Tímarit Máls og menningar - 01.06.2000, Qupperneq 78

JOSÉ HERNANDEZ
Vonir að byggja ótryggt er
á hvaða hjarta sem fyrir ber.
Gerist þér harður heimur
treystu á guð við torleik þann,
treystu einum ef biður mann,
en treystu varlega tveimur.
Ágallar hafa ekki nein
ytri mörk líkt og svæðisrein.
Þeir leynast með lýðum öllum,
best er því að ég biðji þá:
Beini gallaðir sjónum ffá
allra annarra göllum.
Vini á bráðri bölvastund
bregðast ei skal á nokkra lund.
Björg þó ei bið hann um neina
né legg í hans hendur líf og ráð.
í lengd er traustastur vin og í bráð
framkoman ffóma og hreina.
Gott það ei neinum gjöra má
ef græðgi og hræðsla leggst hann á,
eign skyldi engan mæða
forgengileg, né raska ró.
Ríka ei laðið, bregðist þó
aldrei þeim illa stæða.
Þeim líður vel sem veita kann
virðingu öðrum, sæll er hann
jafnvel á sléttuslóðum.
í veiklyndra hópi vera skal
varkár og forðast heiftartal,
gætinn hjá hetjum góðum.
76
www.malogmenning.is
TMM 2000:2