Frjáls verslun - 01.11.2014, Blaðsíða 147

FRJÁLS VERSLUN 11 tbl. 014 147
Ekkert bráðnaði í
Ástralíu
Vandræðin hjá Pútín koma öll
upp á sama tíma. Úkraínumálið
fyrst. Upphaf þess er tæpast
hjá Pútín sjálfum heldur var
og er Úkraína ríki í upplausn
vegna spillingar, óstjórnar og
sund urlyndis. Það myndaðist
tómarúm þarna á sléttunum
við Svartahaf og eins og stór ­
veld um er tamt fylla þau alltaf
tómarúm. Pútín gerði eins og
við var að búast.
Fyrir þetta hefur Pútín fengið
bágt hjá helstu efnahagsveldum
heims. Það eru komnar upp
við skiptahindranir og gagn ­
kvæm inn­ og útflutningsbönn.
Pútín fór á fund 20 helstu iðn ­
ríkja heims í Brisbane í Ástra ­
líu í haust en hélt óvænt heim
fyrir fundarlok og kvart aði
undan svefnleysi.
Það þarf engan stóran krem­
ló lóg til að sjá að þessi fundur
í Ástralíu var Pútín ekki að
skapi: Refsiaðgerðir vegna
Úkra ínu gufuðu ekki upp í ástr­
ölsku sólinni og því eins gott að
fara heim og leggja sig.
Störukeppni milli aust­
urs og vesturs
Þannig þrengir að Pútín og
ríkustu vinum hans úr tveim­
ur áttum samtímis: Olía
og gas fellur í verði og við ­
skiptahindranir eru Rúss um
fjötur um fót. Þó má segja
sem svo að þessi deila um
Krímskagann og Austur­
Úkraínu sé orðin að störu ­
keppni milli austurs og vesturs.
Báðir tapa en spurningin er:
Hvor tapar meiru og hvor þolir
tapið lengur?
En allt þetta hefur vakið
minningar um kalt stríð. Her ­
æfingar eru á ný komnar
í tísku. Pútín er farinn að
senda flugvélar enn á ný
norðan frá Kólaskaga og út
á Atlants hafið. Enn á ný eru
gömul kaldastríðshugtök
eins og GIUK­hliðið komin
í umræðu. Það er leiðin út á
Atlantshafið milli Grænlands,
Íslands og Bretlandseyja. Þar
stóð Keflavíkurstöðin í miðju
hliðinu. Hvar er hún núna?
Var það ótímabær bjartsýni
hjá Kananum að loka stöðinni
þegar smáhlé varð á kalda
stríðinu? Þeir sem sakna stöðv­
arinnar segja það.
Pútín á næsta leik
Í öllu þessu er Úkraína og
fólkið þar orðið að lítilfjörlegri
skiptimynt. Ríkustu lönd
heims takast á, framboð og
eftirspurn mætast, en deilan
um Úkraínu er alveg jafnóleyst
og í upphafi. Fyrir Pútín hefur
Úkraínudeilan þann kost að
hún eykur vinsældir heima.
Pútín er hinn sterki maður
sem hefur gert Rússland að
stórveldi á ný. Hann kemur því
fólki,sem vill vera Rússar, til
hjálpar.
En svo fara þessar vinsældir
að kosta peninga í töpuðum
við skiptum og við bætist
fallið á verði olíu og gass. Þá
eru góð ráð dýr og jafnvel
óhjá kvæmilegt að leita mála ­
miðlana. Pútín á næsta leik og
hann getur valið á milli þess að
gefa eftir í Úkraínu – eða reyna
einhvers konar útrás til að auka
vinsældir og áhrif.
Villidýr hafa átt hug Pútíns allan. Hér hjálpar hann til við að
merkja tígrisdýr. Nú spyrja menn sig hvort „villidýrið“ vakni í
honum þegar þrengt er að honum.
Deilan um Krímskagann og Austur­Úkraínu er orðin að störukeppni milli austurs og vesturs. Báðir tapa.