Són - 01.01.2004, Síða 118

118 KRISTJÁN EIRÍKSSON
vann þau verk sem hún hafði þrek til að vinna og stjórnaði heim-
ilinu. Við systur vorum mikið til heima, önnur hvor eða báðar.
[…] Eitthvað reyndi hún að skrifa síðustu vikurnar sem hún
lifði. Áður en hún fór á sjúkrahúsið tók hún talsvert af skáld-
skap sínum og brenndi, taldi hann ekki þess virði að halda
honum til haga. Þó álít ég, að hún hafi alið þá von í brjósti að
hún fengi heilsu til að ljúka við og ganga frá ýmsu skrifuðu efni
en það varð ekki. Þar mun vera skýringin á því hve mörgu er
ólokið af sögunum hennar.5
Þótt Dýrólína héldi lausavísum sínum lítt til haga er þó furðumargt
varðveitt af þeim. Nokkrar sendi hún blöðum og tímaritum þegar
hún var ung að áeggjan föður síns og voru þær birtar umyrðalaust.6
Þá birti Margeir Jónsson á Ögmundarstöðum nokkrar vísur eftir
hana í fyrsta hefti Stuðlamála 1925 og einnig hafa varðveist í vísna-
söfnum ýmissa manna vísur eftir Dýrólínu, svo og í minni fólks. Á
Héraðsskjalasafninu á Sauðárkróki er varðveitt bréfasafn Margeirs á
Ögmundarstöðum og eru þar í bréf Dýrólínu til hans vegna útgáfu
Stuðlamála. Eru þau bréf ekki síst merkileg vegna þess að í þeim má
fá ýmsar upplýsingar um afstöðu hennar til skáldskapar bæði síns
eigin og annarra. Í Safnamálum 1990 er þáttur um Dýrólínu eftir
Kristmund Bjarnason og Ingibjörgu Björnsdóttur, dóttur Dýrólínu.
Nefnist hann „Dýrólína Jónsdóttir og vísur hennar“. Þar rekur Ingi-
björg ævi móður sinnar í stuttu máli og einnig eru birtar þar nokkrar
vísur hennar.
Að lokum ber þess að geta að í októberhefti Heima er bezt árið 1991
er þáttur um Dýrólínu eftir Ingibjörgu, dóttur skáldkonunnar, og
Kristmund Bjarnason. Þar rekur Ingibjörg einnig ævi móður sinnar
og þar fyrir aftan eru birtar nokkrar lausavísur Dýrólínu. Í nóvember-
hefti Heima er bezt sama ár birtir Ingibjörg einnig nokkur af ljóðum
móður sinnar. Er það sem sagt hefur verið hér á undan um æviferil
Dýrólínu að mestu sótt til greina Ingibjargar.
Hér á eftir verður nær eingöngu fjallað um lausavísnagerð Dýr-
ólínu, gerð grein fyrir helstu yrkisefnum hennar og skáldskaparein-
kennum.
Eins og áður segir fór Dýrólína snemma að kasta fram vísum og
mun faðir hennar, sem var prýðilega hagmæltur, heldur hafa ýtt undir
5 Ingibjörg Björnsdóttir (1990:6–7).
6 Sjá: Dýrólína Jónsdóttir (15. júní 1925).