Són - 01.01.2004, Side 112

KRISTJÁN ÁRNASON112
upphafin er hin norræna hetja sem á sér enga stoð í fallvöltum goð-
heimi en trúir „á mátt sinn og megin“ og snýr í stórlæti sínu við
guðunum „baki og gerir þá sjálfan sig að sínum eigin guði“. Í heimi
Pindars yrði slík persóna eintrjáningur eða það sem felst í gríska
orðinu idiotes þar sem hún leitar eingöngu eigin fremdar og upp-
hafningar án þess að finna sér stað og merkingu í því víðara og stærra
samhengi sem Grikkir einkenndu með orðum eins og polis og kosmos og
verða hluti af heimi þar sem vítt er til veggja og hátt til lofts. Þetta
hefur Grímur hins vegar gert með því að þreyta flugið með erninum
gríska alla leið upp að stöðvum Ólympsgoða, þaðan sem sér yfir
veröld víða, og á hann vissulega lof skilið af okkar hálfu, landa hans,
fyrir að hafa einnig náð að beina flugi arnarins norður á bóginn og
búið honum lendingu og samastað þar sem fyrir voru fjöll við hans
hæfi:33
eins og sjer hann, alt eins víða fer hann,
á hann hverjum fjalls á tindi heima.
HEIMILDIR
Aristóteles. 1976. Um skáldskaparlistina. Kristján Árnason þýddi. Hið ís-
lenzka bókmenntafélag, Reykjavík.
Grímur Thomsen.1934. Ljóðmæli I og II. Snæbjörn Jónsson, Reykjavík.
Grímur Thomsen. 1975. Íslenzkar bókmenntir og heimsskoðun. Andrés
Björnsson þýddi og gaf út. Bókaútgáfa Menningarsjóðs, Reykjavík.
33 Grímur Thomsen (1934 II:131).