Gripla - 20.12.2010, Blaðsíða 94

GRIPLA94
*Heilǫg Margareta svaraði: “Búin em ek at *selja líkama minn til písla at ek
finna hvíld með réttlátum meyjum. *Kristr seldisk til dauða fyrir oss ok skal ek eigi
vera trauð at *deyja fyrir hans nafni, því at hann merkti mik *sínu marki.”
Þá lét *Olibríus greifi festa *hana í tré og berja svipum. En heilǫg mær
*Margareta leit til himins ok mælti: “*Í þér treysti ek, dróttinn, ok man ek þess
aldri iðrask, þó at óvinir mínir hlœgi at mér *ok hneykjask aldregi þeir er þín leita.
Líttu á mik, dróttinn, *ok miskunna mér ok leys mik ór hǫndum óvina minna ok
at eigi hræðisk líkami minn píslir, *heldr sendu mér heilsudǫgg af himni at mýkisk
sár mín ok snúisk hryggleikr minn í *fagnað.”
Kveljararnir bǫrðu hana vǫndum svá at blóð rann um allan hennar líkama sem
vatn ór uppsprettanda brunni en allir grétu þeir er við váru ok mæltu: “Þik grátu
vér, Margareta, er sjám þik meidda vera í píslum ok týnir þú mikilli fegrð fyrir ótrú
þína, *því at greifinn er þér reiðr fyrir ótrú þína ok ætlar at glata þér ok taka á braut
minning þína af jǫrðu. Trúi þú honum heldr ok muntu lifa ok sæl vera.”
*Heilǫg Margareta svaraði: “Þér vándir ráðunautar, farið til verka yðarra, því at
dróttinn bergr mér. Ef líkami minn meiðisk í píslum, þá *mun ǫnd mín hvílask
með réttlátum meyjum, *því at andir hjalpask fyrir líkamligar píslir ok kvalir. Trúi
þér heldr á guð minn þann er styrk hefir at lúka upp dyrum paradísar fyrir yðr. En
ek man eigi *yðr heyra né lúta goðum yðrum blindum ok daufum ok mállausum.”
Nú mælti *hon við greifann:
“*Þú gerir verk andskotans fǫður þíns, inn gráðgi hundr, en guð er hlíf skjǫldr
minn. Þó at þér sé gefit veldi yfir líkama mínum *þá man Kristr leysa ǫnd mína ór
hǫndum þínum.*Þú inn gráðgi úlfr guði leiðr muntu verða rœkr af Kristi til eilífra
kvala.”
*Þá reiddisk *greifinn *ok lét festa hana í stagl ok berja hana með járnsvipum,
en sæl Margareta leit til himins ok mælti: “Hundar margir slógu hring um mik ok
veltu mik ráð vándra manna, en þú, guð, rís upp til hjalpar minnar ok leys ǫnd
mína frá bana *ok ór munni ins óarga dýrs. Styrk þú mik, Kristr, ok gef mér lífsván
ok lát bœn mína koma til himna. Sendu mér dúfu af himni at mér komi at hjalp ok
*Heilǫg] – 428a *selja líkama minn til písla] taka písl á líkama minn 428a *Kristr seldisk til
dauða fyrir oss] ok sjálfr guð lét pínask 428a *deyja] taka písl 428a *sínu marki] marki sinnar
dÿrðar 428 *Olibríus greifi] greifinn 428a *hana] Margaretu 428 *Margareta leit til himins ok
mælti] mær mælti ok leit til himins 428a *Í] – 428a *ok hneykjask aldregi þeir er þín leita] –
428a *ok miskunna mér] miskunnaraugum *heldr] – 428a *fagnað] + ok í dýrð dróttins míns
Jesú Kristi 428 *því at greifinn er ... sæl vera] ok ger heldr at ráðum várum ok greifans ok man
þú þá sæl vera 428a *Heilǫg] – 428a*mun ǫnd mín hvílask] gleðsk ǫnd mín í dýrð á himnum
*því at andir hjalpask ... fyrir yðr] ok man dróttinn Jesus lúka upp fyrir mér dyrum paradísar
428a *yðr heyra né lúta] trúa 428a *hon] Margareta 428a *Þú gerir] Far þú ok ger 428 *þá man
Kristr ... hǫndum þínum] – 428a *Þú inn gráðgi úlfr ... kvala] mantu verða leiðr ok rœkr af
guði, en eigi máttu stiga yfir mey guðs ok hans krapt né himneska speki 428a *Þá reiddisk] Nú
talar 428a *greifinn] + við Margaretu meðr reiði mikilli 428a *ok lét festa] bað menn sína 428
*ok ... lífs ván] – 428a