Gripla - 20.12.2010, Blaðsíða 88

GRIPLA88
in oratione sua hæc diceret, surgens dæmon accessit et tenuit manum beatæ Mar-
garitæ et dixit: Sufficiat tibi, Margarita, quod fecisti, cessa iam a me, multum te
uideo in oratione perseuerare. Ego quidem misi fratrem meum Rufonem in si-
militudine draconis, ut absorberet et tolleret de terra memoriam tuam et uirgin-
itatem tuam obrueret et tu decorem tuum perderet. Tu uero eum signaculo Christi
uicisti, et nunc per canticum et me perdere cupis. Peto te, cessa iam a me. Tunc
sancta Margarita uirgo comprehendit dæmonem et per capillos deflexit eum in ter-
ram et posuit pedem suum dextrum super ceruicem eius et dicebat eit: Cessa de
mea uirginitate. Ego dominum habeo. Cessa, maligne, genus horribile. Cessa hom-
icida. Christus mihi protector est. Cessa, fœtor maligne, iniqua fera, auctor ge-
hennæ. Ego agna Christi. Ego domestica eius sum. Ego ancilla Dei. Ego sponsa
Christi, cuius nomen benedictum in sæcula. Dum hæc diceret, subito lumen reful-
sit in carcere et crux Christi uidebatur usque in cælum et columba super ipsa cruce
sedebat et dicebat: Beata es Margarita, quæ draconem occidisti, quæ dentes eius
comminuisti. Beata es Margarita, quæ uirginitatem desyderasti. Tibi est parata co-
rona gloriæ. Te expectant portæ paradisi. Tunc agens deo gratias beata Margarita
conuersa dixit: Diabole, unde est natura tua? Enarra mihi. Dæmon dixit: Præcor
te, sancta famula Christi, alleua pedem tuum de ceruice mea, ut quiescam modicum
et narrabo tibi omnia opera mea. Sancta autem puella subleuauit calcaneum suum
de ceruice eius et statim dæmon dixit: Beelzes cognomen est mihi post Belzebub.
Ego multorum iustorum labores in uentrem meum glutiui, et ego contra omnes
pugno et nullus me potuit uincere. Tu autem oculum meum eiecisti, uirtutem
meam confregisti, Rufonem occidisti et nunc, quia uideo in te Christum manen-
tem, facis, quod tibi placet. Antequam Christus in te maneret, terra eras et cinis et
totum corpus tuum exterminatum erat. Nunc autem, ex quo accepisti cælestem
prophetam, aliam in te uideo formam, unde in te aurei pedes dignoscuntur et sig-
num Christi in te ostenditur, per quod in te fructus iustitiæ maturus et suauitatis
et gratiæ plenus ostenditur. Candidi super lac et digiti tui figurati signaculo Chris-
ti. Cum ipso signo uicisti me et per ipsum Rufonem occidisti, per quem et alli-
gasti me. Christus ergo, qui ante sæcula est, requieuit in te, per cuius sigillum col-
ligasti me. Ego labores multorum abstuli et gluttiui in uentre meo. Ego sum, qui
pugno cum iustis et incendo renes eorum et occæco oculos eorum et obscuro sen-
sus eorum et facio eos obliuisci omnem cælestem sapientiam. Et cum dormiunt,
uenio super eos et excito illos a somno et uado super domus aliorum et quos non
possum mouere de somno, facio in somno peccare et quacumque sorte uentilabo
eos, ut mihi placet, et tamen nemo de manu mea euadit et cum omnibus pugno et
omnes conquasso. Sed de illis dico, in quibus portionem habebo, quos frigidos et
sine uexillo crucis inuenio, et qui fidem suam negligunt et a sanitate immundicias
redire cupiunt hos meis armis insidior et labores eorum quibus deo seruiunt. Nam
qui tibi similes sunt, confusus et uacuus discedo ab eis, quemadmodum et a te
hodie. O beata Margarita, superatus sum et quid faciam, ignoro. Arma mea con-
fusa sunt. Uel si iuuenis me uinceret, non curassem. Ecce, a tenera puella supera-
tus sum et in hoc dolet, quia pater et mater tua, o Margarita beata, socii mei fuerunt,