Dagblaðið Vísir - DV - 17.09.2010, Qupperneq 53

The Social
Network
ræddi við Saverin stóð hinn síðar-
nefndi í miðjum málaferlum við
Zuckerberg. Að sögn Mezrichs
ákvað Zuckerberg að leggja fram
sáttatillögu þegar hann frétti af fyr-
irhugaðri bók og í kjölfarið var Sa-
verin titlaður sem einn meðstofn-
enda samskiptasíðunnar og á nú
5% af hlutafé Facebook-veldisins.
Það kom þó ekki í veg fyrir útkomu
bókarinnar en Saverin mun að lík-
indum aldrei tjá sig aftur á opin-
berum vettvangi um Zuckerberg.
Á fréttamannafundi í síðasta mán-
uði minntist Zuckerberg á mynd-
ina og sagði þá: „Ég stofnaði Face-
book til að bæta heiminn og gera
hann gegnsærri. Þessi kvikmynd
sýnir mig hins vegar sem einhvern
sem stofnaði Facebook til að geta
hitt stelpur.“
Hinn ungi Zuckerberg
Mark Zuckerberg er uppalinn í New
York-fylki, faðir hans er tannlækn-
ir og móðirin sálfræðingur. Hann
stundaði nám við einkarekinn
heimavistarskóla í New Hampshire á
unglingsárum og hlaut þar verðlaun
fyrir frammistöðu sína í stærðfræði,
stjörnufræði, efnafræði og klassísk-
um tungumálum. Zuckerberg hafði
fengist við forritun allt frá 12 ára aldri
og eyddi nær öllum frítíma sínum í
þetta áhugamál á skólaárum sínum.
Hann fékk inngöngu við Harvard-
háskóla árið 2004 og hóf þar nám í
tölvunarfræðum.
Sérvitringur
Nemendur sem voru samtíða honum
á Harvard-árunum muna eftir hon-
um sem einrænum sérvitringi, fölum
ásýndar með hrokkið hár, stór augu
og freknótt andlit sem gaf honum yf-
irbragð ofvaxins barns. Hann hafði
þann undarlega ávana að ganga ætíð
í Adidas-inniskóm (flip-flops) hvort
sem var um mitt sumar eða hávet-
ur. Flestir ef ekki allir samnemend-
ur hans minnast á hinn undarlega
samskiptamáta hans, þegar hann átti
í samræðum var andlit hans algjör-
lega rúið svipbrigðum eða tilfinning-
um. Þegar hann hlustaði því næst á
viðmælanda sinn beið hann hljóður
þar til hann hafði lokið sér af og svar-
aði síðan oftast nær með einu áhuga-
lausu jái eins og umræðuefnið vekti
engan áhuga hjá honum.
facemash.com
Stuttu eftir að Zuckerberg hóf nám
við Harvard setti hann í loftið vef-
síðuna facemash.com þar sem nem-
endur gátu gefið hver öðrum ein-
kunn varðandi persónuleika eða
kynþokka. Vinsældir síðunnar urðu
slíkar í upphafi að á innan við tveim-
ur tímum höfðu nemendur á há-
skólasvæðinu sent inn um 22 þús-
und einkunnir. Síðunni var þó lokað
fljótlega eftir mótmæli vegna frið-
helgi persónuupplýsinga.
Zuckerberg gerði sér hins vegar
strax grein fyrir að í háskólasamfé-
laginu væri mikil þörf meðal nem-
enda fyrir veflægt samskiptakerfi og
hugmyndin að Facebook gerjaðist í
huga hans næstu mánuði. Nafnið er
dregið af „facebooks“, nokkurs kon-
ar upplýsingaheftum sem margir
bandarískir háskólar afhenda nem-
endum í upphafi skólaárs og inni-
halda myndir og upplýsingar um
samnemendur. Zuckerberg hafði í
huga að gera veflæga útgáfu í sama
stíl en bæta við þeim möguleika að
geta „potað“ (e. nudge eða poke) í
nemendur.
Næmi fyrir tímasetningu
Með stuðningi tveggja herbergisfé-
laga sinna, þeirra Dustins Mosko-
vitz og Chris Hughes, og þúsund
dollara framlagi Eduardos Saverin,
leit thefacebook.com dagsins ljós
í febrúar árið 2004 og innan fimm
daga höfðu tæplega þúsund manns
skráð sig sem notendur á síðunni.
Moskowitz, sem seinna varð
stjórnarformaður Facebook, rifj-
ar upp að Zuckerberg hafi „… slys-
ast inn í réttu kringumstæðurnar
auk þess að hafa einstakt næmi fyrir
tímasetningu. Ef hann var með góða
hugmynd fylgdi hann henni hiklaust
eftir í stað þess að velta því fyrir sér
hvort námið ætti að hafa forgang.“
Haldið til Kaliforníu
Í júní sama ár sagði Zuckerberg skil-
ið við Harvard og flutti ásamt her-
bergisfélögum sínum til Palo Alto í
Kaliforníu. Saverin, sem var bund-
inn við starfsnám hjá fjárfestingar-
banka í New York þetta sumar, lagði
um 10 þúsund dollara af eigin fé inn
á nýstofnaðan rekstrarreikning Face-
book-fyrirtækisins og hóf að leggja
drög að markaðssetningu síðunnar.
Á þessum tímapunkti gerðust hlut-
irnir ótrúlega hratt, Zuckerberg réð
til sín hóp af kerfisfræðingum og for-
riturum og unnið var á öllum tímum
sólarhringsins við að bæta við síðuna
eða laga vandamál sem höfðu kom-
ið upp. Árangurinn lét heldur ekki á
sér standa og fjárfestar sýndu fyrir-
tækinu mikinn áhuga. Síðar í mán-
uðinum gekk Peter Thiel, einn af
stofnendum PayPal, til liðs við þá fé-
laga sem fjárfestir og lagði fram hálfa
milljón Bandaríkjadala í fyrirtækið.
Vinslit
En uppgangur og velgengni verða
stundum til vinslita. Saverin, sem
hafði umsjón með útgjöldum og fjár-
hagslegum rekstri fyrirtækisins, var
orðinn hálfutanveltu í New York og
hafði sífellt meiri áhyggjur af eyðslu
þeirra félaga í hluti sem virtust á eng-
an hátt tengjast rekstrinum. Hann
tók í kjölfarið ákvörðun um að frysta
reikninginn, eitthvað sem Zuckerberg
gat aldrei fyrirgefið honum. Saverin
var látinn taka pokann sinn og var
með tíð og tíma skrifaður út úr sögu
fyrirtækisins. Það var ekki fyrr en árið
2007, eftir löng málaferli, sem hann
hlaut uppreisn æru og titilinn með-
stofnandi á síðu Facebook.
palli@dv.is
FÖSTUDAGUR 17. september 2010 TÆKNI 53
Ég stofnaði Face-book til að bæta
heiminn og gera hann
gegnsærri. Þessi kvik-
mynd sýnir mig hins
vegar sem einhvern sem
stofnaði Facebook til að
geta hitt stelpur.
… þegar hann átti í samræð-
um var andlit hans
algjörlega rúið svip-
brigðum eða tilfinn-
ingum.
Sean Parker Justin
Timberlake í hlutverki
glaumgosans Seans
Parker, eins af fyrrverandi
yfirmönnum Facebook og
meðstofnanda Napsters.
Mark Zuckerberg
Jesse Eisenberg er
eins og sniðinn í
hlutverk Zucker-
bergs.