Bókasafnið - 01.06.2014, Side 57

Bókasafnið 38. árg. 2014
57
innan atvinnulífsins og á sviði rannsókna og kennslu. Til
þess að framfylgja stefnunni er leitast við að hafa á boð­
stólum námskeið sem innihalda alla nauðsynlega þætti í
bókasafns­ og upplýsingafræði og tengdra greina. Stefnt
er að því hafa endurskoðun sífellt í gangi hvað varðar
námið í heild, námsleiðir og einstök námskeið. Megin­
markmiðin með kennslunni eru:
• Að útskrifa nemendur sem búa yfir nauðsynlegri
þekkingu og hæfni til þess að skila árangursríkri
vinnu á starfsvettvangi.
• Að hvetja nemendur til þess að fylgjast með
þeim öru breytingum sem eiga sér stað í starfs­
umhverfi fræðigreinarinnar og tileinka sér nýj­
ungar með símenntun að loknu háskólanámi.
• Að stuðla að því að nemendur miðli þekkingu
eftir að námi lýkur til dæmis með námskeiðs­ og
fyrirlestrahaldi á vinnustöðum sínum.
• Að hvetja nemendur til rannsókna og leiða
þeim fyrir sjónir að innan fræðigreinarinnar er
víða óplægður akur hvað rannsóknarverkefni
varðar.
• Að hvetja nemendur til framhaldsnáms og gefa
þeim gott veganesti svo að þeir séu færir um að
velja þá leið.
Ofangreind markmið eru háð því að boðið sé upp á
nægjanlegt úrval námsleiða og námskeiða ﴾Jóhanna
Gunnlaugsdóttir, 2005﴿. Það er svo aftur á móti háð því
fé og þeim starfskrafti sem námsbrautin hefur yfir að
ráða hverju sinni hvernig til tekst.
Nám og kennsla
Mikið vatn hefur runnið til sjávar frá því að kennsla
hófst í greininni árið 1956. Námið hefur tekið breytingum
og þróast á þeim áratugum sem liðnir eru. Árið 1979 var
fyrst boðið upp á sérhæfingu skólasafnsvarða. Kennsla í
skjalavörslu hófst sama ár og árið 1994 var boðið upp á
sérhæfingu á sviði skjalastjórnar ﴾Háskóli Íslands, 1979;
1993﴿. Fleiri sérhæfingarleiðir hafa fylgt í kjölfarið svo
sem upplýsingafræði og þekkingarmiðlun og stjórnun og
stefnumótun ﴾Háskóli Íslands, 2014a﴿. Fjöldi nemenda
sem hafa útskrifast sem skólasafnsverðir ﴾30 einingar
eða 60 ECTS﴿ er 52 ﴾Háskóli Íslands, 2001; Jóna
Margrét Guðmundsdóttir munnleg heimild, 14. ágúst
2012﴿. Í árslok 2013 höfðu alls 553 nemendur útskrifast
með BA­gráðu í bókasafns­ og upplýsingafræði frá Há­
skóla Íslands ﴾Háskóli Íslands, 2014a; Kristín H. Péturs­
dóttir og Ragnhildur Bragadóttir, 1998; Sigrún Klara
Hannesdóttir, 1997﴿. Mynd 1 sýnir fjölda útskrifta úr BA­
námi og dreifingu á árunum 1964­2013. Sem sjá má
hefur útskrifuðum BA­nemum farið fækkandi hin síðari
ár. Það helst í hendur við dvínandi aðsókn í BA­námið. Í
júní 2014 útskrifuðust tíu nemendur úr BA­náminu og
von er á fleiri útskriftum í október 2014.
Með setningu laga um bókasafnsfræðinga, nr.
97/1984, var kveðið á um að þeir sem höfðu lokið há­
skólaprófi í annarri grein, auk að minnsta kosti 60 ein­
inga námi í bókasafnsfræði ﴾120 ECTS﴿, mættu kalla sig
bókasafnsfræðinga. Um þær mundir var komið á fót
svokölluðu starfsréttindanámi í bókasafns­ og upplýs­
ingafræði til 60 eininga ﴾120 ECTS﴿ ætlað þeim sem
höfðu háskólapróf í annarri grein. Árið 1990 höfðu um
það bil tíu nemendur útskrifast með starfsréttindanám í
greininni ﴾Félagsvísindadeild. Háskóli Íslands, 2001﴿.
Á mynd 2 má sjá yfirlit yfir fjölda nemenda sem út­
skrifuðust með starfsréttindanám á árunum 1990­2006
og eru þeir 43 samtals ﴾Háskóli Íslands, 2001; Háskóli
Íslands, 2012; Kristín H. Pétursdóttir og Ragnhildur
Mynd 1: Dreifing útskrifta úr BA-námi eftir árum, 1964 til 2013