Bókasafnið - 01.06.2014, Qupperneq 32

Bókasafnið 38. árg. 2014
32
rannsókn hefðum við borgað minna fyrir aðganginn og
einnig fengið meiri upplýsingar um notkunina hér innan­
lands, upplýsingar sem hægt væri að byggja framtíðar­
samninga á. Það gekk ekki eftir. Sú útfærsla á
hugmyndinni sem notuð er hefur í raun verið of dýr.
Enn eitt sem ég er ánægð með að hafa komið að er
að þróa námskeiðið Skjalavarsla og skjalasöfn, yfir í
námskeiðið Skjalastjórn. Það hefur skipt greinina mjög
miklu máli, ekki aðeins ímyndarlega séð heldur hefur
það líka orðið til þess að bókasafns­ og upplýsingafræð­
ingum hafa staðið vel launuð störf til boða sem njóta
virðingar innan stofnana og fyrirtækja. Á þessum tíma
fór tölvunotkun á bókasöfnum að aukast og margir litu
svo á að aðalmálið væri að komast inn í þau mál. Eftir á
að hyggja hefði sú þróun orðið eins og hún varð með til­
komu Lýðnetsins. En það var ekki sjálfgefið að þróunin í
skjalastjórnarmálum hefði orðið sú að bókasafns­ og
upplýsingafræðingar yrðu eftirsóttir sem skjalastjórar og
það hefur skipt miklu máli. Nú þarf bara að halda áfram
á sömu braut og víkka starfsvettvanginn ennþá meira.
Framtíð upplýsingafræðingsins
Framtíðin er björt ef við höldum rétt á spilunum. Við
verðum að gæta þess í endurskoðun á náminu að auka
frekar en minnka það sem hvergi er hægt að læra ann­
ars staðar á landinu. Mikil þörf er á í þjóðfélaginu og
eftirspurn eftir slíkri kunnáttu, svo sem að skipuleggja
vistun upplýsinga um alls kyns heimildir ásamt aðgangi
að heimildunum sjálfum. Einnig má nefna skráningu,
flokkun og lyklun, ásamt vefstjórn og öðru því er varðar
stjórn á og skipulagningu þekkingar og upplýsinga. Miða
þarf kennslu í þessum greinum við þarfir á víðum
vettvangi, ekki aðeins á bókasöfnum og skjalasöfnum.
Sem dæmi má nefna að miðla ætti þekkingu um
kenningar um skráningu, þróun skráningarreglna og
virkni mismunandi skráningarhátta og skráningarkerfa.
Þekkingu sem nýtist á fleirum en einum starfsvettvangi.
Aðeins ætti að kynna skráningu í Gegni, en ekki að
kenna hana. Innsetning í tiltekin bókasafnstölvukerfi er í
raun tækniþekking, sem ekki er aðeins bundin við
bókasöfn, heldur innsetningu í eitt tiltekið bókasafnskerfi
sem nýtist ekki einu sinni við vinnu í öðrum slíkum
bókasafnskerfum.
Hvað er á dagskrá á næstunni?
Í sumar verð ég sjötug og mun þess vegna hætta í
starfi lektors við Háskóla Íslands. Þó verð ég aðeins
viðloðandi greinina. Til stendur að ég hafi umsjón með
vettvangsnáminu og einnig sé ég fram á að einhverjir
nemendur, sem ég leiðbeini muni ef til vill ekki ljúka
lokaverkefnum sínum fyrr en í árslok. Auk þess stefni ég
á að halda rannsóknum mínum áfram.
Abstract:
„The future is bright if we play our cards right“:
An interview with Stefanía Júlíusdóttir
Stefanía Júlíusdóttir is a lecturer in Information
Science at the University of Iceland. She defended her
doctoral dissertation at the age of 69 at the University of
Iceland in June 2013, which is the latest doctorate in
Library and Information Science in Iceland. The title of
her thesis is A role to play: continuity and change in
career opportunities and working conditions in libraries,
records management, and archives. Stefanía was born
in 1944. She finished her BA in library science and
biology at the University of Iceland in 1974 and her MA
in library science at Cornell in 1984. She has had a long
and interesting career as a librarian and a university
lecturer. She worked at the National Library of Iceland
and the library at the National University Hospital of
Iceland among others. I met with Stefanía at her office
at the University of Iceland to discuss her doctoral
studies, career and more.
1 Greinin sem Stefanía nefnir hér heitir „Frá upplýsingabyltingu ti l þekkingarþjóðfélags“ og birtist í Morgunblaðinu þann 11 . júní 2000.