Dagblaðið Vísir - DV - 17.09.2010, Page 18

18 FRÉTTIR 17. september 2010 FÖSTUDAGUR
Engar nýjar upplýsingar hafa kom-
ið fram enn sem breytt gætu þeirri
niðurstöðu Björns L. Bergssonar,
setts ríkissaksóknara, snemma í júní
að ekki hafi verið tilefni til að hefja
sakamálarannsókn á hendur þrem-
ur fyrrverandi seðlabankastjórum og
fyrrverandi forstjóra Fjármálaeftirlits-
ins. Í skýrslu rannsóknarnefndarinn-
ar var talið að þeir hefðu sýnt af sér
vanrækslu í embættisstörfum sínum.
Um er að ræða Davíð Oddsson, Ei-
rík Guðnason og Ingimund Friðriks-
son, fyrrverandi seðlabankastjóra,
og Jónas Fr. Jónsson, fyrrverandi for-
stjóra Fjármálaeftirlitsins.
Engu að síður þykir nýleg synjun
slitastjórnar Icebank á meira en 200
milljarða kröfu ríkisins og Seðlabank-
ans í þrotabú bankans varpa nýju ljósi
á mál umræddra seðlabankastjóra
þar sem slitastjórnin hafnaði kröf-
unni meðal annars á þeirri forsendu
að Seðlabankinn hefði brotið lög.
„Á þessum tímapunkti hafa eng-
ar nýjar upplýsingar komið fram sem
breyta fyrri niðurstöðu,“ segir Björn L.
Bergsson í samtali við DV.
Nýjar upplýsingar?
Ekki er heldur talið líklegt að mögu-
leg málshöfðun Alþingis á hendur
þremur til fjórum ráðherrum breyti
nokkru um niðurstöðu Björns L.
Bergssonar ein og sér. Engu að síð-
ur er á það bent að heppilegra hefði
verið fyrir settan ríkissaksóknara að
bíða niðurstöðu þingmannanefndar
Atla Gíslasonar um málshöfðun gegn
fyrrverandi ráðherrum áður en hann
gaf út yfirlýsingu sína snemma sum-
ars. Á það er að líta að miklar tafir
urðu á að þingmannanefndin skilaði
niðurstöðum sínum. Þess ber að geta
að verkefni nefndarinnar var ekki að
ráðast í formlega sakamálarannsókn
varðandi möguleg brot á lögum um
ráðherraábyrgð, heldur bregðast við
upplýsingum sem fram höfðu komið
í skýrslu rannsóknarnefndar Alþing-
is. Meirihluti nefndarinnar komst
að því – eins og alkunna er – að efni
væru til að höfða mál gegn þremur
til fjórum ráðherrum á grundvelli
laga um ráðherraábyrgð. Fáeinum
vikum áður en Björn L. Bergsson gaf
út yfirlýsingu um að ekki væri efni
til sérstakrar sakamálarannsóknar á
hendur Davíð, Eiríki, Ingimundi og
Jónasi sendi þingmannanefndin rík-
issaksóknara formlega ábendingu
um möguleg brot seðlabankastjór-
anna og forstjóra FME á grundvelli
skýrslu rannsóknarnefndar Alþing-
is. Sú ábending var í raun ígildi kæru
sem ríkissaksóknara bar að taka til
athugunar. Það gerði settur ríkissak-
sóknari og gaf út yfirlýsingu snemma
í júní eins og áður segir. Möguleg
brot embættismanna í Seðlabank-
anum og hjá FME heyrðu ekki und-
ir lög um ráðherraábyrgð og lands-
dóm og því sendi nefndin ábendingu
sína til Björns L. Bergssonar. Ástæð-
ur þessa eru áréttaðar í greinargerð
skýrslu þingmannanefndarinnar
um afstöðu Ragnheiðar Ríkharðs-
dóttur og Unnar Brár Konráðsdótt-
ur, fulltrúa Sjálfstæðisflokksins í
nefndinni. „Niðurstaða setts sak-
sóknara var að umfjöllunarefni og
ályktanir rannsóknarnefndarinnar
gæfu að svo stöddu ekki tilefni til að
efna til sakamálarannsóknar á hend-
ur seðlabankastjórunum eða for-
stjóra Fjármálaeftirlitsins.“ Hafa ber í
huga hið augljósa, að Davíð, Eiríkur,
Ingimundur og Jónas Fr. yrðu aldrei
dæmdir eftir lögum um ráðherraá-
byrgð af landsdómi.
„Bankarnir voru að deyja“
Ýmsir lögfræðingar, sem DV hef-
ur rætt við, telja að eftir yfirlýsingar
slitastjórnar Sparisjóðabankans, Ice-
bank, snemma í þessum mánuði séu
í raun fram komnar nýjar upplýsing-
ar sem breytt geti stöðunni varðandi
sakamálarannsókn á hendur fyrrver-
andi bankastjórum Seðlabankans. Í
tengslum við köfuhafafund snemma
í mánuðinum hafnaði slitastjórn-
in samtals um 225 milljarða króna
kröfu ríkisins/Seðlabankans í þrota-
bú bankans. Þetta var gert á þeirri for-
sendu að stjórnendur Seðlabankans
hefðu ekki upplýst yfirmenn Icebank
um alvarlega stöðu viðskiptabank-
anna. Lánveitingarnar hefðu ekki
heldur verið í samræmi við gildandi
lög og vinnureglur Seðlabankans. Þau
hefðu verið málamyndagjörningur
eða „simulated contract“ eins og það
var kynnt kröfuhöfum.
Röksemdir sínar byggði slita-
stjórnin einkum á upplýsingum sem
er að finna í skýrslu rannsóknar-
HINIR ÓSNERTANLEGU
Engar nýjar upplýsingar hafa verið lagðar
fram sem haggað geta þeirri niðurstöðu
Björns L. Bergssonar frá því snemma í
júní að hefja ekki sakamálarannsókn að
svo stöddu í málum þriggja fyrrverandi
seðlabankastjóra og forstjóra FME. Engu
að síður hefur slitastjórn Icebank borið
Seðlabankann þungum sökum og hafnað
200 milljarða kröfu hans og ríkisins í þrota-
bú bankans. Þá hefur þingmannanefnd
Atla Gíslasonar gagnrýnt seðlabankastjór-
ana jafnvel af meiri þunga en rannsóknar-
nefnd Alþingis gerði í skýrslu sinni.
Þessir einstak- lingar hafa ekk-
ert fengið neina synda-
aflausn.
Settur ríkissaksóknari Björn L. Bergs-
son segir engar upplýsingar enn hafa
verið bornar fram sem breyti ákvörðun
hans frá því snemma í júní um að ekki
séu efni til sakamálarannsóknar á hendur
Davíð, Eiríki, Ingimundi og Jónasi Fr.
Ráðherrar ákærðir Þegar gruggið sest
og Alþingi hefur rætt málin er líklegt að
þingmenn eigi auðveldara með að taka
afstöðu til málshöfðunar gegn þremur
til fjórum ráðherrum. Atli Gíslason fylgir
málshöfðun úr hlaði fyrir helgina.
JÓHANN HAUKSSON
blaðamaður skrifar: johannh@dv.is