nafni Vélalands. Í fram-
haldi af því var fyrirtækinu deilda-
skipt og stofnuð skipadeild. Stærsti
þáttur deildarinnar er umboð fyrir
Mitsubishi skipa- og bátavélar
ásamt öllum tilheyrandi búnaði.
„Fastir starfsmenn skipadeildarinnar eru
fimm en heildarstarfsmannafjöldi Véla-
lands eru tuttugu og sex og færa menn
sig á milli deilda eftir því sem þurfa þykir,“
segir Hjalti Ö. Sigfússon, deildarstjóri
skipadeildar. „Við erum með sérhæfða
viðgerðaþjónustu fyrir allflestar gerðir
dísilvéla og byggjum á gömlum grunni,
en Vélaland hét áður Þ. Jónsson, en það
fyrirtæki var stofnað 1949 og erum við
því í raun elsta vélaverkstæði landsins,“
segir Hjalti.
Einnig býður Vélaland upp á viðgerðir
á öllum afgastúrbínum þ.e. bæði á tækj-
um til landnotkunar og til sjávar. Um síð-
ustu áramót tók Vélaland við þjónustunni
fyrir Bosch-Diesel á Íslandi af Bræðrun-
um-Ormsson og er Vélaland eina fyrir-
tækið sem Bosch viðurkennir sem þjón-
ustuaðila á Íslandi fyrir dísilstillingar.
Starfsmenn, sem þjálfaðir eru hjá Bosch,
starfa hjá fyrirtækinu við dísilstillingar og
á rafmagnsverkstæði.
Sjávarútvegurinn skipar stóran sess í
starfsemi Vélalands og er þjónustan við
hann um helmingur af veltu fyrirtækisins.
„Til dæmis eru Mitsubishi vélar frá okkur í
bátunum sem Ósey hefur verið að
smíða,“ segir Hjalti. „Einnig seljum við
ljósavélar, allt frá 5 kw upp í 2000 kw en
til gamans má geta þess að stærsta
ljósavél flotans, sem er í Örvari, er frá
okkur komin. Þjónustan við viðskiptavini
okkar er ekki síður mikilvæg . Allar við-
gerðir, framkvæmdar af Vélalandi, eru
unnar af fagmönnum sem notast við
bestu tækni sem völ er á í dag. Við leggj-
um mikið upp úr því að veita sem besta
þjónustu og er okkar aðalmarkmið að
skila vönduðum viðgerðum. Til að mynda
er von á sérfræðingi frá Bosch-Diesel til
okkar sem mun þjálfa starfsmenn okkar
enn frekar í sambandi við allt sem við-
kemur þeirra vörum. Það er aldrei hægt
að slaka á og alltaf er hægt að læra
meira,“ segir Hjalti.
Á sýningunni mun Vélaland leggja að-
aláherslu á Mitsubishi vélarnar ásamt því
að kynna Bosch þjónustuna. „Ég hvet
fólk til að koma og kynna sér starfsemi
okkar á sjávarútvegssýningunni,“ segir
Hjalti Ö. Sigfússon að lokum.