Tímarit Máls og menningar - 01.11.1980, Qupperneq 70

Tímarit Má/s og menningar
vegna þessi leynd yfir sendiför sem á að vera eingöngu mannúðar- og hjálpar-
starf?
„Þú mátt ekki dæma okkur allt of hart,“ sagði einn starfsmaður Rauða
krossins. „Astandið er allt rotið og við sitjum í drullufeninu miðju og reynum
að losa okkur. Hvaðgetum viðgert þegar Task Force80' kemur með særða rauða
kmera inn í Sa Kaeo búðimar (inni í Thailandi) og skipar okkar fólki að gera að
sárum þeirra? Auðvitað verðum við að lappa upp á þá, og Thailendingarnir
senda þá til baka aftur. Ef við drögum okkur út úr landamærahéruðunum
verður það til þess að Thailendingar koma í veg fyrir að birgðir okkar fari
gegnum Bangkok til Phnom Penh, og þá líta yfirvöldin þar á okkur sem
hjálparmenn fjenda sinna og gera okkar fólki þar erfitt fyrir. Við erum sem sagt
fastir í feninu.“
Gamalreyndur starfsmaður Barnahjálparinnar sagði: „Sendiráðið bandaríska
og KEG hringja nú i mig á hverjum einasta degi. Þeir hamra á því að við
verðum að vera hér kyrrir. Mér er nóg boðið og ég vil fara burt. En þeir vita að
við vitum að ef við förum burt af landamærunum verða bandarískar fjárveitingar
að engu. Þetta er kúgun af grófasta tagi.“ Jafnvel Kaþólska hjálparstofnunin,
sem hefur alltaf haft náið samband við Bandarikjamenn, neitar að vera kyrr
Thailandsmegin við landamærin.
„ClA-skýrslari'
Það er einkum sú afbökun sem atburðirnir í Indókína hafa sætt í meðförum
vestrænna fjölmiðla sem hefur gert stjórninni í Washington kleift að spila út
„Kínatrompinu“, hefurgefið vestrænum ríkisstjórnum (og hjálparstofnunum)
gervi frelsandi engla og sett skollamarkið á stjórnir Víetnams og Kampútsíu.
Það er nú ljóst orðið að hinn lævíslegi áróður gegn Kampútsíu hefur verið
þaulskipulagður. í Guardian 8. janúar segist John Gittings þannig frá:
Sú stefna sem Brzezinski hefur mótað og beinist að því að reka fleyg milli
Kinverja og Víetnama (og þröngva þannig Víetnömum i bandalag með
Rússum) er borin uppi af djúprættum fjandskap í garð þeirrar einu
Asíuþjóðar sem hefur tekist að bera sigurorð af Bandaríkjamönnum í
stríði. Einn af ráðgjöfum hans hefur nýlega kallað Víetnama „dreggjar
mannlegs samfélags“. í nóvember síðastliðnum heyrðist á skotspónum úr
1 Sérstök deild í thailenska hernum sem stjórnar skærulióasveitum beggja vegna landamæranna
með bandarískri ráögjöf og f)árstuðningi.
324