Són - 01.01.2004, Page 86

ÞÓRÐUR HELGASON86
2.4.7 Nýjustu dæmin
Ívar Björnsson hefur sent frá sér þrjár ljóðabækur. Sú síðasta er Í
haustlitum frá 1995. Þar er ljóðið „Sá verður að vægja …“, aðeins eitt
erindi:26
Öldur þarf að lægja
og lausnir bestu finna
í lífi konu og manns.
Og sá verður að vægja
sem vitið hefur minna
því vitleysan er hans.
Nýverið kom út ritið Blíðsumars nætur sem hefur, eins og nafnið gefur
til kynna, að geyma ljóð Skagfirðinga um sjálfa sig og umhverfi sitt.
Þar er ljóðið „Haust“ eftir Björn Björnsson, tvö erindi, og er þetta hið
fyrra:27
Sumar er liðið, sólargeislarnir lækka,
sölna nú grösin, dagana stytta tekur.
Söngfuglar hverfa suður um höfin björtu.
Hlýviðrisdögum heldur er farið að fækka,
fönn hylur tinda, kvíða í brjóstunum vekur.
Einmana breiðir hrafn út vængina svörtu.
2.5 Að vestan
Það kemur í hlut Stephans G. Stephanssonar að kynna þetta rím í
ljóðum á íslensku í Vesturheimi. Árið 1910 birti hann háðkvæðið
„Skilnaðarsökin við Dani“ með undirtitlinum „— eftir öðrum tekin —“:28
Vort kvennafar og trúleysi, er tekja frá Dönum!
– Sú tízka í Danmörku úr Parísar-frönsku —“
Nú stendur það vottfast og vísindum í.
Um sáttmála gamla og þjóðrétt, á þönum
Ei þarf nú að vera um lausn frá þeim dönsku!
Því skilnaðar-sökin er sönnuð með því.
26 Ívar Björnsson (1995:59).
27 Blíðsumars nætur (2003:36).
28 Stephan G. Stephansson (1923:203–204).