Tímarit Máls og menningar - 01.11.1980, Page 66

Tímarit Máls og menningar
Starf KEG er vissulega „rökrétt framhald“ Víetnamstríðsins. Það felst í því að
stjórna birgðaflutningum frá Vesturlöndum, Bandaríkjunum og Efnahags-
bandalagslöndunum, og sjá til þess að þær berist skjólstæðingunum frá síðustu
stríðsátökum, „skæruliðunum" sem eiga sér griðland við landamærin. Einkum
eru það Rauðu kmerarnir sem njóta góðs af, einhverjir athafnasömustu fjölda-
morðingjar síðari tíma, sem jafnvel forseti Bandaríkjanna hefur lýst sem
„heimsins verstu brotamönnum gegn mannréttindum“.
Hið „rökrétta framhald" birtist i hnotskurn í ferli æðsta yfirmanns KEG,
Michaels Eiland ofursta. Á árunum 1969—70 var Eiland majór og stjórnaði
sérstökum njósnasveitum sem gengu undir dulnefninu Daniel Boone. Þessar
sveitir sögðu fyrir um skotmörk í þeim óopinberu og ólöglegu loftárásum sem
rufu hlutleysi Kambódiu og urðu upphaf margra ára stríðs, eyðingar og slátr-
unar og bjuggu í haginn fyrir sigurgöngu Rauðra kmera síðar. Eiland ofursti
hefur áður óbeint rétt Rauðu kmerunum hjálparhönd, nú gerir hann það aftur;
að vísu hafa milljónir manna týnt lífi síðan síðast.
Hin nýja stefna Bandaríkjastjórnar hefur mannúðina að yfirvarpi. Markmið
hennar er, svo notuð séu orð dr. Kissingers, að „gera ótryggari“ stöðu
Kampútsíu og þá ekki síður Víetnams. Æskileg áhrif eru talin þessi:
1. Efnahagslegt hrun og einangrun Víetnams svo að andi þess verði loksins
yfirunninn og byltingunni snúið í þá öfugsnúnu forræðismynd sem nú blasir
við.
2. Að neyða Víetnam til að verða háð aðstoð Sovétríkjanna.
3. Að sverta um leið í augum umheimsins áratuga baráttu og fórnir víet-
nömsku þjóðarinnar til að gefa bandarískri íhlutun og notkun á Víetnam sem
tilraunasvæði í útrýmingarhernaði sögulega réttlætingu.
4. Að ná fram hefndum fyrir ósigur og niðurlægingu um leið og undirbúinn
er jarðvegur fýrir nýja íhlutun.
5. Að etja enn frekar saman Sovétmönnum og Kinverjum sem saka hver
annan um „útþenslustefnu“ (orðið endurskoðunarstefna heyrist ekki lengur).
Þetta er herkænskustefna Brzezinskis 1980 og það er enginn efi á því að Reagan
mun fylgja henni líka. Hún nefnist að deila og drottna.
Þáttaskil
Indókínastríð Brzezinskis hófst með komu Abramowitz til Bangkok sumarið
1978. Skömmu síðar var mjög mikilvægu tækifæri til friðarsamninga endanlega
hafnað. Haustið 1978 fór sendinefnd lækna og næringarfræðinga til Víetnams á
vegum þingnefndar undir stjórn Edwards Kennedy öldungadeildarþingmanns.
320