Tímarit Máls og menningar - 01.09.1989, Side 99

Hallgrímur Helgason
Mæður íslands
Ég sé þar sem að hundrað þúsund hanga
haldalaus og slegin votum bjarma
frá boðaföllum beltisólum neðar
brjóstin fagurvöl um myrka tanga
nes og tær hinn sængurlita sjarma
senda svo þar roðnar kalinn tindur
hver húðarblettur hæð og lautir anga
af heitri tekju innanverðra móa
og hári sem að fjallabaki bindur
bröttum kenndum leið í neðri gljúfur
sem flekklaus kenna fyrstu sálarsnjóa
þó frosin höft þeim losi nasavindur
því rétt á bakvið blundar hellisstúfur
og blettagjörnu velli frárra spóa
þar veggir endurvarpa í röku skyni
á vogir tíðafars og dagaþúfur
egg frá steinum stokka í gríð og ergi
en stakar frumur líf úr öðru kyni
flétta og smáar fósturmyndir hnoða
úr fornu degi hvera og brenndum mergi
því sjá þar Island elur nýja syni
sem andlitsvotir hvá í morguns roða
á volgum naflastreng í brotnu bergi
baldnir mjög þeir klífa hratt og spranga
þar til hátt við himinspena loða
og heitir vel svo nærri hvítum sopa
þeir sjá nú þar sem hundrað þúsund hanga.
TMM VII
361