Bókasafnið - 01.06.2014, Qupperneq 65

Bókasafn Reykjanesbæjar var flutt í sumarbyrjun
2013 og opnað á nýjum stað 11. júní sama ár. Um var
að ræða þriðju flutningana í sögu safnsins, sem rekja
má aftur til ársins 1957 þegar ný bókasafnslög voru
samþykkt. Fyrstu 16 árin var safnið starfrækt á loftinu í
íþróttahúsi Myllubakkaskóla en var flutt árið 1974 að
Mánagötu 7 í húsnæði sem var og er í dag einbýlishús.
Árið 1993 varð mikil bylting í húsnæðismálum safnsins
þegar það var opnað að nýju eftir flutning í rúmlega 1100
m² húsnæði í Kjarna við Hafnargötu 57. Þar hafði safnið
aðsetur í tæp 20 ár eða þar til í sumarbyrjun 2013.
Það var með kvíðablandinni tilhlökkun sem starfs­
menn Bókasafns Reykjanesbæjar réðust í flutning í maí­
mánuði 2013. Starfsfólk bókasafna veit sem er að það er
ekki auðvelt að flytja stórt almenningsbókasafn. Á sama
tíma fylgdi því tilhlökkun og hagræðing að komast nær
menningarsviði og öðru starfsfólki Reykjanesbæjar. Öll
kjarnastarfsemi bæjarins er nú komin undir eitt þak, í
Ráðhúsi við Tjarnargötu 12.
Byrjað var að huga að flutningum í ársbyrjun 2013
og reynt að undirbúa þá eins vel og unnt var samhliða
daglegum rekstri. Teikningar af nýju húsnæði voru
skoðaðar vandlega og
starfsfólki var fljótlega
ljóst að nýju húsa­
kynnin voru töluvert
minni en þau í Kjarna.
Það þýddi að grisja
þurfti safnkostinn eins
og kostur var. Ráðist
var í þann niðurskurð
á vormánuðum og í
framhaldi hóf starfsfólk að ganga frá geymslubókum í
kassa. Safninu var síðan lokað í maí og framan af júní­
mánuði til þess að klára flutninginn og undirbúa opnun á
nýjum stað.
Reynslan af þessum flutningum var því öðruvísi en af
flutningunum tveimur áratugum fyrr, þegar húsnæðið
stækkaði um rúmlega 800 fermetra. Nú eru húsakynnin
840 m² og þótt ráðist hafi verið í grisjun er hluti safn­
Svanhildur Eiríksdóttir er bókmennta­ og stjórnsýslufræðingur að mennt og
starfar sem verkefnastjóri hjá Bókasafni Reykjanesbæjar.
Bókasafn Reykjanesbæjar í nýtt húsnæði
Svanhildur Eiríksdóttir
Mynd 1. Tjarnargata 12
Mynd 2. Barnadeild eftir
breytingar
Mynd 3. Horft niður af annarri hæð